Diabierna marduga, 13 di Januari 2017, Central ta manda patruya di Noord pa Mc. Donald’s Palm Beach relaciona cu un situacion sospechoso. Na yegada polisnan ta papia cu e manager di e localidad, cu ta declara cu el cera e luga caba y tabata bayendo direccion su auto hunto cu 2 otro colega.
Dado momento e ta wak cu for di direccion west un auto desconoci tabata acercando. E auto en cuestion a pasa y cerca di e bentananan di e localidad y un di e ocupantenan a purba habri e bentananan for di den e auto mes. E ocupantenan di e auto desconoci a ripara e lusnan dilanti di e auto di e manager. E auto en cuestion a bin para tras di e auto di e manager pa cual e manager y su coleganan a haya miedo. E auto sospechoso a move di tal manera cu e manager a logra coy e number di auto. Ta trata aki di un auto chikito , color shinishi, mas sigur marca Chevrolet, cu un V-nummer. El a yama e compania di siguridad Smart Systems y despues polis.
Polis a tuma e datonan y busca den vecindario pero no a topa cu e auto en cuestion.