PERTH, Australia- Un vuelo di Air Asia cu itirenario Perth – Bali a perde presion di cabina 25 minuut despues di a lanta vuelo diadomingo, forsando e piloto pa baha 20 mil pia pa asina e 145 pasaheronan abordo por hala rosea.
Air Asia vuelo QZ535 segun informenan, a perde 20 mil pia (6 mil meter) den solamente 10 minuut na un velocidad di 400 nudp (740 kph) segun Flightradar24 despues di un perdida repentino di perdida di presion di cabina. Esaki a pone cu e piloto mester a baha na un altitud caminda cu por hala rosea.
E panico a bira mas grandi, door di e comportacion di e staff cu tabata grita, y cu wowonan yen di awa y miradanan di shock. A haci uzo di e mascaranan di oxigeno y e alarma di e cabina a zona durante henter e incidente.
Air Asia tabata tin incidentenan asina aki varios biaha durante e ultimo lunanan. Na Juli, un avion mester a haci un aterisahe forzosos despues di a dal den un parha; un siman prome otro vuelo di Air Asia a haci un aterisahe di emergencia despues di un problema cu motor.