NEW YORK CITY, New York – Un avion di campaña cu tabata transporta e candidato republicano pa vicepresidencia di Merca, Mike Pence, a sali for di e pista diahuebs, despues di a baha na aeropuerto LaGuardia di New York. No tabata tin herido, segun fuentenan oficial.
Imagennan di television transmiti en bibo a mustra Pence para bao di awasero cerca di e avion y entre vehiculonan di emergencia, papiando cu agentenan policial y otro oficialnan.
E candidato presidencial Republicano, Donald Trump, a yama Pence pa puntr’e con e tabata despues di e incidente, e campaña a bisa.
“Sr. Trump a comunica cu gobernador Pence. E ta contento cu tur hende abordo ta a salbo,” vocero di Trump, Stephanie Grisham a bisa den un comunicado difundi via email.
Trump a yama Pence desde un caravana mientras cu e tabata dirigi un evento na Geneva, Ohio. Un medio Mericano a informa, cu e avion, cu tabata transporta mas of menos 30 persona, a bin di Fort Dodge, Iowa, unda cu Pence a participa den un evento di e campaña.
Fuente: NTN24