TEGUCIGALPA, Honduras- Un avion priva di matricula Mericano a sufri un accidente diamars na e airport di Tegucigalpa, Honduras.
Autoridadnan di emergencia no por a precisa cuanto persona tabata tin den e avion, pero a bisa di cu lo por ta shete persona, entre cual dos piloot. Cinco di su ocupantenan ya caba a wordo traslada pa Hospital Escuela Universitario y e Hospital Militar.
Potretnan tuma riba e tereno ta mustra cu e jet Gulfstream, colo blanco y cu capacidad di 20 pasahero, a parti den dos. E personal di rescate a spuit scuma ariba avion, cual ta parce di tabata mei mei di un caya, según La Prensa ta informa.
Según e reportenan preliminar, e avion a sali for di e pista y cay den un cañon, algo prome cu merdia. E vuelo tabata procedente di Austin, Texas y tabata transporta un grupo di empresario.
Pa awo no tin reporte di morto y autoridadnan ta mantene e acceso na e area cera, unda cu e investigacionnan ainda ta tumando luga. E pista di e aeropuerto di Tegucigalpa ta wordo considerada un di esunnan mas dificil pa e aterisahe, ya cu e ta rondona di cero y zonanan pobla.
Fuente: RT Noticias