BAGHDAD, Irak- Dos autobom a rementa den Bagdad, cobrando bida di mas o menos 23 pesona, segun fuenteann di siguridad, na momento cu e mayoria di Irakinan ta celebra e luna sagrado di Ramadan. Esaki ta caminda cu e Musulmannan ta realisa compras y ta sali ariba caya prome cu e comienso di ayuno ora cu solo sali.
E grupo extremista ISIS, e grupo Suni di liña dura cu ta controla partinan di Irak y Siria, a reindivica e responsabilidad den declaracionnan publica pa agencianan di noticia, Amaq.
Un auto yena cu explosivo a rementa cerca di un luga di bende ice cream popular, den e distrito di Karrada, cual a cobra bida di al menos 30 persona y a herida 40, net prome cu mei anochi di diamars.
Un par di hora mas laat, e explosion di un di dos bom a laga 10 persona morto y 44 herida, cerca di un oficina gubernamental den e distrito di Karkh.
Durante Ramadan, hopi musulman ta keda lanta te den oranan di marduga pa motibo cu nan ta sali pa pasa tempo cu nan famia, haci compras y come prome cu e siguiente dia habri y ta cuminsa cu e ayuno.
ISIS ta den retirada for di Irak desde final di 2015, ora cu nan a wordo expulsa for di eynan door di forsanan gubernamental, respalda pa Merca y gruponan paramilitar Chiita apoya pa Iran.
E grupo yihadista ta situa den un enclave den e ciudad di Mosul, den e norte di e pais, cual e ta uza como su capital di Irak de facto. ISIS a declara Mosul como un “kalifat” den cierto partinan di Siria y Irak for di 2014.