Caracas, VENEZUELA- Asina mes cu Ruperta, e olifante die zoologico di Caricua ta desnutri, autoridadnan di e luga aki a nenga di ricibi donacion di alimento, pa “motibonan di siguridad”.
E caso di e animal aki a causa conmocion ariba rednan social. Venezolanonan a keda trauma di wak e estado di deterioro y nan a cuminsa cu’n campaña pa hiba cuminda pa Ruperta.
Pero Guardia Nacional Bolivariano, personal di Inparques y hasta e colectivonan a stroba e colaboracion, segun e periodista Adriana Nuñez a denuncia. “Ta parce cu nan ta nenga di acepta e realidad y nan no ta worry pa cobra e bida di un animal.
Ruperta mester a ricibi yudansa diabierna for di e personal di Inparques debi na sintomanan di diarea y deshidratacion cu e tin aworaki.
Fuente: www.maduradas.com