MICHOACAN, Mexico- E curpa di e periodista Mexicano, Salvador Adame, kende tabata tin un luna desapareci, a wordo haya kima riba e caminda di Michoacan. Asina e procurador diJusticia di e pais, a informa.
Godoy Castro a informa cu e investigacion a pone cu a logra haya un cadaver di un homber dia 15 di Juni y cu a realisa pruebanan di DNA ariba e cadaver. E conclusion tabata cu e cadver enberdad tabata e director di Canal 6 TV di Nueva Italia, Michoacanan. Adame a wordo secuestra dia 18 di Mei pa un grupo arma.
E procurador a splica cu e miembro di un banda criminal identifica como “El Chano” Peña ta e presunto autor intelectual di e crimen, ya cu el a duna ordo pa secuestra e periodista.
Daniel Rubio Ruiz, aliasa “El Cabezas”, deteni pa autoridadnan siman pasa, a duna pistanan sobre e presunto paradero di e periodista, kende tabata su primo.
Ruiz a cuminsa e buskeda di su familiar y a conoce e nomber di e presunto autor intelectual. Despues di e splica su storia na polis, forsanan di siguridad Mexicano a cuminsa e investigacion y a bin haya e cadaver di Adame.
Fuente: www.actualidad.rt.com