MATO GROSSO, Brazil – Polisnan den un aldea indigena na Brazil a califica di ta “indescribibel” e momento cu nan a cuminsa coba y nan a scucha e yora di un baby. Su mama ya caba ta deteni.
Autoridadnan Brasilero a informa riba e rescate di un baby recien naci cu a wordo dera bibo den e estado di Mato Grass. Segun informacionnan, e baby a sobrevivi casi shete hora bou di e tera den e cura di e cas unda cu el a nace, prome cu el a wordo salba pa autoridadnan.
E hecho a tuma luga diamars den e parke Xingu, un zona di oeste di e pais cu ta alberga varios pueblonan indigena. Autoridadnan a pone den marcha un operativo policial despues di cu’n verpleegster a haya cu e criatura, di e etnia kamayura, a wordo dera y a informa e autoridadnan.
Na nan yegada na e sitio, e wela di e criatura a mustra e caminda e criatura ta dera. “E sensacion di cuminsa coba y scucha e yora di e criatura, no ta algo cu por wordo poni den palabra. El a provoca un desesperacion pa coba mas lihe ainda”. e rescatistanan a señala, segun un comunicado di e Polis Militar di Mato Grosso.
https://youtu.be/5uWHnATc824