Diadomingo anochi dilanti di Shiribana Bar un auto a dal un mucha muhe y un homber cu a crusa su dilanti sin a paga tino. E chauffeur a brake pa evita e impacto pero tabata envano ya cu tur cos a para den un fraccion di seconde.
Tur esaki a pasa dilanti Polis y a solicita resfuerso y ambulancenan cu urgencia debi cu tin dos persona benta abou herida. Tanto e rapid responder di ambulance tabata na e sitio pa asina brinda asistencia medico. Ambos victima a keda transporta pa hospital, polis a tuma datos di tanto e chauffeur y testigo cu a mira con e peaton a crusa for di pazuid di caminda pa bin nort y no a wak pariba di caminda cu auto ta biniendo.