Diamars mainta doño di un Suzuki ta lanta y ripara cu su auto no tey pafo na Maria Christinastraat. Di biaha ta notifica polis pa asina tira bista riba caya wak si por topa cu e Suzuki Liana color blanco. Un K-9 cu tabata den area di Noord Monserat a topa e auto coriendo ey banda pero e persona a logra perde e polis.
Diferente patruya a bin na e area pa juda y wak si por haya e auto aki y e persona cu ta stuur. Polis nan a logra haya e auto patras di Ling Restaurant den un cura di un cas. Polisnan a keda busca den e area pero no a logra encontra cu e chauffeur. Polis tin e auto confisca y ta pone departamentonan concerni na altura pa start un investigacion di joyriding.