27 C
Oranjestad, Aruba
Monday, February 27, 2017
Authornan Articulo pa .

.

1599 ARTICULONAN 0 COMMENTARIOS

Antisocial a drenta un cas na Sabana Basora ataca habitante

0

Un señora den su cas na Sabana Basora a keda sorprendi diadomingo anochi ora cu desconocinan a kibra drenta den su cas y ataca. Nan a busca cos di horta y a maltrata e ciudadano den su cas y bandona e sitio na pia.

 

Polisnan a yega di biaha na e sitio y a cuminsa cu un buskeda rond. Patras di e cas scondi a haya un scooter posibelmente horta y a tuma esaki den beslag unda cu posibelmente ladronnan a laga esaki atras. Recherche a keda notifica pa presenta na e sitio pa haci nan investigacion.

Polis a detene homber na Moomba relaciona cu ladronicia

0

Diadomingo anochi polisnan di Noord a haci detencion di un homber meti den ladronicia den area di Moomba Beach. A detene e homber y a tuma su bais den beslag tambe y a keda hinca den e dog catcher te cu warda di Shaba.

Chabalito a cende mondi na candela den Wolfstraat

0

Na e casnan di pueblo Noord den Wolfstraat diadomingo anochi laat dos chabalito a dicidi na pega mondi na candela. E candela a bay pega un casita di zink na candela. Brandweer a presenta na e sitio pa asina paga e candela. Habitantenan a mira kende ta esnan cu a pega e candela y a notifica Polis di e caso.

Accidente pisa na Paradera cu tres herido y un pega den auto

0

Dialuna pasa di 12’or marduga riba e caminda principal di Paradera altura di Great Rich a sucede un accidente di auto basta fuerte pa falta di preferencia. Polisnan di biaha ta yega na e sitio y topa cu dos auto basta kibra tres persona herida y un dama pega den auto. Di biaha unidadnan di ambulance a presenta na e sitio, y unidad di rescate di bombero pa asina corta un yaris pa saca un dama cu tabata herida y for di tino den e auto.

 

Na prome instante nan a kere cu e dama no ta na bida debi na e forma con e tabata ta y no ta move mes. Pero tabata for di tino e señora ta, paramedico a traha cune di biaha y asina transporta e victimanan pa hospital. Specialista di trafico tambe tabata na e sitio pa asina atende cu e accidente y investiga. Polis a constata cu e subaru cora bahando for di pariba yegando e rotonde di Paradera e yaris ta yega lora su dilanti pa bay direccion nort pa e santana di Paradera.

Auto a dal basta duro riba mata di kwihi na Sasakiweg

0

Riba e caminda di Sasakiweg diadomingo anochi a sucede un accidente di auto basta fuerte unda un honda fit a bay dal frontal riba un mata di kwihi. E impacto ta asina grandi cu tres di e cuatronan den e auto a core bay lagando un herida atras y sigur e otronan tabata herida debi na e sla fuerte. Ambulance a presenta y paramedico a atende esun cu a keda atras herida den e auto.

Homber cansa a dal su cabes riba baranca na Calbas y keda herida

0

Den e birada skerpi di Calbas pa Kudawecha diadomingo anochi un homber basta cansa a kap y dal su cabes basta duro riba un baranca banda di caminda. Polis a presenta na e sitio y aki a solicita ambulance na e sitio pa atende cu e persona herida.

Problema grandi den Korvetstraat y un persona a keda herida

0

Diadomingo anochi den Korvetstraat na Madiki a surgi un problema basta grandi cu a bay for di man. Den esaki un persona a keda agredi, polisnan a presenta y tuma datos. Ambulance a presenta tambe pa atende cu un señora.

Chauffeur bebi a ocasiona accidenta semi frontal na Driemasterstraat

0

Diadomingo anochi polisnan a presenta na Euphoria bar na ex las caleñas riba Driemasterstraat pa un control riba grupo di persona. Den esaki un chauffeur den getz a bay den banda contrario dal riba un tercel cu consecuencia e tercel a dal riba un auto di polis. Polis a logra detene e chauffeur burachi. Dos persona a keda deteni hiba warda di polis.

Basta detencion durante parada grandi di carnaval na Oranjestad

0

Ultimo parada di Carnaval na Oranjestad a conta cu basta Polis riba pia, e parada a sali na ora y termina pasa di 6:30 atardi. Tabatin varios pelea entre gruponan di persona. Polis a haci varios detencion tanto area di Plaza Betico, Rotonde Las Americas, pabou di Talk of Town, Adriaan Lacle Blvd, banda di Parlamento, y royal plaza. Alcohol a hunga un rol tambe cu a surgi na e peleanan aki asta den last lap tabatin pelea na final di e parada.

Chauffeur cansa a perde control cu auto y dal riba cura di cas

0

Diadomingo anochi riba Caya Betico Croes altura di ex Club 21 chauffeur di un toyota corolla bayendo direccion pariba a perde control tras di stuur y dal riba un cura di cas y kibra un borchi di trafico. E chauffeur a resulta herida y a keda atendi pa personal di ambulance cu a presenta na e sitio. Polis di trafico tambe tabata na e sitio pa asina tuma datos di e accidente.

Yaris no a duna preferencia na Sentra altura di stadion

0

Diadomingo anochi na e crusada altura di Stadion a sucede un accidente entre dos auto pa falta di preferencia. Ta trata cu un yaris riba Stadionweg a subi e crusada sin a duna preferencia na un sentra riba Avenida Milo Croes direccion pariba. Ambos auto a keda kibra, e personanan no tabata desea di asistencia medico.

Pelea cu arma blanco y un persona herida na final di parada

0

Riba L.G Smith Blvd diadomingo anochi na final di parada altura di CMB a surgi un pelea entre algun persona y tabatin arma blanco envolvi. Un persona a keda herida, polisnan a core tras di e sospechoso y a detene. Ambulance a presenta na e sitio y atende cu e victima.

Homber a keda maltrata y trapa cu auto ora a bay mete den problema di pareha

0

Diadomingo atardi pariba di corte riba e parkeer plaats tabatin un problema entre pareha y algun hende y ora un homber a bay mete a haye mal sirbi. E personanan den e auto a pasa man pa un stoel y dal e homber cune y reverse e auto y consecuencia e tire a pasa riba e homber su brasa. E homber tabata benta abou ta keha di dolor, ambulance a presenta di biaha unda paramedico a presenta pa atende cu e victima.

Problema di gang den Madiki y menasa a cay a termina na detencion

0

Diadomingo merdia Polisnan a keda manda cu urgencia pa araea di Madiki unda lo tin supuesto tiro a cay y menasa. Nan a informa polis cu cabes di clabo, suiso y un otro mas lo ta envolvi den e pelea. Durante cu Polis ta patruyando den area di Madiki y bisindario a topa cu e hyundai getz berde di cabes di clabo dilanti cas di partido a topa cune y su pareha.

 

Ambos a keda deteni y a tuma e auto den beslag. Altura di misa di Playa a topa cu e otro sospechoso suiso y a controla full un nissan tiida y un toyota corolla tambe y a bay over na detencion di suiso tambe. Tur sospechoso a keda hiba warda di recherche pa interogacion.

Persona a capta mucha muhe canando suso den scuridad pabou di Bushiribana

0

Un ciudadano atento diasabra anochi a mira un mucha muhe jong canando suso entre Bushiribana pa e Wariruri. E persona a raporta esaki na Polis debi cu a wak e mucha muhe ta manera perdi den e scuridad y a cana bay den e mondi.

 

Esaki a pone cu e oficialnan a cuminsa cana den e mondi unda e persona a indica polis caminda e mucha muhe a bay. Den un buskeda prome cu Wariruri a topa cu e mucha muhe ta cana y el a informa e oficialnan cu su mayornan ta pisca den bisindario.

Persona a bay paga candela di mondi y kima su curpa

0

Diadomingo mainta un ciudadano a drenta accion cu slang den man pa bay paga un candela den mondi cerca di su cas na Moko. Durante e pagamento di candela aki vlam a kima e persona cu consecuencia a haya kemadura na su curpa. Unidad di bombero a yega di biaha na e sitio y logra domina e candela, ambulance tambe a presenta pa asina atende cu e persona cu a haya kemadura na curpa.

Mucha muhe herida den accidente fuerte di auto na Koyari

1

Diadomingo mainta na e crusada altura di Italo Arubano na Koyari a sucede un accidente di auto basta fuerte pa falta di preferencia. Patruya di Noord y trafico a presenta di biaha na e sitio, tambe unidad di ambulance. Paramedico di biaha a drenta accion y atende cu un mucha muhe cu sla na cabes y tabata sangra. A constata cu e chauffeur di e nissan sentra a subi caminda y no a duna preferencia na un honda fit biniendo for di zuid direccion panort. Daño material tabata considerabel na e autonan.

Polis motorisa a detene algun chauffeur coriendo auto bou influencia

0

Diasaba anochi a tuma luga control di parti di polisnan motoriza na e rotonde Pos Chikito. Durante e paramentonan di auto a pone chauffeurnan cu tin sospecho cu nan lo por ta bou influencia y durante e test a tuma nota cu basta a surpasa e limite basta. Asina a bay over pa detenenan debi cu no por sigui core den e estado cu nan ta y bay warda pa pasa un test oficial.

Homber Chines cu a yega su cas na Montaña a keda atraca

0

Dos homber arma a baha for di un auto blanco diasabra anochi y menasa e doño di cas cu a caba di baha for di su auto na Montaña y bay cu su pertenencianan. E ta doño di un chines den bisindario. Un persona cu a mira esaki a raporta na Polis ora a mira e hombernan arma a core drenta un auto blanco y bay direccion Nort. Polis a yega di biaha pa busca informe y notifica atraco team di e sucedido.

Bike Team di Ambulance y Cruz Cora a brinda basta asistencia durante parada

0

Tanto Ambulance y Cruz Cora diasabra a brinda bastante asistencia di hendenan cu a bira malo y cay flauw durante parada. Esaki tabata mas tanto esnan banda di caminda y algun participante. Bike Team di Ambulance a brinda basta asistencia di hende cu problema di hala rosea y mas. Cruz Cora tambe por a tuma nota riba pia tambe brindando asistencia medico.

Fiscal a exigi 10 aña di prison pa asesino di Johnny Gomez

0

Diabierna mainta Corte den Prome Instancia a trata e caso contra di e homber Venezolano K.P.(23) y e Colombiano J.B.(22), ambos biba na Aruba. Nan ta wordo acusa di asesinato di conocido futbolista Johnny Gomez, cu a keda cruelmente asesina dia 30 di Juli 2016. E caso aki cu a a causa consternacion den nos comunidad, a tuma luga dilanti di Maxime Bar den Kruisweg na Playa, no mucho leu di Warda di Polis.

 
E futbolista J.G. a keda mortalmente hinca na su garganta, despues di un pelea den e bar ya menciona. E victima tabata drumi den un plas di sanger, ya sin bida.
E caso aki a tuma varios ora, caminda cu tanto Hues y Fiscal a haci e dos sospechosonan un serie di pregunta. Loke por a deduci ta cu e victima, den careda di 2 or di marduga, a bay busca un bebida den e bar, caminda cu nan a nenga di bend’e un bebida, pa motibo cu e bar ya tabata cera.

 
Durante tratamento di e caso, e tribuna den sala di Corte abou y ariba tabatin famianan di e sospechosonan presente. Cada sospechoso tin nan version di e sucedido. J.B. ta conta cu e victima a bay for di e luga, pero no a dura mucho cu el a bin bek. Ora cu el a bin bek, e muhenan cu ta traha den a bar a grita cu e victima y su amigonan tabata arma. Esaki a pone cu J.B. a drenta den panico y a bay tras di e bar, y a pasa man cu un cuchiu. Ora cu el a bin bek, e la wak K.P. y M.G. tabata bringando cu otro y cu K.P. a pidi J.B. pa e cuchiu, cual el a nenga. Pero K.P. a ranca e cuchiu for di su man y ta propina Gomez un hinca den garganta. E hinca tabata uno basta profundo, ya cu casi el a yega na e lomba di e victima.
Hues mr. Schoemaker a puntra J.B. kico tabata un intencion cu e cuchiu, y esaki a contesta cu e kier a defende su negoshi ya cu el a tende e muhenan grita cu tabata tin arma. Ora cu Fiscal a puntra J.B. si el a wak arma, el a bisa cu no, pero cu el a spanta. J.B. mes a yega cas den careda di 6 or di mainta, cu su paña tur na sanger.

 
Abogado defensor di J.B. mr. Chris Lejuez a bisa cu e ex amiga a bisa cu J.B. a bis’e na prome instante cu K.P. lo a hinca Gomez den barica y despues nek. J.B. ta nenga di a bisa esaki. Den sala di Corte, Fiscal hunto cu e sospechosonan y nan respectivo abogado por a wak e imagennan di e video riba un computer.
Na December ultimo, abogado di famia di e victima a entrega un demanda di 12 mil florin, mientras cu a paga 9 mil florin na Onderlinge Hulp. Otro demanda tabata di alimentacion di e yiu di e victima cu actualmente tin 13 aña.

 
Fiscal a mustra cu J. B. ta bisa cu ta K.S.P. a ranca cuchiu for di su man y a hinca Gomez. E anochi ey tabatin 3 pelea y tur tabata entre K.S.P. y Gomez. Segun Fiscal Gomez a wordo hinca door di K.S.P. cu hopi forsa, cu un cuchiu di 21 cm. K.S.P. a bisa e homber J.B. cu e kier sa cu el a mata Gomez pasobra el a hink’e cu full e cuchiu. Na opinion di Fiscal, e comportacion di J.B. ta mustra cu J.B. tabatin intencion di uza e cuchiu. Loke J.B. a declara no ta wordo sostene pa ningun testigo.

 
Segun Fiscal K.P. ta esun cu a hinca Gomez mata. J.B. ta wordo considera complice door cu intencionalmente a pasa K.P. un cuchiu. Comunidad henter a keda den shock pa e hecho aki. E famia completo a keda den estado di shock pa cual ainda nan ta bou di tratamento pa cu esaki. Fiscal a exigi 10 aña di prizon pa K.P. pa asesinato y 4 aña di prizon pa J.B. pa complicidad. Fiscal a aproba e suma 3600 Florin, cual e ta haya ta rasonabel pero no e demanda inmaterial. Tambe pa locual ta e demanda di alimentacion, Fiscal ta haya cu mester aproba e demanda aki y a pidi un medida di pago pa cual Ministerio Publico mes lo zorg pa e acusadonan paga.

Hues a cera tratamento di e caso y lo dicta sentencia dia 16 Maart pa 8.15 di mainta.

Polisnan a realisa algun detencion durante parada grandi na San Nicolas

0

E parada grandi di Carnaval na San Nicolas a conta cu basta polis riba pia, el a cuminsa na ora y caba na ora. Durante controlnan riba caya tabatin algun persona cu a keda deteni pa falta di respet y no ta scucha ordo di Polis y tambe alcohol cu a hunga un rol y no tabata comporta. Detencionnan tabata minimo e aña aki. E detenidonan a keda hiba cu van di CEA pa warda di San Nicolas.

Accidente semi frontal altura di Isla di Oro

1

Diasabra anochi e caminda paden di Savaneta pa Pos Chikito altura di Isla di Oro a sucede un accidente unda chauffeur di un honda accord a dal semi frontal riba un pickup. E impacto tabata basta fuerte, ambos auto a keda basta kibra pero ningun persona herida. Roadservice a presenta pa asina tuma datos.

Motociclista a fayece den accidente pisa na Curacao

0

Willemstad Curacao: Djasabra mardugá alrededor di 02.34’or, Sentral di polis a dirigí un unidat ku urgensia na e krusada Gosieweg / Prairiweg pa un aksidente entre un outo i un motosaikel.
Na yegada di e patruya nan a topa ku un hòmber drumi abou ku múltiple herida na su kurpa.
For di un investigashon preliminar ku polis a realisá na e sitio, a sali na kla ku shofùr di un outo(1) tabata kore riba e kaminda ariba menshoná den direkshon Rio Canario. Ora e la yega na e krusada Gosieweg / Prairiweg e la lora na man robes pa drenta Prairiweg nèt na momentu ku e motosaikel tabata aserkando for di direkshon kontrali. Konsekuentemente e motosaikel a dal den e outo(1). Dor di e impakto aki e motosiklista a bai kai riba e otro banda di kaminda nèt na momentu ku un otro outo(2) tabata aserkando. E outo aki a alkansá e motosiklista.
Ku urgensia a transportá e víktima (motosiklista) ku ambulans pa Poliklínika di SEHOS. Alrededor di 03.17’or polis a haña notifikashon ku e víktima Sedric Johannes Schotborg nasé na Kòrsou 24 yüni 1966 a fayesé a konsekuensia di múltiple leshon ku e la risibí dor di e aksidente.
Riba órden di Fiskal di Ministerio Públiko a konfiská e kurpa di e víktima pa mas investigashon.

 

Imagen cortesia di Direct Media Curacao / Jason

Antisocialnan a horta tur 4 tire completo for di un Honda Fit

0

Diasabra marduga doño ta presenta na su auto honda fit cu el a laga staciona den e parkeer plaats di The Village Mall na Palm Beach. E auto tabata riba bloki unda antisocial bay cu tur 4 tire completo cu riem. Polis a presenta y asina tuma datos di e ladronicia. Diasabra merdia e doñonan a bay e agencia pa cumpra e riemnan y topa cu un auto cu 4 riem di su auto y aki a solicita asistencia unda Polis a detene e supuesto ladron di riem.

Chauffeur a perde control cu auto drenta Saliña y bandona e sitio

0

Diasabra marduga chauffeur di un chrysler a perde control riba e caminda pa bay Rooi Frances y drenta e saliña. No tabatin ningun persona herida pero e auto a keda pega y e chauffeur no por a sali cune. E tabata acompaña pa mas amigo y a bandona e sitio lagando e auto atras. Polis motoriza a presenta y asina tuma datos.

Curacao: Resumen di aktividatnan polisial durante Marcha Tiner 2017

0

Willemstad Curacao: Cuerpo Policial Curacao cu un relato di asistencianan di e marcha tiner 2017. Kòntròl di e Departamentu di pèrmit di MEO (ku asistensia)Kuerpo Polisial:
 A tene kòntròl riba 33 lugá di Horeca.
 A sera 4 lugá di horeca
 Tabatin 7 lugá di horeca ku tabatin DJ pafó
 Kòntròl di Milieu Dienst
Milieudienst a kontrolá e kantidat di desibèl di bandanan i DJ na diferente punto riba e ruta.
Pa resultado di e midimentu aki tuma kontakto ku Milieu Dienst.
 Detenshon
1. Alrededor di 21.00’or polis a detené un hòmber S.R.R.W. nasé na Sürnam, 26
aña di edat riba Waakzaamheidstraat pa posishon di droga.
2. Alrededor di 21.40’or polis a detené un hòmber G.S. nasé na Kòrsou, 19 aña di
edat den Roodeweg pa posishon di droga.
3. Alrededor di 22.00’or polis a detené un hòmber D.S.W.. nasé na Kòrsou, 21
aña di edat den Roodeweg pa posishon di arma di kandela ilegal.(un revòlver
ku 4 bala skèrpi aden).
4. Alrededor di 22.30’or polis a detené un hòmber V.A.H. nasé na Kòrsou, 29 aña
di edat den Roodeweg pa posishon di droga.
5. Alrededor di 22.30’or polis a detené un hòmber R.A. nasé na Kòrsou, 25 aña di
edat den Roodeweg pa posishon di droga.
6. Alrededor di 23.00’or polis a detené un hòmber S.H. nasé na Kòrsou, 38 ku un
kuchú riba Schottegatweg West.
7. Alrededor di 23.00’or polis a detené un hòmber G.R.S. nasé na Kòrsou, 64 aña
di edat den Van Heerdstraat pa burachería públiko.
8. Alrededor di 23.05’or polis a detené un hòmber S.S.V. nasé na Kòrsou, 25 aña
di edat den Kortijnweg pa posishon di droga.
9. Alrededor di 23.28’or polis a detené un hòmber S.S.G. nasé na Kòrsou, 28 aña
di edat den Roodeweg posishon di arma di kandela ilegal.(un revòlver ku 11
bala skèrpi aden).
10. Alrededor di 23.28’or polis a detené un hòmber J.D.C. nasé na Colombia, 24
aña di edat den Roodeweg pa opstrukshon di trabou di polis i resistí aresto.
SIRBI I PROTEHÁ
Departamentu di Komunikashon i Prevenshon
Página 1
11. Alrededor di 23.30’or polis a detené un hòmber C.U.M. nasé na Hulanda, 20 aña di edat den Roodeweg pa stroba órden públiko.
12. Alrededor di 00.45’or polis a detené un hòmber R.J.N. nasé na Kòrsou, 20 aña di edat den Roodeweg pa maltrato ku arma.(bòter) ( un partisipante di grupo i un miron a tira bòter riba otro. Un mucha menor di edat a keda alkansá ku bòter na su kara)
13. Alrededor di 00.45’or polis a detené un hòmber C.V.B nasé na Kòrsou, 17 aña di edat den Roodeweg pa maltrato ku arma.(bòter)(relashon ku number 12) 14. Alrededor di 01.45’or polis a detené un hòmber M.M. nasé na Kòrsou, 42 aña
di edat na Brionplein pa motibu ku e no a sigui òrdu di outoridat.
15. Alrededor di 01.45’or polis a detené un hòmber J.W. nasé na Kòrsou, 44 aña di
edat na Brionplein pa motibu ku e no a sigui òrdu di outoridat.
16. Alrededor di 01.50’or polis a detené un hòmber S.E.J. nasé na Kòrsou, 27 aña di edat den Waterfortstraat pa posishon di arma di kandela ilegal. (arma di
kandela konfiská)
17. Alrededor di 01.50’or polis a detené un dama A.V.M. nasé na Kòrsou, 25 aña di
edat den Waterfortstraat pa posishon di arma di kandela ilegal. (detené huntu
ku number 16)
18. Alrededor di 02.00’or polis a detené un hòmber G.G.L.. nasé na Kòrsou, 30 aña
di edat den Waterfortstraat pa posishon di arma di kandela ilegal. detené
huntu ku number 16 i 17)
19. Alrededor di 03.15’or polis a detené un hòmber L.E.B. nasé na Sto. Domingo,
27aña di edat den Naniestraat pa insulto i resistí aresto.
20. Alrededor di 03.15’or polis a detené un hòmber L.A.B. nasé na Sto. Domingo,
27 aña di edat den Naniestraat pa insulto i resistí aresto.
 Vehíkulonan ku a falta ku regla:
 Un biaha mas a transportá un kantidat di vehíkulo ku tabata mal pará òf ku tabata
opstakulisá tráfiko. Tur e shofùrnan ta haña un but, nan mester paga e gastunan di kran i e
dianan ku e outo keda den kurá (lugá di warda outo). Ademas nan lo por haña e outo bèk te ku djárason despues di e marchanan di karnaval.
 Otro kasonan:
 A lokalisá un mucha muhé di nuebe(9) aña ku no por a haña su tata niun kaminda. A hib’é serka su mama.
 Alrededor di 21.03’or a detené hòmber di nashonalidat Haitiano ku ta permanesé ku su pèrmit di estadia a vense i tabata permanesé ilegal riba nos isla.
 Alrededor di 01.10’or tabatin un bringamentu den Roodeweg.
 Tabatin algun kaso kaminda hende a bira malu. Krus Korá a duna asistensia
 Un hobensita di 5 aña a kai i probablemente a haña un fraktura su man

Accidente entre auto y brommer na Dakota

0

Diasabra marduga alrededor di 3:20 ta susede un accidente riba e caminda di Caya Papa Juan Pablo II. Na e sitio a constata cu e brommer bayendo direccion playa riba e caminda menciona, tawata core mei mei di caminda y net n’e birada un Yaris ta bin y e señora a spanta y pa no dale e la purba hala pa e brommer y asina mes tog ta dal e brommer. E hoben spanta a purba di bay cu e brommer pero no a yega leu debi na e daño na e brommer. Polis a presenta y tuma datos. No tawata tin niun herido.

Accidente basta fuerte na crusada di Weg Seroe Preto

0

Diasabra marduga na e crusada di Weg Seroe Preto altura di e misa a sucede un accidente di auto basta fuerte pa falta di preferencia. No tabatin ningun persona herida, pero tanto e chevrolet aveo y e mitsubishi lancer a keda basta kibra.

Basta asistencia medico durante parada di luz na San Nicolas

0

Diabierna anochi durante e parada di luz na San Nicolas tabatin tanto paramediconan di ambulance riba bais riba ruta y esnan den auto rond den bisindario pa ora drenta cu emergencia pa duna un man. Cruz Cora tambe tabata riba e ruta, y tabatin un comando post cu tabata coordina e trabounan entre Ambulance y Cruz Cora.

 

Bike team di ambulance tambe tabata basta activo pa cu meldingnan cu tabata drenta. Hunto cu Cruz Cora a brinda basta asistencia, e,o den caya di San Nicolas hende burachi benta abou na sanger, dama cu a bebe dimas den area di Scol di Arte, persona cu a corta su pia cu glas, tabatin dama cu a cay flauw y tabata na estado.

Homber tira mata na e brug altura di Punda

0

Willemstad Curacao: Djasabra 25 di febrüari 2017 alrededor di 01.50’or, Sentral di Polis a dirigí un unidat na altura di brùg di ponton na e lado di Punda pa un kaso di tiramentu.
Na e sitio polis a bin topa ku un homber drumi abou ku algun herida di bala na e parti ariba di su kurpa.
For di investigashon preliminar ku polis a realisá na e sitio a sali na kla ku probablemente e hòmber víktima tabata tin un diskushon ku un grupo di persona.
Na dado momentu un di nan a saka un arma di kandela i lòs tiru dirigí riba e víktima ku konsekuensia ku algun di e tirunan aki a alkans’é na e parti ariba di su kurpa. E víktima -ku te na e momento aki no ta identifiká ofishalmente- a fayesé na e sitio di e insidente mes. Despues di e akto e sospechosonan a kore bai.
Dòkter a konstatá morto di e hòmber aki i riba òrdu di Fiskal di Ministerio Públiko a konfiská su kurpa.
Investigashon den e kaso aki ta kontinuá.
D’xiane Yoshua Mardechelo Ogenia, nasé na Kòrsou 19 sèptèmber 1998.
Polis ta supliká tur persona ku por tin informashon tokante di e kaso aki, pa tuma kontakto ku polis na 917 of e liña anonimo 108.

Accidente pa falta di preferencia na e crusada Bubali

0

Diabierna atardi na e crusada di Bubali cu Caya Musica a sucede un accidente di auto basta fuerte. Na prome instante ambulance a presenta debi cu tabatin un persona levemente herida pero no tabata desea di asistencia despues. Maske cu e daño material na e autonan ta grandi. Polis di trafico a presenta na e sitio pa tuma datos.

 

A constata cu e hyunda accent biniendo for di pabou a bay pa lora na su man robes dilanti di e kia rio bahando for di pariba. Aki e dos autonan a dal basta duro contra di otro. Takelwagen di seguro a presena pa bay cu ambos vehiculo.

Varios detencion durante parada di luz na San Nicolas

0

E parada di luz na San Nicolas a cuminsa pa 8’or exacto y a termina pa 2’or. Durante e parada aki tabatin basta polis riba pia, e.o Mobiele Eenheid, Flex Team cu tabatin controlnan fuerte riba caya. Principalmente ora cu topa cu gangnan ta actua sospechoso a listra personanan. Durante listramento a gara hende cu droga y detencionnan a cay. Tambe detencion a cay pa personanan pata pata burachi benta abou cu no sa di nada. Algun rato tabatin pelea den grupo pero e team di Mobiele Eenheid a yega di biaha y durante listramento a detene algun hende. Un total di 12 persona a keda deteni compara cu aña 2016 tabatin 14 detencion. Na final di e parada tur cos a bay trankilo.

Polis a detene chauffeur bou influencia cu a hit & run y kier a sconde na trabou

0

Diasabra marduga dilanti di Airport altura di e rotond chauffeur di un auto toyota a bay haal in y dal riba un suzuki swift. E auto tabata core ireponsabel riba un velocidad halto. E chauffeur di e swift a sigui e auto cu a drenta caminda di Barcadera. Patruya di Santa Cruz a yega basta lihe na e sitio y topa cu e auto A-63890 cu a hit & run y e chauffeur tabata cana basta malo rumbo pa su trabou na waf Barcadera. Polis a pare y a pone supla y a surpasa su limite di alcohol basta halto y a keda deteni. Ta mustra cu den e estado cu e tabata ta di alcohol kier a bay traha subi tereno di waf Barcadera. Su auto a keda tuma den beslag.

Un persona herida den pelea na Tat Fat bar

0

Diabierna anochi den Tat Fat bar a surgi un pelea entre algun homber y den esaki un persona a resulta herida cu kap na cabes. Tabatin un otro homber tambe cu a haya golpi na bariga pero no tabata desea asistencia. Ambulance a atende cu e persona cu tabata sangra, polis tambe tabata na e sitio pa tuma datos.

Autonan bieu pega na candela na Bushiri

0

Diabierna anochi unidad di bombero y polis a keda manda pa Bushiri altura di e gayero unda desconoci a pega autonan na candela. Na yegada di unidad di bombero a constata cu ta autonan bandona y e candela a pega e mondi tambe. Bombero a drenta accion y domina e candela por completo.

Tempo

Oranjestad
few clouds
27 ° C
27 °
27 °
74%
6.7kmh
20%
Tue
27 °
Wed
27 °
Thu
27 °
Fri
27 °
Sat
27 °

Follow Us On Instragram