Avion di United Airlines desvia pa Irlanda door di menasa di bom

0

SHANNON, Irlanda- Un Boeing 767-300 dialuna a realisa un aterisahe di emergencia na e aeropuerto di Shannon, Irlanda. A borda e tabata tin 214 pasahero como tambe miembronan di tripulacion. Esaki según informenan di The Irish Sun.

E vuelo di e aerolinea United Airlines UA-971 a sali for di Roma, Italia, rumbo pa Chicago, Merca. Pero e tripulacion a dicidi na desvia di e ruta inicial pa motibonan di siguridad. Esaki ta despues cu den baño a bin haya un nota unda cu ta afirma cu lo tin un bom abordo di e avion.

Despues di e aterisahe, e avion a wordo inspecciona pa servicionan di emergencia, pero no tin informe di hayasgo di un of otro obheto sospechoso. E vuelo a wordo cancela y  pasaheronan a wordo a keda den hotelnan local pa nan pasa anochi. Tur cos ta mustra cu e avion lo lanta vuelo diamars mainta.

Fuente: https://elpais.com

Comments

comments