Awa salo tambe tin su dolor di cabes di sangura, segun Sr. Luis Chung director Interino di GKMB. E ta splica mas over di esaki.
Esaki ta un problema cu ta surgi hopi cu eb en vloed. E ta depende e temporada di aña y di luna tambe. E sanguranan aki ta crece y nace den e awa salo mes. Tin biaha cu e awa ta subi y e ta keda para cierto caminda, cu ta trece problema cun’e.
Si cualkier bisindario tin e problemanan aki, nan por yama GKMB pa asina nan por pasa check esaki y detecta esaki. E ora nan team ta drenta den e mangelnan pa elimina e criaderonan aki y tambe insecticida cu ta evita e larvanan ta sali.
GKMB ta bay cuminsa wak rond di luganan di tire, tireshop. Ta ripara cu tin hopi tireshop a lanta rond di Aruba. Y nan no ta deshaci di nan tirenan regularmente. Esaki ta keda para rond di nan negoshi. Y ora cu awa yobe, nan ta haya problema den bario, ya cu e tirenan cu ta keda rond di e negoshi ta coi awa. Esaki ta e luga ideal pa e sanguranan mes. Te asina leu, Sr. Luis Chung, director interino di GKMB.