LIMA, Peru – Awasero torencial, avalancha y desbore di riu a provoca morto di 43 persona y a afecta otro 546.052 persona den 24 region di Peru pa loke ta e aña, e Instituto Nacional di Defensa Civil (Indeci) a informa diamars).
Den e region La Libertad (500 kilometer nort di Lima) cuater persona a muri entre nan un mucha, fin di siman cu a pasa, tras di a wordo dera pa lodo.
Deslisamento y awasero cu a afecta e 24 regionnan di Peru, a laga 72 persona herida, 6522 vivienda cu a cay den otro y 814 kilometer di caminda destrui.
Dialuna, e santana di e districto di Asia, zuid di Lima, a keda inuncia pa e desborde di Riu Mala.
Den e regionnan di Tumbe, Piura y Lambayeque (nort), unda a registra 357259 persona afecta, a fayece seis persona, entre nan un ciudadano Ecuatoriano, segun Indeci.
Gobierno a decreta na Februari e estado di emergencia pa 60 dia den e tres regionnan aki unda cu a colapsa 4900 vivienda
Na Arequipa (zuid), a fayece 11 persona y 5 minero a disparce despues cu lodo a cubri e entrada di un mina.
Awasero tambe a distrui brug y teranan di cultivo, pa loke e campesinonan ta pidi ayudo di Gobierno.
E calentamento di e awa di oceano Pacifico den e parti nort di Peru, a consolida e condicionnan di un fenomeno yama “El Niño costero,” cu awasero fuerte, lodo y desborde di riu.
Segun e comite encarga di e Estudio Nacional di Fenomeno El Niño (Enfen), den e costa e temperatura maximo di laga a aumenta te na 6 grado Celsius, alcansando 27 grado Celsius den e parti nort.
E magnitud di e awasero cu den e dianan aki ta golpia nort di Peru, ta similar na esun di e fenomeno El Niño 1998.
Na 1982-1983, e inundacionnan y riba tur cos, e epidemianan a causa di El Niño, a laga 9000 morto na Peru y GDP a cay cu 11.6%. Na 1997/1998 a registra 500 morto y un caida di GDP di 6.2%.
Fuente: http://www.elnuevodiario.com.ni