Dialuna anochi un automobilista coriendo den caya di Madiki a bay pa lora na un t-weg y topa cu un homber benta aboutur na sanger. Di biaha e chauffeur a baha for di auto y mira e persona na sanger benta riba caminda y bati alarma. Segun e persona auto lo a dal e un rato prome, maske e mes ta basta bebi. Polis di trafico a presenta na e sitio pa tuma dato y ambulans a presenta pa atende cune y transporta e victima tur na sanger pa hospital, debi cu e tabata tin kap na cabes. Polis di trafico lo sigui investiga pa wak si por topa cu e posibel auto cu a dal e y core bay.