HULANDA – Pa 7’or y mey di diaranson mainta, mayoria di e stembureaunan na Hulanda a habri. Esakit a nifica cu mas of menos 13 miyon di persona cu derecho di voto, por deposita nan voto pa e eleccion di Tweede Kamer.
E regla principal ta cu tur stembreau ta habri for di 7’or y mey di mainta pa 9’or di anochi. Pa stembureaunan tempran por ehempel na stacion di trein otro orarionan ta valido. Un exigencia en todo caso ta, cu tur mester ta cera pa 9’or di anochi.
Riba un cierto cantidad di stacion di trein, ya caba algun hende a vota eynan. Riba e stacion Castricum ya pa mey anochi e stembureau a habri. Despues di 5’or y 15 di mainta entre otro e stacionnan di trein na Nijmegen, Barendracht, Meppel y Breda, a habri. Na Amsterdam cientos hoben diamars anochi, ya caba a vota durante un asina yama stemfeest.
Diaranson mainta, ya caba tin rijnan largo dilanti di e stembureaunan na e stacionnan di trein entre otro Utrecht, Rotterdam y Den Haag. Hopi biahero a haci uzo pa vota prome cu nan a bay na nan trabao.
Ubicacion
Votantenan por bay vota diaranson na un di e 8900 diferente locacionnan. En total 388 gemeente tin por lo menos un stembureau habri. Tambe na e tres “bijzondere gemeente” Boneiro, Sint Eustatius y Saba por wordo vota.
Weeronlne ta meldt cu lo tin bon tempo pa bay vota. Sinembargo den parti zuid y mas den centro di e pais ta shinishi y nubla, ta keda seco. E temperatura ta keda entre 11 y 13 grado.
Stembiljet
En total 28 partido ta participa na e eleccionnan di Tweede Kamer, cu un total di 1116 candidato. E cantidad aki desde Segunda Guera Mundial no tabata asina halto y a entrega un formulario extra grandi. Votantenan por deposita nan voto riba 393 hende muhe y 723 hende homber.
Mas of menos 75 mil Hulandes den exterior lo deposita nan voto. Esey ta relativamente mas compara cu otro eleccionnan. Na 2012 mas of menos 40 mil voto den exterior a keda registra.
Resultadonan
Aparentemente e siguiente resultadonan oficial lo wordo anuncia den e anochi di diaranson pa diahuebs. Pasobra tur voto lo bay wordo conta na man e aña aki, e resultadonan por wordo spera mas despues compara cu otro añanan. NOS lo cuminsa pa 9’or cu su transmisionnan, despues cu tur e stembureaunan cera, cu e asina yama exitpoll a base di e encuestanan.
Rutte ta pidi Hulanda pa duna ehempel
E prome minister Hulandes, Mark Rutte, a pidi awe ora el a deposita su voto na Den Haag pa e eleccionnan legislativo di su pais cu Hulanda “crea un precedente” y pa frena e “ola di populismo” tras e triumfo di “brexit” y di Donald Trump durante e eleccion na Merca.
“Nos mester frena e ola di populismo pasobra e eleccionnan ta wordo celebra bao di e presion di e victoria di Trump na Merca y ‘brexit”, e politico liberal a indica.
Wilders a priminti un referendum contra Union Europeo
E lider di PVV, Geert Wilders, a deposita awe tambe den un scol di Den Haag su voto pa e eleccionnan legislativo di Hulanda cu e promesa cu, si e resulta e vencedor, e lo convoca un referendum contra Union Europeo.
“Si mi gana, lo bay tin unr referendum (contra Union Europeo), pasobra nos a duna nos placa na paisnan stranhero. Nos lo bay recupera Hulanda pa e Hulandesnan,” e lider di PVV a bisa.
Fuente: Nu.nl y EFE News