BOGOTA, Colombia- Polis nacional di Colombia a informa cu Gustavo Angulo Arboleda “alias Cherry”, autor material di e secuestro di e tres integrantenan di e ekipo periodistico di e corant Ecuatoriano El Comercio.
Segun e corant Colombiano “El Tiempo”, cu ta cita informe policial, e homber a wordo captura na Tumaco, den e departamento di Nariño, frontera cu Ecuador y lo wordo manda pa Colombia, segun informacion confirma pa autoridadnan Ecuatoriano.
“Cherry tabata esun cu e para e pick up, dia 26 di maart, unda cu e Ecuatorianonan Paul Rivas, Javier Ortega y Efrain Segarra. Nan tabata realisando un cobertura na e frontera, debi na e aumento di e atakenan di gruponan iregular di e zona.
Director di polis, Jorge Hernando Nieto, a informa cu e orden cu “Cherry” tabata tin di ‘Guacho’, alias Walter Patricio Arizala, cu ta lider di e frente Oliver Sinisterra y ta opera den e frontera Colombo-Ecuatoriana, “tabata hopi straño cu nan a matanan”, pero ora cu a confirma cu ta trata di periodistanan, el a comunica su hefe, “cu a duna orden pa bay cu nan”.
Secuestrada y asesina
Despues di e secuestro y door di negociacionnan pisa, Rivas, Ortega y Segarra, a wordo mata entre 10 y 12 di april. Esaki a wordo confirma pa presidente di Ecuador, Lenin Moreno, dia 13 di april.
E curpanan a wordo haya recien dia 21 di juni, den un zona rural di Tumaco,y despues di nan identificacion nan a wordo transporta pa Ecuador, caminda cu nan a wordo dera.
‘Cherry’ ta e di dos miembro di e Frente Oliver Sinisterra involucra den e crimen contra di periodistanan cu ta wordo captura. Dia 8 di juli ultimo, ministerio Publico Colombiano a confirma e detencion di Jesus Vargas, alias “Reinel”, cu ta esun encarga cu e cuido di esunnan secuestra.