BOGOTA, Colombia – E aerolinea Colombiano Avianca, a suspende, te cu proximo aviso, tur su vuelonan pa Venezuela, e compania aereo a confirma na CNN.
E decision a tuma luga despues di un incidente, registra e anochi di diabierna den e spacio aereo Venezolano, cu a involucra un avion di e compania aki y un aeronave militar di Venezuela.
E incidente a wordo cofirma, den un comunicado, pa e Minister di Defensa di Colombia.
Presidente di Venezuela, Nicolas Maduro, a ordena investiga e hecho, e mesun declaracion scirbi di e ministerio di Defensa di Colombia a bisa.
E avion di Avianca tabata haciendo e vuelo AV 011, di Madrid pa Bogota.
Di acuerdo cu e website flightaware.com, e vuelo di Avianca a wordo opera cu un Boeing 787-800.
E incidente a keda registra pa 7’or y 10 di anochi ora local na Colombia. E Ministeri di Defensa di pais aki a bisa cu e Sistema di Vigilancia y Alerta Tempran di e Forsa Aereo Colombiano a detecta un teritorio Venezolano e avion di Avianca.
“Di igual forma, e Sistema detecta e mesun posicion otro aeronave cu condicionnan similar di vuelo di distancia cortico di e avion comercial,” e version castrense a detaya.
E tripulacion di Avianca a haci e ora ey un yamado na Centro di Control di Bogota, dunando cuenta di e presencia y cercania di un aeronave.
Cuater minuut despues, e avion militar Venezolano, cu tabata den un mision di nabegacion a tuma rumbo nort y a aleha.
“E avion comercial a continua cu su plan di vuelo, ingresando pa 7’or y 19 di anochi den e teritorio Colombiano y a finalisa su itinerario bahando na e aeropuerto El Dorado pa 8’or y 5 di anochi,” e comunicado di e Ministerio di Defensa di Colombia a agrega.
Segun e mesun version, tabata e Comando di Defensa Aeroespacial Integral di Venezuela, e entidad cu a confirma cu tabata trata di un di su avionnan.
Tras e incidente, Luis Carlos Villegas, minister di Defensa di Colombia, a combers telefonicamente cu su homologo Venezolano, Vladimir Padrino.
Di acuerdo cu e declaracion oficial, Padrino a traslada pa autoridadnan di Colombia e decision di investiga a fondo e causa di e hecho.
“E canciyernan Maria Angela Holguin y Delcy Rodriguez, a sostene igualmente un combersacion, unda cu a haci presente cu e presidente Nicolas Maduro, personalmente, a ordena e investigacion di e caso,” e comunicado di e Ministerio di Defensa Nacional di Colombia a conclui.