Net ora cu Colombia ta atento na e resultado di e investigacionnan den e centro di control di aeropuerto El Dorado, denuncia pa e controladornan aereo, a keda conoci cu un avion di e empresa Aerosucre, dedica na e transporte di carga, di e tipo 727, a accidenta despues cu el a lanta vuelo na Puerto Carreño, cinco miya di e aeropuerto ayera tardi.
E tabata tin e ruta Puerto Carreño-Bogota y riba e accidente como tal, Aerocivil ta recompilando informacion. E avion tabata tin como matriculoa HK4544, cu cinco tripulante abordo.
Segun CNN en Español, e incidente a tuma luga tres minuut despues cu e avion a lanta vuelo for di Aeropuerto German Olano, segun Aeronautica Civil.
Abordo tabata tin seis tripulante, di cual cinco a fayece. E sobreviviente, identifica como Diego Armando Vargas Bravo, ta wordo atendi na Hospital San Juan de Dios di e ciudad di Puerto Carreño, Vichada, zuid di e pais.
E victimanan fatal a wordo identifica como: Jaime Cantillo (Capitan), Mauricio Guzman (copiloto), Pedro Duarte (ingeniero di vuelo), Felipe Vargas (despadador) y Nelson David Rojas (operario di montacargas). E avion, manera ya indica cu tabata pertenece na e empresa Aerosucre y tabata un Boeing 727 tabata cubri e ruta Puerto Carreño-Bogota.
Segun Aeronautica Civil, apenas cu a sosode e incidente, bomberonan auronautico a desplasa pa e luga di e accidente pa atende cu e emergencia.
Kevin Andres Quiroga, un di e personanan cu tabata tras di e aeropuerto grabando e despege, a relata na CNN en Español, cu el a mira con e tres di aterisahe di e avion a dal algo ora el a lanta vuelo – loke parce tabata e heki di e aeropuerto – y cu despues a dirigi pa e luga unda cu e avion a cay, cu a impacta contra un palo. E avion tabata tin pisca abordo pa consumo.
Freddy Bonilla, secretario di Siguridad Aereo di Aeronautica Civil a confirma e accidente. El a reitera cu no tabata tin paahero abordo y cu e ta spera cu e grupo di “accidente cu na e momentonan aki ta realisando ya e protocolnan di investigacion, realisa e prome procedimentonan pa establece e causa di e lamentabel accidente aki.”
Fuente: CNN en Español/Noticias Caracol