Awe gobierno no por bisa cu cos ta bay malo cu Serlimar y dump, paso esaki ta e responsabilidad di nos mes un gobernatennan segun Sr. Rudy Geerman.
E terkedad di gobierno ta locual ta pasando awo. No por culpa, of miho bisa, gobierno no por culpa, cu pa motibo cu no a cobra e pueblo, Serlimar ta den un situacion financiero dificil. E responsabilidad di gobierno, ta di zorg pa Serlimar haya e placa cu e mester. Gobierno ta 100% responsabel pa recogemento di sushi.
Durante e ultimo 2 añanan, sindicato FTA a manda varios carta y varios proposicion, pa yega na un acuerdo pa un tarifa social. No por cobra tur hende igual, pasobra na e momentonan aki, e.o. E pensionadonan y esun cu ta cobra onderstand, no por cobra tur na mes manera. Gobierno pa su terkedad no a contesta sindicato. FTA ta pidi e pueblo pa no paga te ora cu nan yega na un acuerdo social. Na e momento aki, nan ta keda na e mesun punto. Ta parce cu ta yega na eleccion na September y parce cu gobierno no kier tende. Nan a bisa cu nan tin e compromiso pa motiva e pueblo pa paga, pero e mester ta un tarifa social. Recogemento di sushi y limpiesa di e isla, FTA ta di acuerdo, pero e mester ta un tarfia husto.
Ora cu ta papia di critico, Sr. Geerman ta spera cu nan no bisa cu e ta critico pasobra di e situacion financiero di Serlimar. Pasobra cu gobierno aworaki ta gastando tur sorto di placa, pero pa servicio di limpiesa di e isla no tin. Si bisa cu no tin placa e ora lo por compronde, pero gobierno tin placa pa tur otro cos, menos pa Serlimar. E ora ta ken nan kier gaña, segun Sr. Rudy Geerman.
Trahadonan di serlimar ta hende importante pero e ora a yega pa nos cambia nos forma di dump na Parkietenbos. Sindicato FTA ta kere cu a yega e momento crucial pa locual ta dump na Aruba. Sr. Geerman no ta kere cu, e solucion ta, na e momentonan aki, ya cu Aruba ta gusta traha ariba solucionnan temporal. Bo tin un corta, ta pone un pleister ariba dje, enbes di trata e corta. No por ta asina cu ta cera e dump na Parkietenbos y habri un otro dump un otro caminda. Mester cuminsa educa e pueblo y cuminsa bin na locual ta separa sushi.
SI kier duna ehempel, Hulanda, dicon no ta tuma Hulanda como ehempel. Hulanda ta e comienso di e direccion nobo, cu mester bay. For di cas caba ta separa sushi. Ta bin cu un sistema miho pa locual ta sushi. Rond mundo tin yen di tecnologia. E preocupacion di FTA ta, segun Sr. Geerman ta e machine cu a wordo cumpra pa e minister anterior, caminda cu e gobierno aki, minister Sevinger a menciona cu e machine no ta sirbi. Segun Sr. Geerman, mester pone e machine traha y demostra cu e machine no ta siribi. Ora cu e machine demostra cu e no ta traha, e ora mester cuestiona Sr. Wever, cu e machine no ta sirbi. Pero tanten cu no pon’e traha, semper ta keda e duda. Sr. Geerman ta pidi, of miho bisa, ta apoya e trahadonan ariba nan protesta y ta pidi gobierno pa tene cuenta, cu no por crea un segundo Parkietenbos.
Aruba por bay den direccion manera hopi pais ta haci, door di separa e sushi. Consecuentemente e sushi ta wordo trata na diferente manera, y esey ta e miho pa nos pais. Nos isla ta na un momento, caminda cu por cuminsa algo bon pa futuro. Mester cuminsa un caminda, segun Sr. Geerman. Y si no haci esaki, e dump ta bay bira dificil. Hera nan ta cuminsa aworaki, y ta bin otro gobierno y atrobe ta placa perdi. Mester haci algo bon pa nos futuro generacion, ban haci esaki bon.
E costonan ta halto, pero mester cuminsa cun’e pasobra cu cada biaha cu tard’e, y cada biaha cu pas, cada biaha cu tin un problema, ta pone un pleister, no ta busca un cura pe, e lo keda bira un problema. Pakico mester tuma decision awo, prome cu eleccion? Gobernacion ta un continuidad. Si proyecto ta bon, apesar cu e ta di e gobierno anterior, y si e ta bon, sigui cun’e. Pero e problema na Aruba, door cu e proyecto ta di otro gobierno, nan ta lag’e para. Na final di cuenta, pueblo a paga miyones pa un proyecto cu no ta wordo uza.
El a duna ehempel, di un cas na Palisiaweg, unda cu a traha un cas grandi pa Cuido di Muchanan special. Pero e ta para ainda, nada un ta wordo haci. Y esey ta nos problema, segun Sr. Rudy Geerman. Ta parce cu e gobierno aki no tin continuidad. Pero door cu e ta un proyecto di otro problema, ta lag’e para asina. Ta miyones di placa di belasting di e pueblo ta wordo malgasta asina, Sr. Rudy Geerman di sindicato FTA a bisa.