CARACAS, Venezuela – E actornan Mericano, Eric Marlon Bishop, miho conoci como Jamie Foxx y Lukas Daniel Haas, a reuni diamars cu e presidente Nicolas Maduro den e Palacio di Miraflores di Caracas.
Ta desconoce e motibo di dicho reunion caminda cu a participa tambe e prome dama Cilia Flores y gobernador di e estado Aragua Tareck El Aissami.
Tras un avance di e canal di television estatal VTV riba e reunion, e tweeternan a critica contra e bishita di ambos interprete.
Otro cu a uni na e ola di critica tabata e lider opositor Henrique Capriles durante su programa semanal.
El a señala cu ora a desaroya e campaña SOS Venezuela, Foxx a suma na e peticion mundial di libertad y democracia den e pais. “Mi ta sorprendi cu Jamie Foxx (…) a saca un potret cu Maduro ta dimas,” el a bisa.
Segun informacion difundi pa e propio Gobierno, Foxx y Haas a participa na e firmamento di e Acuerdo Jordania Dubai Italia pa e impulso di e Gran Mision Vivienda Venezuela.
No ta prome biaha cu e personalidadnan di farandula internacional tin acercamento cu oficialismo, Chavez a mantene un encuentronan diverso estrecho cu Danny Glober, Sean Penn y topmodel Naomi Campbell.
Fuente: NTN24