26.3 C
Oranjestad, Aruba
Monday, February 20, 2017
Authornan Articulo pa loader L

loader L

5133 ARTICULONAN 0 COMMENTARIOS

Mr. Dr. Ryçond Santos do Nascimento a marca historia na Universidad di Aruba

0

Mr. Dr. Ryçond Santos do Nascimento a marca un momento historico pa Universidad di Aruba como e prome persona cu a logra su grado di Ph.D na Aruba. Su storia ta uno di exito cu no a cuminsa cu un relacion “comun y coriente” cu enseñansa, e no ta un excepcion tampoco, pero su decisionnan den su trayecto, su trabao duro, su determinacion y su logronan den su buskeda pa un miho porvenir y un estudio avansa, tin como resultado cu awe Ryçond ta considera un ehempel, un inspiracion y un role-model.

Ryçond Santos do Nascimento ta splica cu el a bay basisschool manera tur otro hoben. Despues di klas 6, el a bay Colegio Arubano y den VWO 5 el a drop out. Ryçond Santos do Nascimento, actualmente Doctor of Philosophy, a traha den construccion y despues pa dos aña a traha ta chapi curanan rond Aruba. E ta conta cu el a topa cu un señora cu ta traha na IPA, kende a puntr’e pakico e no ta sigui studia. El a inform’e cu e por haci un examen special, esta e “colloquium doctum” pa e keda acepta na IPA, aunke e no tin su diploma di VWO.

Ryçond Santos do Nascimento a tuma e reto na serio y tanten cu e tabata na IPA el a mira cu e por haci e colloquium doctum tambe pa admision na e facultad di ley na Universidad di Aruba. Consecuentemente el a pidi permiso na IPA pa e tuma un luna pa prepara pa e examen pa drenta Universidad y esaki nan a dun’e tambe. El a haya su “calling”, loke a capta su atencion y interes, na Universidad di Aruba. El a caba su estudio y a solicita pa traha na Universidad, unda cu el a bira y ta actualmente docente di “staats- en bestuursrecht”.

Inicialmente, aunke su preferencia ta den e area di “Privaatrecht”, tur cupo tabata yen caba y el a scoge pa e tema di “Buitenlandse Betrekkingen” den cuadro di “Staatsrecht” pa su investigacion, na momento cu el a opta pa sigui studia y pa e bay logra su PhD y asina bira Doctor.

Durante cu e tabata trahando riba esaki, el a yega na otro topiconan relaciona na relacionnan cu exterior, esta Aruba su constitucion pa cu buitenlandse betrekkingen; y a ripara cu tabatin hopi pregunta rond di e structura di Reino Hulandes. El a dicidi pa enfoca riba e parti di constitucion y esaki a bira tambe su investigacion pa su disertacion. A observa cu autornan huridico a indica cu falta informacion pa statuto particularmente pa loke ta trata e relacionnan cu Aruba, Corsou y Sint Maarten.

Mester compronde e structura di Reino pa por compronde hopi otro topico manera entre otro “toezicht” y “geschillenregeling” pa yega na solucionnan, el a añadi. Si no tin comprondemento di e structura, no por compronde unda por haci cambio pa “hef op” deficit democratico y trece igualdad entre e paisnan, asina Ryçond Santos do Nascimento a subraya. Mester considera tambe cambio den e situacion unda cu tin e pensamento cu pasobra tin un pais grandi cu casi 17 miyon habitante, cu e pais grandi lo tin e ultimo palabra pa cu ley y maneho (bestuur) di e islanan.
E punto di salida di Reino ta cu tin pueblonan den Reino y for di punto di bista di democracia mester duna un bos na cada pueblo pa por tuma decisionnan, el a bisa, esey ta locual falta den Reino na e momento aki.

E mensahe cu Universidad di Aruba su prome Ph.D ta comparti cu comunidad ta basa riba e importancia di studiamento. Estudio ta un inversion den e futuro di e persona y henter su famia; un bon estudio ta conduci na un miho entrada y miho cuido di e famia. El a conclui bisando cu ora un persona ta hoben e ta kere cu e por soluciona tur problema su mes, pero hecho ta cu su experiencia cu un “papel” den su man hopi mas porta ta habri y tin mas opcion pa scoge di dje.

Mr. Dr. Ryçond Santos do Nascimento ta gradici su famia, su señora y 3 yiunan cu a apoy’e y sosten’e den e trayecto dificil aki di ta casa, tata, docente y studiante na mes momento.

San Nicolas Business Association kier mira accion

0

E proyecto semper tabata riba e mainstreet di San Nicolas a wordo logra, segun Andres Hernandez di San Nicolas Business Association. E minister cu tabata encarga cu Turismo a logra cu e parti artistico a tuma luga, manera tur hende sa. Tin un organisacion cu ta bezig ta tratando di mantene esaki pero tin un cambio di minister y ta wardando tambe un di dos reunion, unda cu e prome a wordo papia cu nan ta evaluando ico tabata no solamente e inversion, pero kico tabata cada proyecto cu tabata tin y su extension. Tabata un poco preocupa pasobra pa dos luna tabata tin e buraconan habri, e cosnan incompleto y kier gradici cu esaki a nan tabata trahando riba dje, pero ta hopi preocupa cu loke e proyectonan positivo cu no matter ken a trece, pero tabata un bon idea. Kico ta bay pasa cu esey. Con ta bay sigui’e. Esaki ta wardando un reunion pa por cuminsa tuma atencion of accion riba con ta bay logra pa esaki sigui. Keto nan no ta keda. Kier pa e proyecto cu ta wordo haci riba promenade, a keda hopi bunita. Tin cu bisa cu el a keda hopi unico. Pero e proyecto aki a wordo programa pa bay te Hickinson Hotel, cual tambe kier sa kico ta bay wordo haci. Ta bay tin cu yega na e punto unda cu prome, e proyecto continua riba e caya. Esaki ta un placa cu tey caba, segun Hernandez. Tin di compronde cu un periodo di evaluacion ta na su luga, pero kier mira accion, pasobra esaki ta un di e partinan cu e minister anterior, a bisa cu ta brasa y yuda Gobierno, pero kier mira accion, nan ta cansa di tende di plan. E ora ey esaki ta tur loke ta e parti di e planificacion ta cla pa hopi tempo caba. Kier wak kico ta bay pasa cu e caya, esta e continuacion.

Mas di 150 indigena Colombiano ta wordo desplasa pa un grupo arma no identifica

0

BUENAVENTURA, Colombia – Un grupo di 153 indigena Colombiano, perteneciente na e etnia Wounaan Nonam, a haya nan mes obliga di bandona nan hogar, debi na e violencia di un grupo arma cu ainda no a wordo identifica, e Oficina di Nacionnan Uni pa e Coordinacion di Asuntonan Humanitario (OCHA), a informa diadomingo.
E indigenanan tabata residi den e resguardo di Santa Rosa de Guayacan y a wordo desplasa pa e ciudad di Buenaventura den Pacifico, segun e prome datonan di e grupo arma cu a obliganan pa bandona nan hogar, ta un bi e bandanan cu a forma tras e desmobilisacion di e paramilitarnan di e Autodefensanan Uni di Colombia (AUC), OCHA a indica den un comunicado.
E desplasamento a cuminsa dia 11 di Februari pasa y ta alberga den e Centro di Atencion Intergral pa Hubentud di Buenaventura.
Dia 14 di Februari ultimo a tuma luga un Comite extraordinario di Husticia Transicional den cual e Armada a sigura “cu nan a activa e dispositivo di siguridad pa garantisa e habilidad di e zona y cu ta centrando nan esfuersonan den e proteccion di e personanan menasa,” e informacion a agrega.
Sin embargo, e comunidad a manifesta cu e condicionnan pa nan retorno, “No a wordo duna y cu ta necesario cu nan cosmovision wordo teni na cuenta na momento di papia di siguridad.”
Fuente: NTN 24

Lisette Gomes: Tin pensa di bay haci un manifestacion na corte directamente

0

E caso di e sospechoso kende a wordo gara den su auto sin paña cu un mucha muhe menor di edad, sigur a capta atencion di Fundacion Lisette Gomes contra abuso sexual di muchanan. Lisette Gomes, presidente di e fundacion a splica cu tin hende no ta mira e otro banda di e victimanan cu ta haya nan mes aden. E persona en cuestion aki a wordo atrapa, a wordo gara manera nan ta bisa, cu man den mansa, kico mas tin mester. E ora ta balansa esey cu su potret a sali entre otro. Ta bay balansa esey cu e persona no tin educacion. Esaki no tin nada di haber cu educacion. Sea e ta un problema di alcohol, droga of mental cu tin cu ta bay mishi cu muchanan menor di edad cu no ta algo normal. Ta agrega cu tin pensa di bay haci un manifestacion pa bay corte directamente pa pidi reunion cu e huesnan pa asina despues di esey wak kico ta e siguiente pasonan cu lo tuma.
No ta hayando e atencion. Loke ta haciendo ta, cu ta bayendo tur e departamentonan necesario, tur e instancianan necesario, pa asina wak kico nan punto di bista ta y pa wak kico e siguiente paso ta. Ta trek aan de bel tur caminda y e ta lastima pa bisa cu e problematica no ta hayando atencion na Aruba.
A bay un reunion den Parlamento en general. Supuestamente tur cos ta cla pa bin cu e cambionan. A mira cu minister Paul Croes tambe a cuinsa papia di aloca cierto sumanan pa bin cu cambio entre otro na Bureau Sostenemi. Atrob esakinan ta keda na palabr.a Ta yega na un momento cu no por haci mucho mas di locual cu ta haciendo caba. Pero esey no kiermen cu no lo stop tampoco. E punto awor aki ta pa yega na e comunidad. Pa nan lanta y yuda sigui bringa pa e abuso sexual aki na Aruba y tambe pa pone presion na esnan cu tin e cambio den nan man.
Segun Gomes, ta keda na promesa y papiamento cu cambionan ta bin. Tempo ta pasa y keto bay tur cos ta mescos. E ta jammer pa bisa, pero e tema aki no ta hayando atencion y e ta duel den profundidad pasobra por mira con famianan ta sufri. Ta mira con muchanan keto bay ta wordo abusa. Gomes tabata tin un reunion recien cu dr. Rafael Croes, kende ta kinderarts cu ta wak e muchanan y kende ta mirando dos caso pa siman.
A keda di bay cana e caminda internacional si no haya nada na Aruba. Riba esaki, Gomes a splica cu e problema cu caminda internacional, refiriendo na Hulanda tin e mesun problema cu Aruba. Nan ta e mesun mal para den castigo cu Aruba. Atrobe nan tin e ayudo pa e criminalnan. Den e sentencia ta cu e criminalnan mester wordo yuda pa tanto tempo, pa asina dun’e un tratamento pa asina e no por comete otro delitonan. Locual cu ta bezig cun’e awor aki ta pa haya contacto cu Unicef pa asina wak ki presion Unicef por pone akinan na Aruba.
Cualkier politica cu kier uza e tema aki como punto di campanja of promesa mes y hink’e den nan programa, ta mas cu welcome. Mas hende sali afo cu esaki ta miho, pasobra parlamento y gobierno por mira cu berdaderamente na Aruba itn un preocupacion cu esaki.
E edad di 16 aña pa un crimen asina no ta suficiente. Pa mayornan cu ta pasa den esaki no ta suficiente. Pero un biah amas, tin un diferencia entre 16 aña cu cada biaha pidi un of dos aña eynan y ta sinta menos cu esaki, Gomes a splica por ultimo.

Aki tres siman caminda entre Isla di Oro cu Santo Largo lo wordo cera

0

Aki tres siman, en conexion cu e trabaonan di Green Corridor, lo cera e caminda entre Isla di Oro cu Santo Largo, segun Michael Vrolijk, projectmanager di Green Corridor pa loke ta DOW.
El a comenta cu tambe lo drecha e drenahe di awa entre e saliña y lama. Pa e motibo aki ta pidi e habitantenan di Savaneta pa San Nicolas pa tene cuenta cu esaki pa e piekuren cu por ocasiona stagnacion den trafico, pa tambe tene cuenta cu esaki. Vrolijk a sigui splica cu lo bay sigui traha riba e camindanan di Zeewijk, camindanan patras di kazerne di Brandweer na San Nicolas, pero esaki lo wordo parti den fase. Tambe pa tene cuenta cu esaki tamb e ora.
DOW lo bay tin e indicacionnan necesario pa publico en general.

Economia: Ultimo yamada – Lloyd’s of London ta prohibi almuersonan cu cerbes

0

LONDON, Inglatera – Lloyd’s of London, un ciudad importante di e industria financiero di e ciudad, a prohibi su empleadonan pa bebe durante oranan di oficina.

Almuersonan cu cerbes, manera e ta wordo yama, pa basta largo a wordo mira como un caracteristica definiendo e cultura di e industria financiero na London. Pero parce cu tempo ta cambiando.

Vocero di Lloyd’s, Stewart Todd, a bira cu e mercado di seguro a update su polisanan pa “remove ambiguidad riba loke ta aceptabel” y trece e comania en linea cu e standartnan di e industria.

“Esaki siguramente no ta pa motibo cu tabata tin un cantidad di empleadonan burahci di Lloyd’s of London ta cana rond,” el a bisa.

Todd a bisa cu un minoria di e empleadonan lo wordo afecta pa e cambio, pasobra mayoria di nan no ta consumi alcohol mientras cu nan ta trahando.

Tin por lo menos 400 bar, pub y club situa den e districto financiero di London, di acuerdo cu e Corporacion di e Ciudad di London.

“Mayoria di nan ta haya un “pint” of dos, cu nan almuerso, nos ta haya hopi cliente regular cu ta bin for di e oficinanan rond di nos,” Victoria Szabo, un manager na Hamilton Hall, un pub historico, frecuenta pa bankero y trahadonan di oficina, a bisa.

Szabo a bisa cu e no ta preocupa riba e negoshi di pub, hasta si mas compania ta prohibi nan trahadonanp a bebe durante dia.

“Nan lo sigui bin pa nan bebida despues di trabao – manera nan sa haci awo,” el a bisa.

Algun Londinense a subi medionan social pa critica – y chercha – e regla nobo aki.

“Apocalipsis ta riba nos: E prohibicion di Lloyd’s su brokernan di seguro di bebe prome cu 5’or di atardi. Con nan lo sigui durante dia?” E usuario di Twitter, Nik Darlington, a bisa.

Un estudio na Asociacion di Maluzo di Substancia di e ciudad di London, ta haya cu trahadonan financiero ta riba un riesgo creciente di factornan di salud, social y di trabao, relaciona na bebemento.

E estudio tambe ta haya cu e industria di e servicionan financiero ta riba un nivel halto di mal uzo di alcohol di cualkier sector di empleo, cu, te cu 40% middle management y trahadonan general di oficina cu ta bebe dos pa tres dia pa siman.

Fuente:CNNMoney

 

Resultado pa Sorteonan di Number merdia 19 di Februari 2017

0

Lotto Cambiando bida ta presenta e resultadonan di Wega di Number y subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On riba 1100

Catochi
1. 9041
2. 6655
3. 6480

Big 4
1096

Zodiac
3495 – Libra

Lotto di Dia
07 – 08 – 18 – 21 – 22

Asalto riba Mosul: Trupanan Iraki ta bay linea recta contra ISIS

0

MOSUL, Irak – Forsanan di Gobierno Iraki a logra libera varios pueblo mientras cu nan ta move pa un asalto riba e ultimo area teni pa e asina yama Estado Islamico (ISIS) na Mosul.
Cientos di vehiculonan militar, sosteni pa “air power,” a biaha atrabes di e desierto pa posicionnan di ISIS tempran riba diadomingo.
E progreso riba diadomingo den e parti zuid di e ciudad, e di dos mas grandi na Irak, tabata riba un distancia di e aeropuerto di Mosul.
Miedo a wordo vocifera riba e siguridad di miles di ciudadanonan atrapa.
E ofensiva a wordo anuncia formalmente pa e Prome Minister Iraki Haider al-Abadi diadomingo tempran.
Teniente General di e armada, Abdulamir Yarallah, a bisa den un declaracion cu un unidad elite di Rapid Response a captura e pueblonan di Athbah y Al-Lazzagah- dos pueblo zuid di e aeropuerto di Mosul.
Forsanan di Gobierno a retoma e banda oriental di e ciudad, e ultimo fortalesa di ISIS na Irak luna pasa. Pero oficialnan militar a bisa cu e parti Occidental, cu su cayanan small, por mustra di ta un reto mas grandi.
Pa awo, no tin avance for di Mosul Oriental ya cu tur e brugnan for di eynan pa e parti west di e ciudad, atrabes di e riu Tigris, a wordo distrui.
Fuente: BBC

Iniciativa a wordo tuma di parti di studiantenan di IPA pa por drecha Parke Tiracochi

0

Tur hende por corda Parke Tiracochi, un parke di recreo na Savaneta caminda cu den pasado muchanan tabata bay hopi fiesta di mucha, of djis bay hunga eyden.

Nos a combersa cu juffrouw Maduro, kende ta un di e studiantenan di IPA, ta representa Parke Tiracochi na Savaneta. E parke aki a wordo funda na 1993 pa e Fundacion Grandi pa Chikito di Savaneta. E parke aki Maduro mes a hunga aden, e mes a diverti durante tempo e tabata chikito, cu fiesta, durante schoolreisjes. Hopi scol a haci uzo di e parke aki. Ta asina cu e e fundacion no por a mantene e parke mas y poco poco esaki a bay atras. Maduro a splica cu e muchanan di scol mes, cu ta Prome Paso Kleuterschool no por haci uzo di esaki y pone un luga bunita asina grandi, pero e slip, santo, tur cos ta verval y como studiante di IPA a tuma e iniciativa aki. Den comunidad di Aruba falta luganan recreativo pa hunga. Hopi mucha ta paden, haciendo uzo di computer, internet, y nan no ta pafo pa hunga den aire liber. Como maestro ta ripara cu esaki ta hopi necesario. Pesey a bin cu e iniciativa aki pa haci esaki bira un realidad y renob’e.

Esaki sigur tin un costo cun’e. A cuminsa cu e iniciativa aki cu IPA, pero e proyecto aki lo continua cu e studiantenan mes. E proyecto aki ta traha un projectplan pe, pa asina pone cla kico ta e procesonan pa renoba esaki, pasobra ta un proyecto basta grandi cu e cantidad di suma di placa. Ta papia ongeveer di un 30 mil florin pa cuminsa na drech’e.

Ryçond Santos do Nascimento a bira e prome “Doctor” promovi na Universidad di Aruba

0

Ryçond Santos do Nascimento, naci na Aruba di 38 aña di edad, desde diahuebs ultimo ta mr. Dr. Ryçond Santos do Nascimento, un docente di ley na e mesun universidad, pero cu a sigui studia, a skirbi un tesis titula “Het Koninkrijk ontsluierd”, a defende na Hulanda na December ultimo y awor a defende na Aruba tambe. E defensa a tuma luga dilanti S.E. Gobernador di Aruba, Presidente di Parlamento di Aruba, Prome Minister di Aruba, Rector di Universidad di Aruba y varios otro invitado mas.

Dia 15 di December 2016, e candidato a defende su tesis publicamente, durante un sesion cu a tuma luga na Rijksuniversiteit Groningen na Hulanda. E defensa a tuma luga dilanti Rector Magnificus prof. Dr. E. Sterken den presencia di su promotor prof. mr. Douwe Jan Elzinga, e di dos promotor tabata prof. mr. Herman Bröring, e profesornan di e comision di evaluacion tabata prof. mr. Gerard-René de Groot, prof. mr. Ernst Hirsch Ballin, prof. mr. Solke Munneke y prof. dr. Gert Oostindie.

Diahuebs ultimo dia 16 di Februari 2017 a tuma luga e defensa publico pa asina e studiante por ricibi e titulo di “doctor” for di Universidad di Aruba tambe. Mescos na Hulanda aki tambe Rector mr. dr. Glenn Thodé ta na cabes di e comision di evaluacion, cu a conta tambe cu e profesornan cu a haci pregunta cu tabata prof. dr. Gert Oostindie, prof. mr. Gerard-René de Groot, prof. mr. Herman Bröring, prof. mr. Flora Goudappel y prof. mr. Douwe Jan Elzinga. Tambe tabata presente prof. dr. Alex van Stipriaan Luïscius.

E comision di evaluacion, bisti completamente den nan toga specialmente pa e ocasion solemne aki, a cana drenta aula di Universidad y asina cu e defensa a cuminsa, e candidato tabatin 45 minuut pa defende y contesta tur pregunta cu tabatin. E invitadonan a sigui e defensa den aula di Universidad di Aruba, mientras cu demas interesadonan a sinta den un di dos sala y mescos cu hopi na cas, a sigui;e via internet y riba e pagina di Facebook di Universidad di Aruba.

Na final, despues di a ricibi su diploma oficial y firma door di su promotor, e comision di evaluacion y Rector di Universidad di Aruba, a sigui un celebracion chikito den cual e invitadonan por a felicita e graduado. Den su buki el a dedica e tesis aki na su señora y su yiu muhenan cu tanto a sostene durante su estudio.

Universidad di Aruba ta existi desde aña 1989 y entretanto ta conta cu no menos di 600 studiante, parti den e Facultad di ley (mas bieu), Economia (FEF), Hospitalidad & Maneho di Turismo y Ciencia & Arte (mas nobo).

Por lo menos 10 polis herida ta laga un explosion cerca di e Plaza de Toros di Bogota

0

BOGOTA, Colombia – Por lo menos dies polis a resulta herida diadomingo pa motibo di un explosion den e bario di La Macarena, den e centro di Bogota, hopi cerca di e plaza di toro, fuentenan di e ekiponan di emergencia di e capital, a bisa.
E explosion , a keda registra pa 10’or y 35 di mainta, ora local, na altura di caya cu carera 5, den e inmediacionnan di e plaza di toro La Santamaria caminda cu diadomingo lo bay celebra e ultimo corida di e temporada taurino den e capital, rason cual tabata tin un gran dispositivo policial.
Segun e Canal Capital a detaya, citando e fuentenan policial, e cantidad di herido ta 11 polis y un civil a wordo traslada pa e centro medico San Ignacio y pa e Hospital Central Policial Nacional (Hocen).
E explosion a causa daño den e edificionan adhunto, entre nan Las Torres del Parque, un celebre conhunto residencial caminda cu e glasnan di varios vivienda a keda afecta.
Miembronan di e unidad antiexplosivo di Polis a recore e zona pa cerciora cu no tin otro artefactonan den un zona caminda tin numeroso restaurant.
Diasabra tambe a keda registra otro explosion na Bogota, na momento cu un artefacto a rementa den un restaurant den e bario central di Teusaquillo cu a causa herida na un persona.
Fuente: NTN24

Cientifico ta haya forma antiguo di 60 mil aña bieu den cueba subteraneo

0

MEXICO – Un populacion extraordinario di microbio a wordo descubri atrapa den un cristal den un sistema di cueba, volcanicamente calenta na Mexico, caminda cu temperatura por alcansa 60 grado Celsius. Algun di nan tabata eynan pa 60 mil aña, restringi for di cualkier lluz of oxigeno y obteniendo energia di mineralnan.
Intentonan pa clasifica e insectonan, ta mustra cu 90% no por wordo cuadra cu cualkier otro micro-organismo cataloga den databasenan disponibel.
Tambe nan ta altamente diverso, incluyendo rond di 100 diferente parti componi tanto di bacteria y otro microbionan conoci como archaea.
Cinco compartimento di e cueba, variando for di un tamaño di un camber pa un caverna manera un catedral, a wordo explora den e mina di Naica na Chihuahua.
E microbionan a wordo conteni den blasnan chikito yena cu awa den tro di cristalnan blanco, algun di nan cu ta midi di 5 meter di largo y un meter di hancho.
Dr. Penelope Boston, directora di e Instituto di Astrobiologia di NASA, kende a guia e prome expedicion na 2008, a bisa: “E parti di mas profundo cu nos a yega na dje tabata un luga yama “Hell”, hopi evocativamente. Esey ta un compartimento cu ta riba un nivel di 800 meter.
“E ta un experiencia transformativo… cu realmente tabata sinti straño. E tabata un ambiente hopi duro pa traha aden, pero extremadamente bunita. E ta manera ta paden di un joya.”
Pa proteha nan for di calor y pa permiti nan hala rosea, e cientificonan a bisti trahenan special.
Experimentonan a conduci na e sitio pa asina mira e insectonan straño por a wordo cultiva tabata parcialmente exitoso.
“Pa mi sorpresa, nos a logra pa e cosnan crece,” dokter Boston, kende a papia den e reunion anual di e Asociacion Mericano pa e Avance di Ciencia (AAS) na Boston, Massachusetts.
“E tabata laborioso. Nos a perde algun di nan – esey solamente tabata e wega. Nan tin necesidadnan cu nos no por cumpli. E parti di esey tabata manera mantene e zoologico.”
El a bisa cu e insectonan tabata asina diferente cu e microorganismo conoci como sernan humano y fungi.
Dr. Boston a añadi: “Realmente nos ta mustrando loke e clase di bida aki ta mustra por haci den terminonan di manipulacion di material.”
“E tiponan aki ta bibando den un ambiente unda no tin cuminda organico como nos tin di compronde.
“Ta un ehempel, riba temperaturanan hopi halto, di e organismonan cu ta biba esencialmente pa e masticacion di mineralnan inorganico y componi. Esaki ta kisas e historia profundo di nos bida aki.”
E erornan por ta un anticipio di loke ta spera si haya microbionan alienigena na marte of riba e luna di Jupiter Europa, cu tin un oceano cubri di ijs global.
Fuente: http://www.scotsman.com

Empleadonan di subsidiarionan di Metacorp den ambiente di Carnaval na Balashi, Beergarden

0

Riba diabierna ultimo despues di 5’or di atardi MetaCorp y su subsidiarionan a drenta den “Hora Loca” na Balashi Beergarden. Tur empleado a prepara nan mes pa drenta den e ambiente di carnaval. Le Groove y Miniteca Metropolis a percura pa entretenimento y bon musica. E diferente companianan resortando bou MetaCorp y nan empleadonan a drecha nan T-shirtnan mustrando nan creatividad y tur esaki cu e tema di “Hora Loca.”

Pa esunnan cu a presenta cu e creacionnan mas loco di “Hora Loca” tabatin premio. E compania ta conoci pa regularmente tin evento pa su empleadonan, manera ta carnaval, hacimento di deporte hunto, dianan social, partimento di ham fin di aña, tiramento di pagara, celebracion ora di hubilarionan y hopi mas. Di berdad cu e empleadonan ta forma un famia grandi cu ta traha diariamente pa hiba nan mes y e companianan padilanti.

MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.

MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.

Grupo Flor di Bini Bini a tene nan actividad Carnavalesco

0

Grupo Flor di Bini Bini, manera e ultimo 4 aña nan ta bin ta haci, nan actividad di Carnaval.
Aki por aprecia e parada di Grupo Flor di Bini Bini, ta e grupo di 60+di CBN bou coordinacion di Sra. Mena Tromp.
Despues nan a corona nan Reina y Prins & Pancho y tambe ta saca e miho disfras (costume).
Algun funcionario di DCA ta para hurado pa e parti di saca a miho disfras (costume).
E bunita actividad dia 17 di Gebruari a cuminsa cu un jump up cu a sali for 9:30 a.m. di Giselle Department Store pa Centro di Bario Noord y djey ta sigui cu parti di saca ganadonan di miho disfras etc.
Un actividad cu ambiente cu por bay te cu 1’or pm di atardi..
Pabien Grupo Flor di Bini bini cu boso bunita actividad di Carnaval.

Studiantenan tambe por haya Arubalening pa studia na EPI

0

Land Aruba ta brinda studiantenan cu kier sigui studia na Aruba of den exterior un prestamo pa finansas e estudio aki: [Arubalening]. E studiante cu ta opta pa continua cu un estudio na nivel di middelbaar beroepsonderwijs na Aruba por aplica pa e producto Arubalening EPI.
Ta conseha tur studiante pa haci un calculacion di gastonan di estudio y haci un calculacion tambe di sumanan na disposicion di e studiante pa cubri e gastonan aki. A base di e calculacion aki por haci un escogencia consciente si ta aplica pa un Arubalening EPI 2017 – 2018.
Riba nan website por haya informacion di e sumanan cu por bin na remarca p’e den caso cu aplica pa un Arubalening EPI.
E studiantenan cu kier mas informacion di con pa haci calculacion di gasto y sumanan na nan disposicion por acudi na seccion Studiefaciliteiten di Departamento di Enseñansa.

Un mensahe di WEB: Awa semper ta miho pa bo curpa

2

Durante carnaval nos curpa ta perde hopi awa door di e calor, pero tambe pa via di alcohol. Si bo bebe awa so, esaki semper ta miho pa bo curpa. Pero si bo ta tuma bebida, no ta mal idea pa bebe awa despues di cada drink.
Asina bo curpa ta haya chens di recupera e awa cu el a perde door di e alcohol. Ademas, bebe awa entre drinksnan por limita abuso di alcohol.

Bus tabata saca huma causando molester riba caminda

1

Durante patruya, strandpolitie a constata cu un bus di Arubus tabata coriendo riba e caminda di J.E. Irausquin Boulevard, mientras cu e tabata saca gasnan diki, cual tabata causa molester tanto pa e pasaheronan como pa otro usuarionan di e caminda, incluyendo e polisnan. Den cuadro cu esaki polis a ordena e bus pa para y a pone na altura di e molester cu e bus tabata causa. E chauffeur a declara cu e ta na altura, pero e mester a uza e bus aki for di Arubus. Polis a dun’e un advertencia y a pone na altura cu e bus aki no tabata tin mag di wordo uza mas. E chauffeur a duna polis un number di e hefe na warda y pa yam’e na Arubus pa pone na altura cu dicho bus no mag di ta riba caminda voorlopig. E bus lo a wordo laga na banda di caminda y un otro bus lo a bin core su ruta. Comandante na warda a wordo poni na altura.

Empresa Belga ta implanta chips den su empleadonan

0

BELGICA – Pa otronan, cu un empresa propone na su empleadonan pa pone den e organismo un “capsula” pa habri porta of accede na e computer, ta supone di ta un perdida di libertad y privacidad den un carera pa un sociedad unda tecnologia, e servicionan di Gobierno y empresanan, ta sirbi pa controla e ciudadanonan.
“Nos no ta “Big Brother” y nos no por rastrea nos empleadonan cu e chip (…). E ta solamente un manera mas facil pa habri porta y accede na bo computer. E ta completamente boluntario,” Tim Pauwels, socio director di NewFusion, a splica Efe News, cual ta un empresa Belga di software specialisa den marketing digital cu a implanta un chip den varios di su empleadonan.
E dispositivo, similar na loke ta wordo uza pa identifica mascotanan, ta consisti den un container di cristal poco mas grandi cu un pipita di aros cu tecnologia di identifica pa radiofrecuencia (RFDI) y un memoria di 868 bytes.
E chip aki por wordo adkiri na China cuminsando na 20 cent di Euro pa unidad, pero cualnan a scoge na NewFusion ta wordo fabrica na Merca, ta costa 100 Euro y ta bin cu un set di instalacion sterilisa. Un tatuador ta implant’e cu un hangua di e mesun caliber cu loke ta wordo emplea pa haci donacion di sanger. Ta sinti un hinca, ta wordo bisa, pero despues e dolor ta disparce y ta keda un marca chikito den cuero, aunke, den algun caso por distingui e implante den un forma chikito di protuberancia.
Fuente: El Universal

Venezolanonan a marcha pa exigi liberacion di e opositor Leopoldo Lopez

0

CARACAS, Venezuela – Mas of menos un 200 opositor Venezolano a marcha y a blokia un di e principal autopistanan di Caracas diasabra pa protesta pa e tres añanan di encarcelamento di e dirigente Leopoldo Lopez.
Lilian Tintori, casa di e politico, a cana durante un ora cu mas of menos 200 persona riba e avenida Francisco Fajardo pa exigi e libertad di e dirigente y pidi Gobierno cu ta permiti cu e crisis politico y economico di e pais ta soluciona cu eleccionnan presidencialanticipa.
Lopez a wordo deteni dia 18 di Februari, 2014 y na September di 2015, el a wordo condena na casi 14 aña di prizon acusa di incita violenia durante protestanan pa exigi e renuncia di e presidente Nicolas Maduro. E manifestacionnan aki a laga 43 morto entre Februari y Mei di 2014.
Cencura ta dictadura, tabata tin geprint riba e tshirt di Colmenares, studiante di ingenieria di 22 aña, kende a uni su mes na e protesta pa rechasa cu Maduro ordena saca fo’i aire diaranson pasa e señal di e canal CNN en Español.
“Nos no por custuma pa cera e medionan liber, nos mester ta semper riba caya,” Colmenares a bisa AFP.
“Tres aña pasa, Leopoldo Lopez a wordo inhustamente encarcela. Tres aña pasa el a denuncia loke lo bay sosode: un regimen cu ta somete na e Venezolanonan ta escaso, insiguridad, corupcion, censura na medionan y persecusion na esnan cu ta pensa distino. Su unico delito tabata un manifestacion no violento. Awe mas cu 80% di e pais ta pidi salida di Maduro,” David Smolansky, alcalde di El Hatillo (oost di Caracas), a afirma desde un truck cu el a sirbi como podium.
Smolansky a añadi cu e Gobierno di Maduro ta un dictadura cu tin “e Venezolanonan pasando hamber y ta protehe e delincuentenan.”
“Nos ta bisa na e comunidad internacional: no mas dictadura, nos kier biba den un pais liber, unda e decencia ta impone na violencia,” el a agrega.
E sentencia contra Lopez a wordo confirma den e ultimo instancia diahuebs ultimo, un dia despues cu Tintori a reuni den Cas Blanco cu e presidente Mericano, Donald Trump, kende a pidi riba Twitter e excarcelacion di e opositor.
Fuente: RCN Noticias

Andin Bikker: Gobierno no tin idea kico ta pasando den pueblo

0

Nos pueblo ta sufriendo den man di criminalidad cu atraco tur dia y tiroteo tur siman.
Andin Bikker a splica fuera di esey, cu pa un suma hopi chikito di 250 mil florin riba presupuesto di pais Aruba, ta pone hende di menos recurso den problema, pasobra nan tin cu paga e number di auto awor den un solo shot. Gobierno no tin ni un idea cu salario minimo no ta yega, Bikker a bisa, y nos tur sa cu e bestand minimo ta 1600 florin pa un persona cu un yiu. Otro problema ta e casnan social cu den ocho aña gobierno no por a traha mas cu 74 cas. Ta bin tambe e nivel di cuido pa loke ta trata salubridad.
Bikker a bisa cu nos sa cu un hende muhe ta dura 9 luna pa duna luz pero nos tin un minister presidente cu cada siman ta duna luz. Andin ta puntra kico ta e prioridadnan di e Gobierno akinan. Riba criminalidad Bikker a bisa cu e prome stap pa soluciona e ola di criminalidad ta cu minister di husticia mester tuma su retiro. Si wak su reaccionnan e ta culpando tur persona rond di dje, tur hende por yuda y menos e mes un persona y awor hasta a bay den atakenan personal pero na final di dia e berdad ta keda cu e ta desviando atencion pasobra criminalidad a start den nos pueblo na nivelnan cu den ocho aña si e minister aki no por a yega na un solucion pa e nivel cu e ta, anto mester cuminza bisa wak den spiel y eynan e prome stap ta cu e tuma su retiro.
Pa loke ta trata casnan social, si un gobierno den ocho aña di gobernacion no por a construi mas cu 74 cas social, y tin un lista di espera di mas di 10 mil hende ta wardando, y si un persona ta keda sin paga huur cada luna y e no por a paga riba su hipoteca y no por bira doño di su propio cas. Kiermen pa ocho aña e Gobierno aki ta reteniendo personanan pa nan por bira doño di nan propio cas, Andin Bikker a splica.
Si un average di hipoteca den 10 of 15 aña bo ta caba di page eigenlijk Gobierno a kita mas di 10 mil persona pa por yega nan na cas propio den un average di 2 pa 7 aña. E salario minimo cada bes Gobierno ta cremencha. Bikker a bisa cu mester inventarisa un rato cuanto persona ta gana salario minimo y di eynan bin cu cierto incentivonan fiscal pa na final di dia por resta mas placa den nos saco, pasobra sr. Eman ta papia di un pais di cinco strea pero na final di dia nos no ta bibando den un pais di cinco strea.
Atraconan tur dia, no tin casnan social, e placa no ta yega, problemanan social ta creciendo, y e nivel di cuido pa loke ta trata servicio medico tambe ta un preocupacion hopi grandi cu mester bay adresa y tur esakinan ta problema cu ta afecta nos pueblo.

Resultado pa sorteonan di Number anochi 18 di Februari 2017

0

Lotto cambiando bida ta presenta e resultadonan di Wega di Number y subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On riba 1100

Catochi
1. 7516
2. 4163
3. 6624

Big 4
2029

Zodiac
6415 – Geminis

Lotto di Dia
23 – 02 – 04 – 21 – 16

Lotto 5
14 – 18 – 22 – 19 – 35 Joker: 12 Letter: E

MEP a reconoce baluartenan di e partido

0

Lider di MEP Evelyn Wever-Croes ya desde algun luna ta otorgando reconocemento na baluartenan di partido MEP. Na lidernan di bario, na caciquenan di partido, na esnan cu a sostene sr. Betico Croes y sr. Nelson Oduber.

“Nos a cuminsa aña pasa Maart otorgando reconocemento na esnan cu a contribui na nos himno y nos bandera. Na November nos a duna homenahe na candidato y ex-candidatonan di nos partido. Y dia 24 di Januari di e aña aki nos a cuminsa cu e miles di baluarte. Dia 24 di Januari nos a otorga 300 reconocemento, y dia 9 di Februari, den cuadro di celebracion di 46 aña di existencia di MEP, nos a otorga 50 reconocemento mas.
Awor nos ta preparando pa un grupo grandi di reconocemento pa dia 17 y 18 di Maart proximo. Y naturalmente nos lo sigui despues tambe, te ora nos a haya tur hende pa reconoce. Ta hopi hende tabata para na fundacion di nos partido, hunto cu Betico Croes y despues cu Nelson Oduber a haci nos partido grandi. Poco poco nos ta yega na tur. Nos tin un programa pa yega na tur durante e aña 2017. Pasobra semper ta importante pa bo para keto y gradici esnan cu tabata tin e curashi, y e determinacion pa combati maldad den gobernacion. Tur hende cu a duna su aporte, sea ta den campaña, sea ta door di drenta den politica, sea ta door di yuda cose bandera y verf e emblema di MEP riba e bandera, sea a yuda cu e barco di libertad, sea cuidando Betico y Nel, of cu cualkier otro aporte, ta danki na cada un di nan nos pais awe conoce su propio gobierno, su propio parlamento, su propio Banco Central y su propio moneda. Y ta importante pa nos hobennan mira e ehempel cu nos baluartenan a duna: cu nada por strobe bo di logra bo meta. Nan a kere den e meta cu ta un Aruba cu status autonomo den Reino, y nan a mustra curashi y determinacion. Y ta pesey nos ta duna nan homenahe, y sinceramente mi mester bisa cu e homenage aki tin un significacion hopi especial pa esun cu ta ricibi’e, pero mas aun pa ami como e di tres lider di MEP, por otorga nan y gradici nan”, lider di MEP Evelyn Wever-Croes a duna di conoce.

Wilders ta cuminsa cu su polemica campaña electoral cu promesanan anti islamista

0

ROTTERDAM, Hulanda – E Hulandes ultraderechista Geert Wilders, a cuminsa awe cu e polemica campaña di e Partido PVV, pa e eleccionnan di dia 15 di Maart, den un bario humilde y multicultural di Rotterdam, rodea di su siguidonan y cu un expectacion internacional.
“Si loke bo busca ta pa tin di nobo e pais aki den boso man, solamente bo por vota pa un partido. Tin hopi porkeria Maroki na Hulanda cu ta haci e cayanan insigur,” Wilders a bisa su siguidonan awe.
Fuente: Efe News

Gilmar Pisas ta oficialmente e presidente nobo di Parlamento di Corsou

0

WILLEMSTAD – Diabierna mainta, e mayoria nobo den Parlamento, consistiendo di e partidonan MFK, Korsou di Nos Tur, Pueblo Soberano, Movemento Progresivo y e miembro di Parlamento Edward Braam, a elegi e parlamentario di MFK, Gilmar Pisas como e presidente nobo di Parlamento di Corsou y Norberto Ribeiro di Korsou di Nos Tur a wordo eligi como vice presidente.
E mayoria nobo mester a eligi e dosnan aki atrobe, ya cu nan reunion di emergencia di diamars ultimo a wordo declara ilegal door di Gobernador Lucille George-Wout.
Fuente: Curacao Chronicle

In Memoriam di Ernest ‘Enty’ Giel: Un legado basa riba amor y dedicacion

0

Cu honda pena Aruba Tourism Authority ta anuncia fayecimento di nan colega sr. Ernest ‘Enty’ Giel na edad di 58 aña. Naci na Aruba riba dia 7 di November 1958, Enty su legado ta basa riba amor y dedicacion pa su famia y tambe su pasion y dedicacion di mas di 40 aña na Aruba su turismo. Na bida Enty tabata orguyoso esposo di señora Grace Giel y un gran tata pa su yiunan Yxselle, Emilaine, Erny y un abuelo cu ta stima su nietonan. Tambe Enty ta conoci como un carnavlista cu pasion.
Enty su carera den turismo a cuminsa na 1976, net despues di a caba MAVO na Maria College. Su prome oportunidad pa trabao tabata na 1976 na Holiday Inn Casino y a labora eynan pa 10 aña largo y a continua na Golden Tulip Casino entre 1986 y 1989. Akinan Enty a gana experiencia valioso den mundo di casino y specialmente den trato y servicio optimal pa cu nos bishitantenan. Na aña 1989 e era di time-share a cuminsa na Aruba y Enty a dicidi di forma parti di e industria turistico aki y a comparti su amabilidad y servicio na varios desaroyonan Timeshare manera Playa Linda Beach Resort, La Cabana y Harbour Town Aruba.
Na 1992 el a retoma su carera den e industria di casino trahando y a fungi como Casino Inspector pa pais Aruba. Na 1995 el a tuma un reto nobo y a fungi e posicion di Casino Supervisor na Marriott & Stellaris Casino, unda el a ricibi entrenamento na nivel corporativo cu lo a marca rumbo pa crecemento den maneho turistico.
Na 2005 Enty su ambision pa cu excelencia turisitico a dun’e e oportunidad di a cuminsa traha cu Cruise Tourism Authority of Aruba (CTA) como Cruise Tourism Officer, cu contribucionnan importante cu a yuda na crea e base solido cu pasahero y companianan di crucero rond mundo.
No obstante di Enty su exito den mundo turistico, el a hay’e confronta cu un bataya cu cancer, cual a rekeri cu e mester a retira temporalmente, pa por a sigui tratamentonan pa esaki. Despues di a gana su bataya cu cancer, Enty a bolbe trabao na 2012, pero e biaha aki bou di e capa di A.T.A. Sui Generis cu e cargo di Visitor Care Liaison at the Aruba Tourism Authority.
Cu e mes un pasion y dedicacion Enty a continua cu su trabao. Dia tras dia, Enty semper a percura pa tin cooperacion a base di un actitud positivo y pro-activo pa bishitante, partnernan turistico y su coleganan cu semper el a stima semper cu e calidad y hospitalidad autentico di un bon Arubiano. Semper cla pa yuda tur hende, Enty su bondad, carisma y entusiasmo ta resalta, na unda cu e por ta sea na Aruba of rond mundo. Su pasion pa excelencia den nos turismo ta uno inigualable, muy en especial na momentonan cu e mester duna honor na turistanan cu ta bishita nos isla pa hopi aña. Su forma inigualabel den presenta e reconocimentonan aki ta wordo converti den momentonan special y inolvidabel pa e bishitante. Ta conoci cu Enty su bon trabao semper a sa di laga lagrimanan di felicidad y orguyo den wowo di nos bishitantenan durante e actonan di reconocemento aki.
Awe nos wowonan ta yena cu lagrima di tristesa cu Enty su despedida repentino. Aruba Tourism Authority ta lamenta e perdida di nos colega stima y a extende su palabranan di condolencia pa sra. Grace Giel, yiunan Yxselle, Erny, Emilaine, nietonan y demas famia. Cu nos amigo Enty sosega na paz.

Homber den proceso di divorcio tabata haci sospechoso na Tanki Leendert

0

Polis a mira na altura di Wendy’s na Tanki Leendert, un auto di famia sin number di auto. E auto tabata para dilanti di dicho luga. E luznan di auto tampoco no tabata cendi. Tras di e stuur tabata tin un homber color scur. Polis a pasa banda di e auto y a bay para riba un distancia. Polis a para na altura di Tur Dia Foodmaart. Dado momento a mira dicho auto na e stacion di gasolin na Texaco Tanki Leendert. Riparabel tabata cu el a core tras di e stacion di gasolin y un rato despues a paga e luznan di e auto. Den cuadro di esaki, polis a core su tras. Mientras tanto a pidi refuerso di un otro unidad, mirando cu e auto a coy un caminda di santo direccion Matadera. Ora cu a acerca e auto, a nota cu el a drenta un pida mondi. El a sali pafo di e auto y na pia a bay direccion pazuid. Riba un manera tactico el a wordo acerca. Una bes acerca, a bin resulta cu ta trata di un homber habla Hispano. Riba e momento ey el a bira hopi nervioso y a cuminsa papia bruha. E no tabata por a mustra ningun identidad. El a nenga di duna su nomber. El a wordo deteni y hiba warda di Shaba. Despues a bin resulta cu tabata trata di MAAC, naci na Republica Dominicana y ta keda na un percela na Tanki Leendert. Segun su declaracion, e tabata en busca di su casa, mirando cu e tabata bezig cu nan procedura di divorcio. E auto a wordo hiba warda di Santa Cruz, mirando cu e ta casa cu e muhe K., biba na Tanki Leendert. Banda di 5’or di mainta, a dun’e un proces verbaal y a mande cas.

Ta instala luz di trafico den vloer pa esnan cu ta cana distrai cu nan celular na Hulanda

0

BODEGRAVEN, Hulanda – Luznan LED den vloer cu ta cumpli cu funcion di luznan di trafico, a wordo instala na varios cruzada di Bodegraven, Hulanda, pa preveni accidente entre esnan cu ta cana distrai door di ta pendiente di nan celular. E tamaño y e intensidad di e colornan ta haci cu ta casi imposibel ignora e iluminacion.
Den e centro di Sidney, Austrlaia, tambe a instala un di e luznan aki y den e ciudadnan Aleman di Augsburg y Cologne tin luznan di trafico similar desde April di 2016.
Fuente: NTN24

Varios persona ilegal gara riba lama y den mondi na Corsou

0

Segun informenan cu nos a ricibi a coy 22 persona, 2 hende muhe y 20 homber riba lama prome cu nan a yega Corsou. Ayera tambe tin un boto a yega tera. Esey a baha, pero a coy e boto cu e capitan ora cu nan tabata bayendo Venezuela bek. Pero nan a coy basta hende den mondi na Corsou. Cos ta hot den e dianan aki, segun cu nos tin entendi. Asina mes ilegalnan ta purba keto bay drenta Corsou tur e dianan aki

Roland Croes: Nos mester cuminsa na acepta e realidad di bida

0

Durante e “Business Event 2017” director di SETAR, Roland Croes, a repasa e prestacion di e compania SETAR, durante 2016 den presencia di invitadonan. E retonan pa 2017 ta continua cu constante desaroyonan nobo na unda mas y mas compania di telecom ta keda perhudica door di e productonan y e companianan gigante, manera; Google, Amazon, Facebook, Whatsapp, etc.
“Nos mester cuminsa na acepta e realidad di bida. No tin nada cu nos compania por haci contra e fenomeno aki. Pero si nos por cambia nos manera di traha, y tin confiansa den nos mes como compania Arubano”.
E orador invita e aña aki tabata Dr. Ivan Joseph cu ta un orador cu riba TedX video e tin mas di 7 miyon “views”, cual ta papia pa su mes e interes grandi cu hende tin den su mensahe.
Joseph ta un PhD specialisa den psicologia di deporte, e ta papia di con por logra prestacion maximo, confiansa den bo mes, e “grit” pa persevera apesar di contratiempo y con pa logra teamwork.
Ivan ta un coach di futbol pa traha teamnan ganado y e ta yuda forma ekiponan di tanto hende muher como hende homber di full about e cu calidad di Campeonatonan Nacional pa hende homber y cu ranking di nr. 1 pa hende muhe den 5 aña di tempo.
El a gana varios reconocimento como “Coach of the Year to boot”. Actualmente e ta e Director Atletico pa Ryerson University na Toronto. Ivan su remarcanan ta firmemente basa riba investigacion y a resalta den su manera di conta storianan hopi poderoso cu ta yega na hende su curason.
El a haci un tremendo presentacion cu a acapara tur atencion na unda el a enfatisa pa traha riba “e confiansa di bo mes” cu cada un di nos tin pa nos por tin exito. “No laga ningun hende kibrabo. Keda corda tur e cosnan cu bo ta bon aden. Persevera.”
Despues a sigui un agasaho na unda cu e invitadonan a conecta cu e diferente representantenan di SETAR amenamente.

Cantidad di morto ta subi na 19 despues di accidente di bus cu tabata biaha di Argentina pa Chile

0

MENDOZA, Argentina – Por lo menos 19 a fayece y varios a resulta herida den un accidente di un bus cu tabata circula riba un caminda di e provincia Argentina di Mendoza (west) cu destino pa Chile, fuentenan policial a confirma.
Tabatata aki di un microbus di e empresa Chileno Turbus, cu a accidente riba e ruta nacional 7, na altura di e Parke Aconcagua.
E hecho a tuma luga marduga di diasabra den e zona di Curba del Yeso, pa motibonan cu ainda ta wordo investiga.
Segun medionan local a añadi, den e vehiculo a biaha 40 pasahero – entre nan varios menor – di cual a identifica 32 Argentino, cuater Chileno, un Haitiano y un Colombiano.
“Turbus ta informa cu tras di e hechonan, inmediatamente personal di e empresa a desplasa pa e luga pa atende e emergencia y colabora cu e tareana di Gendarmeria y servicionan medico di urgencia,” segun un comunicado di e compania di transporte.
Fuente: NTN24

Justin Bieber ta wordo investiga pa autoridadnan Mericano

0

LOS ANGELES, California – E cantante Canades, Justin bieber, ta wordo investiga pa autoridadnan mericano tras di a golpia un biaha mas un persona, den e oportunidad aki den un restaurant den e ciudad di Los Angeles.
Biber tabata den un fiesta priva, caminda cu e tabata gaña pleita cu e artista Kyle Massey.
Na e momento ey, Bieber a ripara cu un homber tabata grabandonan, di manera cu e cantante a pidi’e pa e stop di haci’e y delete a imagennan. Mirando cu e homber a nenga esaki, Bieber a dal’e cu un cabesaso.
Funcionarionan di e oficina di sheriff di e condado di Los Angeles, a acudi na e establecimento pa aclarea loke a sosode, pero ora nan a yega, ya e cantante ya a bandona e luga.
Segun e portal informativo TMZ, e presunto victima no ta desea di entrega keho contra Bieber, pero di cualkier manera autoridadnan ta sigui cu e investigacion pa agresion menor.
Di su parti, e encargado di e restaurant, a sigura autoridadnan, cu e no tabata tin ningun inconveniente cu e artista den otro oportunidadnan.
Fuente: Globovision

A entrega badge na e prome 100 trahadonan pa cuminsa cu rehabilitacion di e refineria

0

Durante un ceremonia diabierna mainta na San Nicolas, a toca honor na Prome Minister Mike Eman y Ministernan Mike de Meza y Paul Croes pa haci entrega di mas un cantidad grandi di badge na e prome grupo di trahado di contractistanan local cu a cuminsa cu e trabou pa rehabilita e refineria di Aruba.
Ta trata di empleado di contratistanan grandi local cu hopi experiencia den refineria na Aruba: Oduber Contractors, PWEC, Doushar y Goedecke. Por a sinti cu tabata reina un alegria grandi bou di e trahadonan cu a ricibi, oficialmente, nan ‘badge’ cu ta permiti nan move den e instalacionnan di e refineria. “Esaki ta un dia hopi special,” tabata palabranan expresa pa Prome Minister Eman, pero un sentimento expresa tambe pa su coleganan Minister de Meza, Croes y tambe empleadonan di contratistanan presente como tambe representantenan di gerencia di CITGO.
E mainta a wordo habri oficialmente door di Alirio Zambrano, Refinery Project Director di CITGO, kende a bisa cu “ta un gran placer cu nos ta ricibi boso tur awe den nos cas, specialmente den e edificio aki cu ta e prome cu nos a pone den funcion y hopi mas lo sigui mientras cu e trabounan ta sigui avansa.” Palabranan di elogio Zambrano tabatin pa e proyecto di pone e refineria den funcion y tabata agradecido cu e mandatarionan a acepta e invitacion pa comparti cu CITGO otro ‘milestone’ den e proyecto. “Ta bay tin mas ‘milestone’ na caminda,” el a enfatisa cu hopi alegria.
E mainta aki a keda presenta tambe top di e team di management di Citgo Aruba; sr. Ray Buckley, Danny Hannigan y Ed Oduber.
“Esaki ta un placer un satisfaccion pasobra no solamente nos a firma un acuerdo algun luna atras pa reapertura pero awe nos ta pone cara na esaki,” Prome Minister Mike Eman a bisa e trahadornan presente. “Y e ta e momento cu nos a spera riba dje,” y el a enfatisa cu, “E contenido di e papelnan tabata bunita, y nan cantidad grandi, pero en realidad loke ta importante den henter e proceso aki ta cu e cuponan di trabou pa nos hendenan, bienestar pa nos hendenan y un futuro prospero pa Aruba.”
Prome Minister a señala cu e tin hopi confiansa den e trabou cu ta bay cuminsa, mirando e companianan envolvi y conoci pa nan experticio den e sector aki. Sr. Eman a recorda tambe cu den e grupo cu a ricibi nan badge tin hopi cara familiar cu operacion di e refineria. E mandatario a pidi aplauso pa e companianan envolvi y nan empleadonan y naturalmente a gradici CITGO pa e confiansa demostra den Aruba. Pa finalisa Eman a pidi un “standing ovation” pa Minister ing. Mike de Meza kende a hinca hopi esfuerso den reapertura di e refineria hunto cu su colega Minister Paul Croes. “Pa nos esaki ta un momento yena di emocion.”
Awor cu a cuminsa cu rehabilitacion di e facilidad petrolero, por spera cu den poco tempo ta acelera e proceso di tuma mas hende na trabou pa por completa e trabou grandi aki.

Auto horta den parkinglot di Servicio di Impuesto

0

A presenta na warda e homber MP, kende a duna keho di ladroncia. El a declara cu diaranson mainta, e tabata na Servicio di Impuesto pa busca e documentonan di belasting. El a staciona e auto di su ruman homber den e parkinglot di Servicio di Impuesto Ta trata aki di un Chevrolet S-10 pickup, cual number e no a corda. Ora cu el a staciona e auto, el a laga e yabi den e contact y e bentananan di e auto tabata habri. Ora cu el a para e auto dilanti di e edificio, el a mira cu un auto ta core bay cu un hende na stuur. E tanki di gasolin di e auto tabata ¼ yen cu gasolin.
Dicho auto no tabata kibra. Keho a wordo tuma y Central a wordo poni na altura.

Ora MEP baha awa, coriente y gasolin e lo ta un alivio grandi pa henter Pueblo

0

Glenbert Croes di Partido MEP a confirma cu un di e solucionnan di partido MEP pa alivia e pueblo di Aruba ta pa baha e prijs di awa y coriente drasticamente. Sr Glenbert Croes ta bisa lo siguiente:

“Partido MEP kier confirma na henter nos Digno Pueblo cu e decision di Gabinete Mike Eman 2 pa laga Valero establece e prijs di gasoline a base di “delivered price” cu a hisa prijs di gasolin drasticamente y no e “platts pricing” cu ta prijs di mercado, e Gobierno nobo di MEP lo revoke pa asina e prijs di Gasoline y Diesel baha drasticamente ademas di baha prijs di awa y coriente.

Door di kibra e contract di hedging, door di bay bek na e platts pricing, e Gobierno nobo di MEP lo baha prijs di awa, coriente y gasoline pa henter nos digno pueblo. Ora MEP baha awa y coriente y gasoline e lo ta un alivio grandisimo pa henter Pueblo.

Gabinete Mike Eman 1 y 2 no a importa nan e dolor y dificultad cu tur famia na Aruba tur dia, tur siman, tur luna ta pasa den dje cu un Aruba di AVP unda tur cos ta asina caro. E salarionan no ta yega. E pensioennan no ta yega. E onderstandnan nunca no a yega.

Door cu awa, coriente y gasoline ta asina caro na Aruba, prijs di tur cos a subi drasticamente. Ademas di e medida di BBO/BAZV di Gabinete Mike Eman, tur e medidanan aki a pone cu tur e prijsnan di cuminda tambe a subi drasticamente.

Placa no ta yega mas pa nos Pueblo biba. Ora bo mira cu e Ministronan ta haci y deshaci cu placa di Pueblo, Gabinete Mike Eman ta sigui gasta sin control y sigui haci debe y mas debe pa nan sigui gasta y Gabinete Mike Eman ta pidi Pueblo hala faha mara cu e medidanan cu nan ta tuma hincando nan man den cartera di nos Pueblo lagando e cartera di nos Pueblo na werki y bashí y sin puntra Pueblo.

E Ministronan di Gobierno di AVP: tur a enrikece nan mes pero empobreciendo henter un pueblo. Esaki ta un crimen cu gobierno ta comete contra un pueblo cu no por wordo pordona.

Henter nos digno pueblo a tuma su decision caba. E cambio real, necesario cu esperansa cu henter nos digno pueblo ta anhela ta wordo logra 22 di september proximo. Pueblo lo vota pa e unico partido di Pueblo, Movimiento Electoral di Pueblo cu nos compromiso pa salba Aruba nos pueblo y e futuro di nos yiunan”, sr Croes ta termina.

Resultado pa Sorteonan di Number merdia 18 di Februari 2017

0

Lotto Cambiando bida ta presenta e resultadonan di Wega di Number y subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On riba 1100

Catochi
1. 9603
2. 6418
3. 6344

Big 4
3337

Zodiac
7930 – Scorpio

Fundacion Lisette Gomes e biaha aki lo protesta specificamente na Ministerio Publico contra di fiscalnan

0

Sra. Lisette Gomes, di Fundacion Lisette Gomes contra abuso di mucha, a declara cu e biaha aki specificamente e protesta ta bay ta na Ministerio Publico. E ta bay dirigi na e fiscalnan cu ta pidi e castigonan asina abao. Ta asina cu e investigacion ta cuminsa na KZP y ta sigui na Ministerio Publico, ya un caso casi full cera caba.
Pero ta haya abusonan, delitonan cu ta asina delicado pa bay over di dje, pa papia di un rapport medico cu ta duna indicacionnan hopi fuerte di abuso pisa sexual cu a pasa cu mucha. Y toch ta haya fiscalnan cu ta pidi castigonan asina abao.
Los di esey no tin un ayudo psicologico tampoco pa e persona cu ta comete e crimen aki. Den un castigo di un aña, pero e no ta sinta ni esey, ya cu ta kita e tempo preventivo cu el a sinta caba y tambe pa buena conducta ta kita un tercera parti di e castigo, y e ora e persona ta sinta un castigo di algun luna solamente. Esaki contrario na e victima, cu hopi biaha no ta haya e ayudo psicologico y ta keda cu trauma pa resto di su bida.
Sra. Gomes, di Fundacion Lisette Gomes contra abuso sexual di mucha, ta na altura cu Cuerpo Policial hopi biaha no tin e materialnan ni ekipo ni e profesionalnan pa investiga un caso mas profundo y e Fundacion a sinta cu Minister Dowers aña pasa y a trece e puntonan dilanti, specificamente na dje. Di kico ta locual falta pa cera e investigacionnan aki manera cu nan mester ta. Y Sra. Gomes ta haya cu ta jammer pa bisa cu nan no a keda mucho satisfecho cu e reunion aki, ya cu no ta duna e atencion debido na e problematica aki. Na otro palabra e minister no a acepta cu en realidad tin un problema di Manpower e.o. na KZP y segun Minister tur cos ta trahando manera mester ta.
Segun e fundacion tin entendi cu lo aloca fondonan pa e departamentonan aki, pero atrobe mayornan ta acerca e fundacion pasobra cu nan ta entrega keho, pero e casonan ta dura, mescos cu no tin material ni nada. Dus no ta mira niun cambio den esaki. Asina Sra. Lisette Gomes di Fundacion Lisette Gomes a finalisa bisando.

Tempo

Oranjestad
clear sky
26.4 ° C
26.4 °
26.4 °
98%
8.8kmh
8%
Mon
27 °
Tue
26 °
Wed
26 °
Thu
26 °
Fri
27 °

Follow Us On Instragram