Avion cu fanaticonan di Feyenoord a bordo ta dal contra di truck

0

KIEV, Ukraina- Un Boeing 737 di e aerolinea Ukraine International a dal den un vehiculo riba e pista di aeropuerto di Kiev. E avion tabata preparando pa sali pa Charkov. A bordo tabata tin mas menos 40 fanatico di Feyenoord.
E Hulandesnan aki a biaha pa Charkov relaciona cu e wega di Champions League cu lo tuma luga diaranson entre Shaktar Donetsk y Feyenoord.
E stewardessnan net a cuminsa cu e instruccionnan di siguridad ora cu nan a cay debi na e impacto, segun Lennard Montizaan FSV De Feijenoorder. “Na prome instante nos a kere cu e piloot lo a brake pa un parha of algo, pero despues a resulta cu el a dal den un truck di carga”.
E rand dilanti di e hala ta esun cu a sufri basta daño.

Fuente: https://www.luchtvaartnieuws.nl