Den un siguiente update pa loke ta trata e boletin di tempo manda pa Servicio Meteorologico di Aruba, ta indica cu Tormenta Tropical Bret a caba na nada den mar Caribe awe tardi.
Es decir cu e Aviso pa tormenta Tropical ta wordo descontinua pa loke ta trata tempo na Aruba.
Efecto riba condicionnan local
Durante e pasashi di e ola tropical biento ta riba un averahe di 11 pa 27 nudo, cu rafaganan cu por bay te cu 40 nudo, ta posible entre noordoost y zuidoost. Durante awasero biento por yega te na 40 nudo.
Pa loke ta awasero, e cantidad di awa cu por yega ta entre 10 pa 25 milimeter posiblemente, localmente mas durante diamars anochi pa diaranson mainta.
Esaki lo ta e ultimo informacion riba e sistema aki.