MARSELLA, Francia- Un auto a dal contra di dos parada di bus den e ciudad Frances di Marsella, segun medionan Frances a informa. E paradanan di bus ta den diferente zona di e ciudad. Un di nan ta den e distrito di Croix-Rouge, mientras cu e otro ta den e bario di Valentine.
Den e suceso por lo menos un persona a perde su bida. E victima mortal ta un muhe di 42 aña. Segun e corant ‘La Provence’, e mesun auto supuestamente lo a dal un otro hende muhe mas, kende a resulta herida.
Autoridadnan a pidi ciudadanonan pa evita e zona di Puerto Viejo y a cuminsa un operacion policial.
Autoridadnan a aresta e chauffeur di e auto, cu a resulta di ta un hombe di 35 aña cu ta sufri di problemanan mental. E tabata conoci pa forsanan di siguridad pa su multiple delitonan comun. Di otro banda, Ministerio Publico di e ciudad a indica cu e investigacion ta orienta mas ariba un problema psikiatrico y no terorista.
Fuente: https://actualidad.rt.com