Dia 31 di Mei ta dia internacional ‘Sin Tabaco’ na unda ta pone atencion riba prevencion di uzo di Tabaco. E tema di e aña aki ta: “TABACO UN MENASA PA DESAROYO”. A scoge e tema aki pa demostra e menasa cu e industria di tabaco ta trece pa e desaroyo di un pais y tambe e salud di tur ciudadano. Fundacion Anti Droga Aruba (F.A.D.A) ta uni su mes na e dia aki y ta traha duro riba prevencion di uzo di Tabaco no solamente bou di nos hobennan pero tambe adulto. Nos ta enfoca riba e daño y consecuencia cu e uzo di tabaco tin riba e ser humano. Ta hopi importante pa nos para keto y realisa ki efecto tabaco tin den nos comunidad y con cada un di nos por ta e diferencia. Keda semper informa riba tur desaroyo tocante e tema cu no solamente na Aruba tin atencion pero tur parti di mundo. Si tin algun persona cu ta desea di haya mas informacion tocante tabaco of ta busca yudansa por tuma contacto libremente cu F.A.D.A.