BOGOTA, Colombia – Tras e aclaracionnan entre e Gobiernonan di Colombia y Venezuela di e incidente registra anochi den shelo Venezolano, cu avion di Avianca, Aeronautica Civil di Colombia a autorisa e reanudacion di e operacionnan desde y pa Venezuela.
Riba liña cu esaki, Avianca ta reanuda e vielonan Bogota-Caracas-Bogota y Lima-Caracas-Lima, desde diadomingo, dia 23 di October.
E anochi di diabierna a registra un incidente cu un vuelo comercial di e aerolinea Avianca den espacio aereo Venezolano. E avion a wordo obliga pa bandona e teritorio aki y escolta pa avionnan militar di e pais aki. Como consecuencia e aerolinea Colombiano a cancela tur su vuelonan for di y pa Venezuela.
E informacion aki a wordo confirma pa agencianan internacional y pa e departamento di atencion na cliente di Avianca y a splica cu e vuelonan a wordo cancela te cu “ta conta cu e garantianan di siguridad rekeri.”
Ta desconoce pa cuanto tempo ta mantene e siguimento di e avionnan, pero e aerolinea a denuncia cu nan a bula asina cerca di e avion Boeing 787-8 cu nan a activida e sistema di posibel colision.
E controlnan di aviacion na Colombia a comunica di inmediato cu e Aeropuerto di Maiquetia, na Venezuela, kendenan a responde cu nan no tabata tin den nan radar ningun permiso pa e vuelo comercial aki.
Di su banda, e Gobierno Venezolano a publica un comunicado unda ta informa cu a pidi splicacion na e Gobierno Venezolano pa e incidente. E ministernan di defensa di ambos nacion a tene un combersacion telefonico unda e Gobierno Venezolano a afirma cu tabata trata aki di un eror y cu nan lo realisa un investigacion riba e caso.
Fuente: NTN24