Awa cayente a cay riba curpa di mucha di 2 aña

0

Diamars anochi na un cas na San Nicolas a sosode un incidente na momento cu un wela a bay duna mucha tetero y awa cayente a cay riba e mucha su curpa. Segun declaracion di e famia cu tabata trahando e tetero pa e criatura di 2 aña e mucha su man lo a touch e weya cu consecuencia esaki a move y cay riba e mucha.

A transporta e mucha pa centro medico pa atencion medico avansa. E caso aki a pone cu a surgi problema entre mama y e tata unda e tata di e mucha kier a agredi e mama. Polisnan tabata presente na Eerste Hulp Hospital pa asina combersa cu e pareha y trankilisanan. E departamento forensico di cuerpo policial tambe a keda poni na altura y a presenta na e cas pa saca potret.