Sr. Jon Sijntje, director general Autobusbedrijf Curacao tabata na Aruba, pa un reunion cu director di Arubus, Sr. Theo Croes.
Motibo di e biahe ta cu como autbusbedrijf ta hopi importante pa dos compania estrecha e lazonan social, asina tur cos ta cuminsa, na e parti social. Bandi dje, tin e parti formal tambe. Tin cierto sistemanan p.e. cu ta wordo uza den e Autobusbedrijf ta uza y Arubus tambe. Asina ta intercambia experiencia y esey ta algo bon. Nan kier stimula e intercambio entre e dos companianan, cu ta crece.
Mas aleu, Sr. Sijntje a bisa cu riba aspectonan di training di personal,cu bo por join otro, esforsa hunto pa yega na bisa, kisas tambe parti gastonan di training. Pero no solamente esey, ora ta papia di terminonan di pieza, pa nan busnan, tambe ta mesun tipo di bus nan tin na Corsou, tambe ta algo cu por join experiencia ariba dje. Ademas di esey, e aspecto di training en general, ta algo cu ta hopi importante.
Locual tin na Hulanda, tin un organisacion su tras y diferente partidonan ta traha hunto y esey ta e cos di mas importante cu lo tin di siña cu transporte publico, den nos region. Traha hunto, compania na Corsou ta encera autobusbedrijf hunto cu e busnan chikito.
Autobusbedrijf tambe ta wordo subsidia y nan tin tarifanan social. Rond mundo companianan di transporte ta wordo subsidia, pero si bay den direccion di comercialisa esaki mas tanto y concentra na duna un servicio cu ta confiabel, pa e cliente, por crea e efecto cu mas tanto hende lo bay haci uzo di transporte publico.
P.e. ya caba conoce e fenomeno, cu turistanan mas y mas ta haciendo uzo di transporte publico. Turistanan awendia kier experiencia unda nan bay cu vacacion y ta bon pa transporte publico traha ariba esaki, y drecha su servicio y concentra mas ariba e volumen. E ora e prijs lo por bira algo cu por carga bo mes operacion.