BARCELONA, Spaña – Polis a confirma dialuna cu e supuesto “celebro” di e cel Yihadista kende ta sospecha di a comete e atentadonan di diahuebs ultimo na Spaña, ta un imam sospechoso di recluta terorista, a muri den un explosion cu a tuma luga un dia prome den un vivienda considera como su centro di operacion noordoost di e pais.
“E ta completamente confirma,” e maximo responsabel di e polis regional di Cataluña, Josep Lluis Trapero a bisa, constatando asina un hipotesis cu e agentenan cu a maneha esaki desde varios dia, DPA a señala.
E agentenan a registra diasabra evivienda di Abdelbaki Es Satty, e imam di un mosque di e localidad Catalan di Ripoll, unda cu algun die presunto teroristanan deteni y abati tabata biba. Segun medionan Spaño, e tabata esun cu a recluta y a indoctrina e hobennan pa nan comete e atentadonan na Barcelona y den e localidad turistico di Cambrils, cu a laga 15morto y mas di 130 herido.
E imam, di mas of menos 40 aña di edad,a muri den e explosion fortuito a tuma luga den e anochi di diaranson den un vivienda den e localidad Catalan di Alcanar, caminda cu nan a haya varios bom di gas di Butaan (gas domestico) y material pa elabora explosivo.
Pa motibo di e incidente, un di dos personaa fayece cu ainda no a wordo identifica, polis Catalan a informa. Un di tres a resulta herida y ta deteni hunto cu otro tres.
Polis a informa dialuna cu nan a mata e autor material di e incidente masivo diahuebs na Barcelona, Younes Abouyaaqoub y a menciona cu a kibra e nucleo di e cel, integra pa 12 persona,m aunke ta mantene un investigacion habri.
Polis a tira contra e chauffeur
Abouyaaqoub a muri tira den un poblado cercano na Barcelona, Polis Catalan a informa, segun AP. Autoridadnan a tira contra e homber di 22 aña na Subirats, mas of menos 45 kilometer west di Barcelona. E sospechoso tabata tin loke parce di tabata un vest cu explosivo.
Trapero a bisa cu e individuo a grita “Allahu Akbar!” y a mustra di loke parce ta un faha yena cu explosivo, prome cu el a wordo tira.
E explosivonan a resulta di ta falso, pero polis a mira cu Abouyaaquob tabata tin un tas yena cu cuchiu y e tabata observa nan, Trapero a añadi.
Polis a uza un robot pa samina e faha prome cu confirma cu Abouyaaqoub a expira.
Trapero a bisa cu e oficialnan a wordo alerta prome pa un hende cu a yama via telefon y a bisa cu tabata mira un hende sospechoso cerca di e stacion di trein den un poblado west di Barcelona y despues pa un hende muhe, kende a bisa di ta sigur cu tabata trata aki di Abouyaaqoub.
E agentenan, Trapero a bisa, a haya Abouyaaqoub scondi den un plantacion di biña y a pidi’e identificacion y eynan ta caminda cu el a exhibi su faha.
Poco prome, Polis Catalan a reporta cu nan a tira contra di un homber cu tabata tin un aparente vest cu explosivo den un poblado cerca di Barcelona, pero no tabata cla si ta trata aki di e homber busca pa e reciente atake terorista. A wordo bisa den un tweet cu un individuo a wordo tira na Subirats, 45 kilometer west di Barcelona.
E corant Spaño, La Vanguardia, a reporta cu e profugo a wordo gara. Polis no a confirma di inmediato pero aindica cu nan ta investiga un incidente na Subirats.
Autoridadnana informa prome cu nan tabata buscando un solo sospechoso cu ya a wordo identifica como e chauffeur cu a dal peatonnan intencialmente cu un van na Barcelona, prome cu a horta un auto y mata su doño. Autoridadnan regional tambe a eleva e cantidad di morto na 15 den e dos atakenan cu auto di siman pasa. Abouyaaqoub, un Maroki di 22 aña, tabata e obhetivo di e caceria humano, cu a cuminsa despues di e atake di diahuebs na Barcelona. Autoridadnan a bisa cu tur cos ta indica cu Abouyaqoub tabata esun cu a stuur e van cu a dale hendenan diahuebs, den un caya di Las Ramblas, matando 13 persona y heridando 120. Oro persona a muri y varios a resulta herida den un di dos atake oranan mas depsues, cu a wordo haci pa e otro miembronan di e grupo den e ciudad costera di Cambrils.
Polis a mata cinco sospechoso den e di dos atake. Otro cuater a wordo deteni. E grupo autodenomina Estado Islamico a reivindica ambos atake.
Polis a bisa di tin “evidencia cientifico” cu ta demostra cu Abouyaaqoub a stuur e van den Las Ramblas y cu tambe ta esun cu a mata Perez diahuebs anochi, Trapero a bisa. El a agrega cu e sospechoso a pasa canando den Barcelona masof menos 90 minuut despues die atake cu e van atrabes die famoso mercado di La Boqueria y casi na e Universidad di Barcelona, prome cu horta e van.
Fuente: www.eluniversal.com