BRASILIA, Brasil – Un avion di e aerolinea Avianca Brasil a haci diamars un aterisahe di emergencia na e aeropuerto di Brasilia, despues cu e tripulacion a detecta huma den cabina, segun fuentenan di e terminal aereo aki a informa.
E avion a lanta for di e aeropuerto di Guarulhos, bisiña di Sao Paulo y mester a haci un vuelo sin escala pa Juazeiro do Norte, den e estado noordwest di Ceara, pero e incidente a oblig’e pa aterisa den e capital di e pais, locual el a haci mey mey di fuerte medidanan di siguridad.
Segun autoridadnan aeroportuario, ningun di e 97 pasaheronan di e aparato a sufri di herida y e biahe a continua den un otro avion di e mesun Avianca Brasil, cu a pesar di tin e mesun nomber cu e aerolinea Colombiano, tin diferente personal huridico.
E incidente a sosode mey mey di e conmocion cu Brasil a sufri awe, debi na e accidente sufri na Colombia pa un avion cu tabata traslada pa Medellin e ekipo di futbol di e club Chapecoense.
E avion a cay cerca di e ciudad y segun e ultimo informacionnan di e autoridad di e nacion Andino aki, den e accidente a muri 71 persona y otro seis a wordo rescata cu bida.
Fuente: RCN Noticias