SAN BRUNO, Merca- E persona cu supuestamente a cuminsa e tiroteo diamars den e sede di You Tube na Califrona, tirando tres persona, a wordo identifica como Nasim Najafi Aghdam, segun ABC News ta informa, citando fuentenan policial.
Polis di San Bruno a confirma e identidad di e atacante, di 39 aña, den un comunicado oficial.
Aghdam, blogger cu varios cuenta di You Tube, a publica ariba su portal un manifiesto unda cu e ta acusa e plataforma di video di eherce censura.
Según fuentenan, e muhe no tabata tin ningun documento oficial di identificacion cun’e, solamente un tas. Niun hende den e luga no tabata sa ken e tabata sa. Aghdam a tira mas di 30 biaha prome cu el a comete suicidio.
Di acuerdo cu otro informenan, e blogger a core for di e condado di Riverside, den zuid di California, te na San Bruno, pa ehecuta e tiroteo. Un di e empleadonan cu a ricibi un tiro, lo por tabata su obhetivo.
Zack Vorhies, empleado di YouTube cu a presencia e incidente, a afirma na NPR, cu, prome c e tiroteo a cuminsa, tabata tin un enfrentamento verbal entre e autor di e tiroteo y un victima masculino.
Di loke por a compronde for di su website, un posibel motivacion pa e tiroteo por ta vincula cu e disgusto door di e politica mas nobo implementa door di You Tube, den materia di pago pa videonan, publicidad y censura. Segun e blogger, su cuentanan riba e plataforma a experimenta un disminucion di audiencia den e ultimo lunanan.
“Tene bon na cuenta! Dictadura ta existi den tur pais na mundo, pero cu diferente tactica”, e blogger a skirbi y el a cita Adolf Hitler, bisando: “Haci e mentira grandi, haci’e simpel, sigui bis’e y eventualmente nan lo ker’e”.
YouTube a suspende e canalnan di Aghdam riba su plataforma.
Fuente: https://actualidad.rt.com