Diadomingo mainta a sucede un accidente basta fuerte na Sero Blanco. Un Hyundai Getz blanco biniendo for di zuid riba e caminda di Sero Blanco pa Tanki Leendert cu un velocidad hopi halto ta perde control bay dal duro den un cura di un cas, pa despues spin y dal den un otro cura di cas y bolbe spin y para mei-mei di caminda.
Afortunadamente e chauffeur no tawata herida. Polis di trafico a presenta pa tuma datos. E chauffeur no tin rijbewijs y tawata bow influencia, Polis a detene e chauffeur pa core bou influencia. Daño material na e curanan no ta grandi pero na e auto si.
Polis a nota mas sla riba e auto cu e rastronan no ta cuadra cu e sitio dus probabelmente e auto lo a dal mas caminda. Takelwagen a bay cu e auto ya cu e auto no por a sigui mas riba su propio forsa.