Dialuna pa 12’or marduga huma a lanta habitante di Paradera y ora a sali pafo wak kico ta pasando a constata cu e auto bou di garashi ta na candela. E candela a expande hopi lihe pone cu el a kima e cas y tambe un parti di e cas di bisiña.
Brandweer di biaha ta yega na e sitio y topa cu un candela basta grandi mes unda e vlamnan cu a cana basta lihe a kima full e cas. Di biaha a drenta accion pa combati e candela. E habitantenan di cas a drenta panico di mira nan cas kimando. Polis a notifica recherche pa presenta y tambe slachtofferhulp pa asina papia cu e famia.