26.3 C
Oranjestad, Aruba
Monday, February 20, 2017
Authornan Articulo pa Loader J

Loader J

690 ARTICULONAN 0 COMMENTARIOS

Aruba Marine Mammal Foundation: Tin hopi dolfijn den awanan teritorial di Aruba

0

E aña aki algun dolfijn a subi tera cu no ta algo normal pa cual den entrevista cu Sra. Angiolina Henriquez President di Aruba Marine Mammal Foundation ta splica kico tur nos tin rond di nos isla den nos awa di lama.

Den e ultimo 19 aña cu Aruba Marine Mammal Foundation ta bezig cu esaki, tin un averahe di 2 dolftijn morto pa aña. Pero interaccion cu dolfijn ta algo straño.

Tin 18 especie di setasea, cual ta bayena y dolfijn di cual tin 4 grupo cu semper t’ey. Esey nan ta e “Spotted Dolphins” y Spinal Dolphins” e.o.

Tin hopi bayena tambe cu ta yega tera pero e dolfijnnan ta esunnan cu ta mas comun. E Atlantic Spotted Dolphins, Spinal Dolohins ta esunnan cu mas te yega. E situacion ta cu lama di Aruba, cerca di costa ta un “breeding ground”, dus nan ta yega cerca pa duna luz. Ademas e ta un refugio pa ora nan ta herida. Nan tin diferente locacion cerca di costa, caminda nan ta bay descansa y recupera di herida, di cansancio of pa sconde p.e. di tribon of Orca. Tambe pa duna luz y e prome siman, nan ta keda eynan. Sea na Malmok, Boca Catalina y na Mangel Halto.

Na waf, Surfside y Rodgers Beach tambe ta hotspots, pero menos frecuente. Door cu nan ta bin paden, door nan ta hopi vulnerabel, ta hopi importante pa e botonan y e hendenan realisa cu no ta mesun situacion cu nan ta riba lama grandi ta sigui e botonan. E dolfijnnan ey ta full sano, y nan ta hunga pasando di isla pa isla. Nan ta emigra.

Segun Sra. Henriquez, ora nan yega cerca di costa, ta paso nan tin un problema. E problema tin ora cu e fundacion ta haya cu ta pasa cu nos dolfijnnan, segun e presidente di Aruba Mammal Foundation, pa experiencia, hopi hende ta bay jet ski cu nan, mientras cu mester duna nan espacio pa nan recupera. E dolfijnnan ta bestianan sabi, nan sa unda pa scoge y sin bay den media, ta avisa e hendenan cu ta yega cerca pa evita di yega cerca.

Ta pidi pa tene cuenta, ora e dolfijnnan ta cerca riba beach, keda riba un distancia. Aunke tin biaha e dolfijn mes ta yega y landa rond di e persona. No mester purba core nan tras. Y asina tambe ta evita di trece nan na peliger.

Famia Planea a hisa su prijsnan pa crea consciencia cu tur cos tin su balor

0

Algun di e servicionan cu famia plania ta duna a hisa e prijsnan un poco pa e persona sa cu loke e ta haya e tin su balor segun Sra Evelyn Yarzagaray.
Esey ta haci e persona mas consciente, e lo kier cuida su mes, y conhuntamente Famia Planea y e pashent, por haci posibel pa tin un bisa saludabel pa loke ta sexualidad.
Ta contento cu e cifranan, pero e cambio di mentalidad mester cambia. Mester keda papia, keda den e scolnan, keda informa e mayornan. Algo hopi importante, ta pa un mayor stop di papia cu bo yiu, nunca stop di duna informacion. Kisas Famia Planea no ta asina activo manera añanan anterior, pero esey no kiermen cu nan a stop,
Aña 2017, Famia Planea lo ta un aña cu lo wak y evalua unda ta para y kico falta. Esey a haci algun aña atras, y pesey e exito di e campaña di I love my body. Mester ta na altura di kico ta e menasa cu tin den region, y asina Famia Planea tambe ta prepara pa ora e yega Aruba, nan tambe ta prepara y yuda e hoben miho ainda, pa e ta mas exitoso den bida.

Pronostico di tempo valido te dialuna 13 di februari 2017

0

Pronostico di Tempo valido te cu dialuna ta mustra cu shelo levemente te parsialmente nubla cu posibilidad di un awasero pasahero. Den marduga y dialuna, shelo lo ta levemente te parcialmente nubla cu un awasero breve.
Temperatura lo ta un maximo di 30 grado Celsius y temperatura minimo lo ta di 24 grado Celsius.
Solo lo baha awe nochi 06:46 pm y lo sali mañan mainta 07:03 am.

Biento lo ta modera te basta fuerte y for di direccion oost te oost- noordoost; forsa 3 te 5 (12 te 39 km/ora, 7 te 21 nudo). Den dia fuerte den rafaga; forsa 6 (40 te 50 km/ora, 22 te 27 nudo).

Situacion general di tempo:
Debi na un disturbio cu ta debilitando, den nivelnan mediano y mas abou di atmosfera, temporalmente mas nubia lo bai pasa riba region local cu posibilidad di algun awasero den proximo 24 ora.

Condicion di lama:
Olanan di lama lo ta for di direccion oost cu haltura di 4 te localmente 6 pia.

Temperatura di superficie di lama 26 grado Celsius.

Registracion di temperatura (Celsius) y awasero (mm) den ultimo 24 ora :

Airport max 29 / min 22 / 19.2
Hadicurari max 27 / min 22 / 10.2

Gobierno di Corsou ta cay despues cu Pueblo Soberano ta kita su sosten

0

Diadomingo atardi a yega e noticia for di Corsou, cu e Gabinete Koeiman a cay, despues cu Partido Pueblo Soberano a kita su sosten.

Sr. Koeiman, lider di Partido MAN a bisa for di principio cu nan tabata kier un gabinete stabiel, y ta un di e partidonan cu a garantisa cu nan nunca lo kibra gobierno, cu nan ta dos baranca stabiel y cu por confia riba nan.

Segun Sr. Koeiman, ta Sr. Mac Cijntje di partido Pueblo Soberano a retira nan sosten for di Gabinete Koeiman. Pero ta tur dia ta siña algo nobo. C

Cu esaki tambe, Gabinete Koeimans tambe ta yega na su fin. Y aworaki nan lo reuni den nan seno y wak kico ta e siguiente paso. Nan ta lamenta pa Pais Corsou, esey ta loke tabata kier a evita. Corsou no tabata tin mester di e instabilidad aki. Gabinete Koeiman a cay despues di shete siman, cual ta un record.

En todo caso, Corsou no ta keda sirbi cu e caso aki. E instabilidad cu nan no tabata kier, a wordo demostra cu si no tin stabilidad y pa e motibo ey mes, no tin inversion. Sr. Koeiman tabata tin un proceso andando pa amplia e coalicion, pero segun parce, esey no mag. E coalicion no mag wordo amplia, Sr. Koeiman a bisa.

Diabierna tabata tin un reunion, pa a amplia e coalicion, y lo mester a sigui dialuna pa asina trece stabilidad. Pero esaki no a logra, ya cu no tin Gabinete Koeiman mas. E proximo paso lo ta pa reuni cu miembronan di partido y tambe Sr. Koeiman a bisa cu nan lo analisa semper, prome cu tuma decision.

 

CFT ta confirma cu presupuesto 2017 ta na ordo

0

AFT a confirma pa medio di un carta extenso na Gabinete Mike Eman II cu e presupuesto 2017 tambe ta na ordo. Anto esaki ta e presupuesto cu mester sigui baha e deficit na 0.5% na fin di 2017! E analisis cu CAFT a haci di crecemento economico, di entrada y gastonan di Gobierno, di inversionnan den nos pais y di accionnan pa controla gastonan, a hiba na e conseho aki riba e presupuesto di Gabinete Mike Eman II pa aña 2017. E conseho aki ta encera tambe cu minister di finansa por sigui refinancia e debenan di Aruba pa sigui baha e gastonan riba esakinan.

Un presupuesto ta un plan cu ta bisa con ta bay maneha finansa publico di un pais pa e aña cu ta bin. E ta encera entre otro un plan pa haya placa pa cubri gastonan y un plan pa haci e gastonan necesario den e forma mas eficiente posibel. Loke CAFT ta haci ta wak e plannan aki y bisa si e plannan ta realistico. Nan ta bisa si en berdad lo por logra e plannan aki. For di 2014 CFT/CAFT y oposicion di MEP y PDR, ta bisa cu e presupuestonan no ta realistico. Te hasta a laga Gobernador warda pa firma e presupuesto. Tambe CAFT y oposicion a bisa cu e meta pa baha e deficit riba presupuesto no lo wordo logra. Pero tur aña sin excepcion Gabinete Mike Eman a mustra cu e pronostico pesimista di CAFT y MEP/PDR tabata eroneo. Tur aña sin excepcion Gobierno di AVP a ehecuta e presupuestonan manera planea y a reduci e deficit di 9% na 2014 (= e aña cu a paga 180 miyon florin pa salba e fondo di pensioen di APFA), te na 0.5% e aña aki! Cu e carta di CAFT e maneho financiero sumamente realistico di Gobierno di AVP, ta bolbe wordo confirma. Mas ainda e maneho di saca Aruba for di e crisis ta sosode completamente riba forsa economico, financiero y politico di Aruba mes. Sin niun asistencia di Hulanda. E ta sosode tambe sin cu a tuma niun medida contra Pueblo! Al contrario: trahadonan di gobierno, trahadonan den sector priva, pensionadonan, maestronan di scol, trahadonan cu salario minimo, mamanan soltera y hendenan cu onderstand, tur a haya ayudo pa mantene nan forsa di compra. Anto e placa aki a bini for di e mes un caha di gobierno, cu a inverti masha hopi den enseñansa, salubridad, infrastructura y economia cu a crea trabou. Esaki ta e maneho realistico pa Pueblo cu AVP a y ta sigui hiba! Pasobra ainda falta.

Parke Olimpico di Rio 2016 cu medaya di oro pa abandono

0

Brasil – Seis luna despues cu Rio de Janeiro a alberga e prome Weganan Olimpico den Sur America, varios sede di e evento ta den absoluto abandono, plantea cu interogante riba un legado, cu, segun e organisadonan, ta beneficia e ciudad y su residentenan.

“Nos ta pensa cu esaki lo ta pa nos,” Alex da Silva Ferreira, un mecanico cu tabata cana hunto cu su yiu di 7 aña dilanti un porta cera cu loke supuestamente ta un parke na Deodoro, bario cu a acoge e pruebanan piraguismo y mountain bike. “E tabata cera tur e temponan aki,” el a indica.

E falta di actividad y mantenimento ta afecta varios di e instalacionnan Olimpico, entre nan e sede di e competencia di natacion unda cu e craternan forma pa algun piscina desmonta, ta acumula awa para y e famoso stadion Maracana, escenario di e ceremonianan di apertura y clausura, e ta bibando su propio “Maracanaso.”

E cancha di Maracana, un di e stacionnan di futbol mas emblematico di mundo, ta yena di sushedad y mata. E coriente a wordo corta recientemente debi na un disputa financiero entre e funcionarionan local y e contratista a cargo di aministra e luga, ademas, e yerga ta luci kima di e solo y falta di mantenimento, loke a mantene cera desde cu Brasil a gana e medaya di oro den futbol Olimpico.

Prome cu e weganan, e organisadornan a promociona e sedenan como isntalacionnan cu facilmente por wordo reuza den un ciudad amante di deporte. Pero apenas un torneo di volleyball di beach a wordo hunga den algun di e sedenan, loke incluso a genera criticanan door cu esaki a hiba cu a tira tera den e cancha unda cu e tenis olimpico a wordo disputa.

“Mi ta supone cu santo ta miho cu nda, pero ta patetico no ta hungando tennis eynan,” e ex tenista Fernando Meligeni a bisa, ende a termina na di cuarto luga den e weganan di Atlanta na 1996.

E Gobiernonan federal, estatal y local, hunto cu socionan priva, a paga mas di 40 mil miyon di real (12.800 miyon di dollar) pa alberga e Weganan, di cual 7 mil miyon di real a wordo destina na sede y instalacionnan relaciona. Awo nan ta negosha entre nan y cu socionan nobo pa mira con nan ta cumpli cu e legado Olimpico spera.

“Ta un momento complica”, Patricia Amorim, subsecretaria di deporte di Rio de Janeiro a bisa, durante un reciente bishita na e terenonan unda cu a celebra e competencianan di tennis, natacion y basketball.

“E ta indudabel e inconformidad cu e bunita parke aki ta genera, asina yen no mucho tempo pasa, no ta wordo uza di e manera cu nos, e residente y atletanan lo kier,” e ex landado a agrega.

Fuente: El Colombiano

 

Seleccion Venezolano sub 20 ta clasifica pa mundial

0

Diasabra Venezuela a clasifica pa e Mundial na Sur- Corea, apesar di a cay venci contra di Argentina, cu a keda den man di Colombia, cu ya ta elimina, kende cu un triunfo of empate lo elimina Brazil, cual mester di gana si kier sigui pa e siguiente vuelta.
E seleccion Vinotino a haya su pase pa e mundial cu un total di 7 punto, cu un saldo di 2 gol, cu faltando ainda dos partido pa culmina e hexagon final, ta ocupa e di tres puesto. Uruguay ta lidera e torneo cu 9 punto y Ecuador, su rival ta na di dos luga cu 7 punto y 4 gol.
E arco Venezolano a salva na di 32 minuut, cu un tiro cual a keda rechasa pa Josua Mejias, husto ora cu Lucas Rodriquez tabata den posicion di tiro.

E insistencia di e seleccion Albiceleste a duna su frutonan na di 43 minuut, ora cu Martinez ta ricibi un tiro di Marcelo Torres y ta anota na e banda drechi di e keeper.
Ambos gol Argentino tanto esun na di 43 y esun na di 54 minuut, ta di Martinez.

Fundacion Famia Planea ta sigui keda informa y educa nos comunidad

0

Sra. Evelyn Yarzagaray, Presidente di Famia Planea a splica kico a pasa cu e campaña di  I love my body, cu no t’ey mas.

Na 2008 pa 2009 Famia Planea a haci un investigacion grandi pa kico falta pa yega na e hobennan. Asina a yega na e formato di I love my body. Esaki tabata un campaña di un duracion di dos pa tres aña pa asina pro midi bek y wak e comportacion di e hoben. Esaki vooral den e tema di sexualidad. Famia a planea a wanta cinco aña y den e añanan aki clientenan di Famia Planea a crece.

Tabata tin algun scolnan cu Famia Planea tabata kier a drenta y esaki tabata hopi dificil. Actualmente Famia Planea ta na diferente scol, y esaki ta a base boluntario di e scol, cu ta hasi peticion pa diferente lezing pa diferente workshop.

Sra. Yarzagaray a splica cu despues di cinco aña nan a cubri gran cantidad di hobennan cu ta sexualmente activo y cu lo bira sexualmente activo. Esey pa Famia Planea tabata e meta primordial y e motibo pa pone un stop temporal na I love my body, tabata tambe e parti financiero. Tin cierto gastonan y mester wak kico ta prioridad.

Famia Planea ta contento toch cu pueblo, aunke no ta wak nan fuerte den media toch ta sostene nan. Sra. Yarazagaray a bis cu keto bay nan ta den tur scol. Nan cliente a crece y awendia, segun Sra. Yarzagaray nan no ta haci mucho esfuerzo paso nan ta yega toch. Hobennan sa di Famia Planea y Facebook tambe ta un parti hopi esencial di esaki, ya cu por yega mas facil na e hoben y e hoben na Famia Planea.

Awor cu e fundacion ta mas grandi tin falta di informa y interes di hendenan cu ta acerca e fundacion. Famia Planea ta purba di contesta tur pregunta cu e hoben kier contesta riba dje. Sra. Yarzagaray a splica cu den transcurso di aña, nan ta contento cu e posicion cu nan tin, e cantidad di hoben y adulto cu nan ta yega na nan.
E aña aki lo ta un aña pa evalua kico ta e necesidad, kico falta, kico ta e sed cu ta biba bou di e hobennan, pa asina adapta y ahusta kico ta nan strategia.
Famia Planea ta focus riba e parti preventivo, pero toch nan tin un bista riba e embaraso hubenil, cual Famia Planea ta categorisa riba embaraso desea y no desea. Awendia hobennan ta mas consciente. Y si e hoben awendia sali na estado, mester haci un research kico ta motibo. Tin asina tanto metodo y informacion con pa evita un embaraso.
Al momento, ora un hoben ta desea di sali na estado, ta dificil pa drente. El a set up su mind caba y e lo haci tur loke ta necesario na su meta. Un embaraso no desea ta otro.  E hoben ta spanta, e tin miedo di mayornan, miedo di su futuro.
Actualmente Famia Planea ya caba ta riba 4 mil cliente cu nan ta atende anualmente. Y e clientenan aki ta bin repetidamente. Nan ta contento cu e sosten cu nan por brinda na e comunidad. Tanto na e hoben como na e adulto.

San Nicolas su comercio ta riba un bon caminda

0

Pa presidente di San Nicolas Business Association Sr. Andres Hernandez a splica cu anja 2017 a habri cu tin interes grandi pa comercio haya back e bida di antes.

San Nicolas tin un bon relacion cu loke ta sosodiendo cu paden cu loke ta e refineria CITGO. E speransanan ta halto y tin un grupo grandi di comerciante cu interes pa loke ta  no solamente cu oficinanan cu tin di haber cu e refineria, pero tambe e tipo di comerciante cu ta buscando pa habri restaurant. Tin mas emocion pa cual ta e parti di cumpramento di terenonan na San Nicolas.

Sr. Hernandez a bisa cu pariba di brug ta avansando, si mira cu Sr. di S-Chow a habri su luga nobo den Savaneta, cual ta duna un empuhe na e comercio pariba di brug. Actualmente. oficialmente pa loke mundo ta tendiendo di e doñonan of operadonan for di e compania madre, desconfiansa t’ey, pero toch ta wak cu tin hopi actitud positivo pa parti di e comercio.

San Nicolas Business Association tin hopi bon expectativa pa cu e caminda nobo cu lo trece hendenan mas facil pa San Nicolas y tambe e Fiscal Zone, cual actualmente e Propuesta di Ley aki ta na Parlamento, pa asina wordo trata oficialmente.

IPA lo traha ariba e parti di herencia di nos hendenan na Aruba

0

Dr. Haime Croes a splica tambe cu lo bay traha pa e parti di e herencia di nos hendenan na Aruba mes mirando cu nos tin hopi hende di afo cu ta biba na Aruba.

Desaroyo a pone cu nos poblacion ta crece barbaramente, mundialmente tin problema di hendenan cu ta crusa frontera. Aruba tampoco no ta keda atras, mirando Venezuela con cerca e ta. Eynan mester tin cu wak con ta cuida loke ta di nos, cual ta e parti cultural. Den e programa a mustra cu kier laga e hendenan wak diferente museo, cu ta un parti esencial cu hendenan mester sa  kico ta nos historia.

Tambe e aña aki, segun Sr. Croes ta splica, pueblo lo scoge su representante cual ta eleccion, y e parti ey tambe lo tin un parti di debate, unda cu studiantenan lo haya chance di sinta debati cu hendenan riba e topico  ey cu tambe ta un parti esencial pa e studiante pa e futuro maestro pa wak con nan ta compronde y splica e muchanan mañan den klas.

A pone full e parti di perspectiva mundial, e parti inhoudelijk, riba loke ta pasando actualmente. Mundo ta conecta, manera desaroyo duradero den 4 P cu ta Profit, People, Planet y Participation. Y full e programa ta mara na otro. Dus tur ta bin hunto den e workshop pa yega na e studiante cu desaroyonan actual cu mañan nan tambe sa di kico nan ta papiando.

Despues cu nan caba di siña tur e fasenan di IPA e studiantenan mester traha un presentacion pa e fase final di nan estudio prome cu nan drenta school. E diferencia ta cu unabes nan caba e prome fase cu ta cuminsa dialuna y ta caba mas o menos 13 di maart, nan mester bay afo. E aña aki nan lo bay New York, Barcelona, Argentina, Puerto Rico y Hulanda combina cu Antwerpen.

Den e prome fase nan lo wak kico ta innovacion ariba e terenonan, y loke nan mira den e klasnan ora nan bay afo, combina loke nan a siña den e prome fase. Esey nan lo mester bay pas e toe den practica den e scolnan na Aruba, y si nan por combina tur tres bon e ora nan lo por pasa pa e fase 4, cual ta e ultimo aña di IPA. Aki ta spera cu e docente lo por mira un vision mas amplio di loke ta pasa rond di mundo, segun Dr. Haime Croes di IPA.

Mientras Prome Minister ta keto ola di criminalidad ta keda asota nos isla

0

Den fin di siman e ola di criminalidad a keda asota nos pais. E biaha aki por a tuma nota cu awo ta den pakeerplaats di un banco un atraco a tuma luga den pleno dia cla, ora cu un empresa a bay deposita placa. No mucho tempo pasa un caso similar a tuma luga ora cu un persona di edad a bay deposita placa na un otro banco y el a wordo atraca. Comienso di siman pasa tambe a tuma nota den prensa cu un persona a wordo atraca na un bancomantico. Asina por sigui menciona varios caso di atraco y insiguridad cu a bin ta tuma luga riba caya, den hogarnan y na empresanan, anto den pleno dia cla.
Mientrastanto di e actual Minister encarga cu Husticia no por spera mucho paso ta bisto cu despues di casi 8 aňa cu e puesto e no tin capacidad ni vision pa bin cu un maneho efectivo pa preveni y frena e ola di criminalidad. E Minister ta bon purba desvia atencion atacando oposicion, ta sconde tras di cifra di otro paisnan y busca tur sorto di escusa pa purba hustifica e hecho cu e ta fayando barbaramente den su maneho. Ta con por ta posibel cu un Minister di Husticia ta papia di tene cuenta cu “high season” den criminalidad, caminda cu e ta den Gobernacion y ta responsabel pa prevencion y combatimento di criminalidad?
Y no obstante promesanan di campaňa desde 2009 di parti di e actual Prome Minister pa cu siguridad di nos ciudadanonan, ta bisto cu Sr. Mike Eman ta hopi keto y practicamente no ta duna cara, caminda cu e ta politicamente co-responsabel pa cu e tema. A bira un mal custumber di e Prome Minister desde 2014 cu e ta huy cada bes pa exterior coriendo pa problemanan den su Gobernacion keriendo cu e problemanan ta bay resolve nan mes den su ausencia. En todo caso por conclui cu Sr. Mike Eman y Sr. Dowers no por a garantisa siguridad riba nos isla despues di 2 oportunidad den gobernacion. Pues Pueblo ta fada y harta di e falta di siguridad riba nos isla cu a bin ta reinando durante Gabinete Mike Eman I y II, y ta demandando un solucion.
En todo caso e Plataforma Forsa Nobo/POR den gobernacion nos ciudadanonan por ta sigur cu nos lo recupera y trece siguridad y trankilidad bek tur caminda riba nos isla.

Inscripcion a habri pa POWERADE 8K Run & Funwalk

0

Tur hende por pasa na Ibisa durante ora di oficina y inscribi pa e popular caminata organisa pa SV RCA. Prijs di participacion ta Awg 25,00 cual ta inclui un nechi dryfit, fruta fresco, refreshments, massage, premionan metalico y gift certificates pa coredonan cu gana den categorianan damas, mix 60 plus, mix U16 y cabayero. Animacion ta den man di MC Roberto Geerman y Live DJ.

Salida ta diadomingo 12 di maart pa 6:30 di mainta y yegada ta bek na RCA Arena. E ruta ta diferente cu añanan anterior, di RCA lo sali bay rumbo rotonde Tanki Leendert, rotonde Paradera, rotonde Sero Blanco, La Salle Straat, Kamerling Onne y termina na e Arena di RCA. Lo tin dos waterpost maneha pa Thrillwalkers y un team di Harley Davidson pa controla tur skina. Un crew di profesionalnan lidera pa Candido Tromp y Icho Matos lo zorg pa e massage despues di e loop.

E frutanan fresco ta di Fruteria Virgilio y zonido ta den man di High Performance. Directiva di RCA ta gradici e bebida campeon POWERADE cu ta haci e caminata aki pa di seis aña consecutivo posibel. Yega uno yega tur y contribui na otro fundraising tricolor. Cupo ta limita na solamente 500 participante. Pa registracion di grupo di 10 hende of mas por app 6620202 of mail yazmiratromp@gmail.com +++

Cinco mucha di un solo famia ta muri den candela

0

Cinco mucha, miembro di un solo famia a muri diadomingo marduga na Colombia, despues cu un kortsluiting a causa un candela den nan cas.
Segun informenan policial, e tragedia a keda registra den un cas humilde, construi mas tanto di rama di mata di coco y klei.
E corto circuito a tuma luga banda di 1 or di marduga, y a caba cu e vivienda, unda ademas tabata tin dos hende muhe adulto tabata drumi tambe.
E victimanan ta un mucha homber di 12 aña, su ruman muhe di 9 aña, dos primo di 6 aña y uno mas di 5 aña.
Fuente: NoticiasRCN.com

Resultado pa sorteonan di Number merdia 12 di Februari 2017

0

Lotto cambiando bida ta presenta e resultadonan di Wega di Number y subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On riba 1100

Catochi

  1. 7830
  2. 0960
  3. 8402

Big 4

  1. 0454

Zodiac

  1. 5482 Geminis

Lotto di Dia:                        07- 08- 09- 14- 30

T-shirtnan cu dichonan na papiamento causando impacto un biaha mas

0

Recientemente TRASHYTEES a wordo presenta pa locual ta trata e temanan y dichonan di 2017.  TRASH Store ta contento di por mira e reaccion di Aruba pa cu e t-shirtnan aki cu no solamente ta pret pero tambe ta rindi honor na papiamento.  Director creativo di TRASH Store, esta Ronchi De Cuba, ta prepara diferente dichonan pa asina lansa durante e temporada.  “Nos ta ripiti e tshirtnan mas gusta di añanan anterior y tambe ta bin cu algun nobo cada temporada.  Sigur den diferente colornan y estilonan pa trece un aspecto refrescante y entretenido cada temporada” ta locual Ronchi a duna di conoce.  Dichonan manera #hacidrechi, Busca1Bida, 1PurbaUnGusta, StopdiHole y 99% Serio ta e clasiconan cu tur aña ta entre esunnan mas gusta.  Pa 2017 a bin cu algun dicho nobo manera AntiRedo, Potente, Propiedad Priva, Burachi bo Ta? y Sin Doño.  E t-shirts di TrashyTees semper ta causa impacto durante temporada di Carnaval y awor full e coleccion ta obtenibel na TRASH Store den sizenan S-M-L-XL-XXL.  E boutique ta situa na playa na Sibelius Straat # 8 y ta habri di Dialuna pa Diasabra di 10am pa 7pm non-stop.  Pa mira mas di e coleccion por bishita e pagina di TRASH BY RONCHI ariba Facebook.

Pueblo Soberano ta manda un carta pa Gobernador informando di su decision pa retira sosten

0

Pueblo Soberano ta retira sosten for di Gabinete Koeiman. Esaki ta nifica cu Gabinete Koeiman no ta gosa mas di e sosten di mayoria den Staten. El a manda e siguiente comunicado pa Gobernador di Corsou:

Su Excelencia,

Pa medio di es carta aki, nos ta informa Sr. Gobernador cu nos a retira nos sosten for di Gabinete Koeiman. Ya caba tin combersacionnan andando pa formacion di un gobierno nobo, entre mas fraccion den Staten cu en conhunto si lo forma un mayoria den Staten,

Asina tambe nos ta pidi Sr. Gobernador encarecidamente pa haci loke ta necesario pa yega na un formacion di un gabinete nobo, cu lo por wordo forma a base di un acuerdo cu si ta conta cu e apoyo di mayoria den Staten.

Atentamente,

Sr. Melvin Cijntje (PS)

Lider di Fraccion y Miembro di Staten PS

 

Delegacion di Tamashi Aruba a sali pa Venezuela pa participa den asamblea di faha preto

0

Diabierna Tamashi Aruba su delegacion di instructor nan y atleta nan ta saliendo pa Venezuela caminda e organisacion Padre ta situa. Tamashi cu su significacion un espirito di un guerero balente ta un organisacion grandi cual a sa di duna su fruto na e campeonato nan di Panamerican Karate Federation y World Karate Federation . Awe Aruba Tamashi ta orguyoso di sali pa en busca di material nan pa e atleta nan Arubano pa asina nos como pais chikito pero grandi den curason por demostra nos orguyo di nos pais Aruba. Tamashi Aruba lo ta participando den un asamblea di faha preto na Venezuela caminda USA Chile Panama Aruba Venezuela y varios pais nan lo reuni pa cuminsa e preparacion nan pa e calendario di 2017 cual ta enserni e mundo di Karate . Un palabra nan di exito ta bay pa e delegacion, cu nan buskeda di excelencia. Cu a pasion amor y dedicacion Tamashi Aruba ta invertiendo ariba gasto nan propio pa e bienestar pa nos muchanan por ta exitoso.

Dakota cu jump up escolar y tambe jump up di districto

0

Diaranson awo scolnan di Dakota lo celebra Carnaval y pa es motibo aki lo bay tin un jump – up escolar. Esaki lo tuma luga Diaranson 15 di Februari pa 4 or di atardi y lo termina pa 6 or di atardi. E mesun anochi aki tambe Dakota lo tene su jump up di districto.

Jump up Escolar

Pa loke ta trata e Jump up escolar, Jacintha Kleuterschool ta un di e scolnan participante y nan tema ta Neon Color. Otro scol cu a dicidi di join scolnan di Dakota ta Imelda Kleuterschool cu nan tema di Valentine’s. Nan lo wordo compaña door di B.M.W. Band.

Fatima College lo bin cu nan tema Creatividad di Mascarada cu lo wordo compaña door di Youth Xtreme band. Pius X tambe lo ta den e jump up escolar cu nan tema di Bestia.

E parada lo sali for di Jacinta kleuterschool y lo termina na Jacintha Kleuterschool. E Jump Up Escolar ta sali for di dilanti Jacinta Kleuterschool bai ariba, lora links den Mispelstraat y sigui te na e crusada di Morocho Supermarket, lora rechts bai ariba den Pindastraat te na e crusada cu Fiyostraat, lora links den Fiyostraat bay te cu e crusada cu Maracastraat, aki e parada ta lora links den Maracastraat bai te cu e crusada cu Apelsinastraat. Den Apelsinastraat e ta lora links te cu e crusada cu Macubaristraat. Den Macubaristraat e ta lora rechts bai abou te cu e crusada Makapruimstraat, y aki e ta lora links den Makapruimstraat bai te cu e crusada cu Patiastraat y lora links eynn caba na Jacinta bek.

 Jump up di Districto

Jump Up di Districto di Dakota lo ta tambe dia 15 di Februari 2017 y esaki lo cuminsa pa 8 or di anochi y lo caba pa 10:30 di anochi. E jump up aki lo wordo habri door di Popcorn Dancers, sigui pa Quality Brassband. E bandanan cu lo t’ey e anochi aki lo ta Le Groove Band, Steam Band, B.M.W. Band.

E parada lo sali for di Pacifico Tarabana (Mandolinstraat) y lo termina na Centro di Bario y Deporte Dakota.

Ruta

E ruta pa cu esaki lo ta Pacifico Tarabana den Mandolinstraat, ta lora links y bay den Pindastraat te cu e crusada di Pindastraat/Mispelstraat.(Morocho). Aki e jump up ta lora links na e crusada, pasa memei di Puis X y Fatima, sigui te cu e crusada Mispelstraat/Caya Papa Juan Pablo II. Na e crusada aki e Jump Up ta lora links den Caya Papa Juan Pablo II y sigui bai te crusada Caya Papa Juan Pablo ll/Guyabastraat(Ex Wimco). Na Wimco e ta  lora rechts na dicho crusada y sigui den Guyabastraat te cu e crusada Caya Juancho Kock. Den caya Juancho Kock e jump Up ta lora rechts, pabou di Dakota Basket Ball y sigui bay den Caya Juancho Kock te cu crusada Caya Juancho Kock/Pampoenastraat. Di akinan e jump up ta lora rechts na dicho crusada y sigui den Pampoenastraat y ta caba dilanti Centro di Bario y Deporte Dakota.

 

Comision ta pidi pa tur hende bin bisti na geel cu preto. E jump up escolar ta pa scolnan di Dakota y vecindario. E jump up di bario ta pa Dakota y Aruba henter.

RIba e mapanan adhunto por mira e ruta di e dos paradanan aki den bario di Dakota.

Aki ta sigui un resumen di casonan den Corte di Prome Instancia pa dia 16 di Februari 2017

0

Pa 8’or y 15 di mainta, e sospechoso R.d.l.S.L lo presenta dilanti hues. Durante e horario aki hues lo dicta su veredicto riba e caso di e sospechoso ya menciona.
Pa 8 or y 30 di mainta, e sospechosonan G.F.J.M., G.M. y B.J.B. lo presente dilanti hues. Nan ta wordo acusa di a dal un persona varios biaha cu un tubo di hero y/of un pida palo y/of un machete y/of mokete y scop riba 6 di oktober 2016, cu e intencion pa causele daño grave. M. ta wordo acusa di posesion di cocaina riba 6 di october 2016.

Pa 10 or di mainta, e sospechoso R.R.E.L. L. lo presenta dilanti hues. E ta wordo acusa di kiebro y ladronicia den un bar y restaurant di un suma di placa riba 23 di october 2016. E ta wordo acusa di kiebro y ladronicia den un oficina di pennan y soft den e periodo di 11 y 12 di januari 2016.

Pa 11 or di mainta, e acusadonan W.V.W.V., R.K. y S.L.M.O. E  tres sospechosonan aki  ta wordo acusa di exportacion di cocaina riba 6 di september 2016.

Mucha homber ta ranca na porta di cas den de Vuyst

0

Central di Polis ta dirigi un patruya pa de Vuyst pa controla si nan por a topa cu un mucha homber cu un rato pasa a purba di drenta den un cas na de Vuyst. Dicho mucha homber lo tabata bisti cu un T-shirt shinishi y un carson cortico color beige. E mucha homber lo tabata di postura delega, y di color scur. E lo tabata tin un rugtas cun’e. Hunto cu miembronan di K-9 unit a controla den de Vuyst pero no a topa cun’e. Patruya a dicidi di bolbe de Vuyst pa mas investigacion. Eynan polis ta wordo acerca pa un señora cu a declara cu un rato prome un mucha homber tabata riba su tereno y a trek na su porta di cas. Ora cu e señora a bay atende cun’e, el a saca un mashin di feita ariba dje y a bisa e señora cu e lo ta buscando trabao como peluquero. E señora a core cun’e for di su tereno pero el a nenga.
Un rato despues patruya di K-9 unit ta meld cu nan a topa cu e mucha homber en cuestion na altura di e Scol di Polis. Central di Polis a wordo poni na altura di esaki.

Noord- Corea ta lansa misil balistico di rango intermedio

0

Noord- Corea a lansa un proyectil diadomingo, segun un fuente di Ministerio di Defensa di Sur- Corea. E informacion ta proviniente di e un declaracion emiti pa autoridadnan di Sur- Corea.

Segun informenan e proyectil a wordo dispara diadomingo mainta for di Provincia di Pyongan Na Noord- Corea.

Aparentemente Noord- Corea a lansa un misil balisitico di rango intermedio. Ademas, un funcionario di Departamento di Estado a bisa cu “nos ta na altura di e reportenan y ta bezig ta monitor e situacion cu hopi cuidao”.

Agencian di noticia Surcoreano Yonhap ya caba a informa tocante e lansamento.

Esaki ta e prome prueba realisa pa Noord- Corea desde cu e Donald Trump ta presidente di Merca.

 

 

Resultado pa Sorteonan di Number anochi 11 di Februari 2017

0

Lotto Cambiando bida ta presenta e resultadonan di Wega di Number y subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On riba 1100

Catochi
1.8967
2. 7453
3. 9491

Big 4
1. 1561

Zodiac: 7273 Geminis
Lotto di Dia: 09- 12- 13 -26- 29
Lotto5:  08- 13- 22- 27- 28 J: 06 L: N

Ladronnan ta drenta den cas y bay cu varios articulo

0

Diamars dia 7 di Februari, Central ta dirgi un patruya pa un adres na Matadera en coneccion cu ladronicia. Na nan yegada polis ta papia cu e señora M., kende ta declara cu desconocinan a drenta den su cas. E ta declara cu el sali for di cas pa 7 or y 10  di mainta y cu tur cos tabata na yabi. Ora cu e la bin bek pa 4 or y 45 di atardi el a ripara cu e porta banda panoord di su cas abata habri. El a drenta paden y a ripara cu e frigidaire tabata habri. El a sigui cana den cas bay den camber unda cu e la ripara cu su laptop y su television como tambe algun perfume a disparce. Ladronnan a bay tambe cu algun specerij for di den cushina.
Durante control a bin ripara cu e porta dilanti a wordo forsa. Tanto Centrale Post como Bureau Forensisch en Technisch Onderzoek a wordo poni na altura.

Post Aruba partiendo cantidad record di buki di telefon

0

Pa tur esunnan cu ta puntra nan mes ki dia nan ta haya e buki telefon 2017 ata e contesta akinan. SETAR Aruba NV a caba di entrega e bukinan di telefon nobo pa aña 2017 e siman aki na Post Aruba N.V. cu e instruccion pa cuminsa parti nan. Manera tur aña, a prepara un team completo pa sali caya y partinan diasabra, for di 6’or di mainta te cu 6’or di atardi.

“Esaki ta e cantidad record di buki di telefon cu nos ta parti den historia di Post Aruba N.V., esta mas di 46 mil buki”, asina Guillermo Raymond, director di Post Aruba N.V. “Di nos banda nos a prepara henter un team di partidonan di carta pa realisa e proyecto aki. E ta hopi trabou pero nos partidonan experencia lo sa di entrega e bukinan den un tempo record”.

Post Aruba N.V. di e forma aki ta demostra di ta capaz pa maneha fluho di trabou grandi den entrega di carta, pakinan of documentonan importante.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 3 oficina adicional na Santa Cruz, Noord y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta E-Post Aruba y Aruba Stamps.

Temblor na Filipina ta cobra bida di por lo menos seis persona

0

Un sismo di 6.7 riba scala di Richter a mata por lo menos seis persona y a herida mas di 120 den e parti zuid di Filipina diabierna. Esaki segun informenan oficial.
E sismo a wordo sinti na 14 km noordoost di e ciudad di Surigao, pa 10 or di anochi segun e Instituto di Vulcanologia y Sismologia di Filipina. Por lo menos 30 replica a sacudi e areanan cercano.
Surigao ta ubica den e region di Mindanao y tin un poblacion di 140 mil persona.
Alcalde di Surigao a declara estado di calamidad den Surigao. E teremoto a alcansa como 54  bario.
E movimentonan di tera a pone cu algun edificio a cay, y tambe a provoca cortenan den electricidad y a obliga e cierre di e Aeropuerto local.
Filipina ta ubica den e asina yama Fire Ring, den e Cuenca di Pacifico cu ta hopi vulnerabel pa teremoto y erupcionnan volcanico.
Na 2013, un sismo 7.1 a sacudi centro di Filipinas cerca de un ciudad den e provincia di Bohol y a mata 183 persona y a laga 583 persona herida.

Polis ta reenforsa nan visibilidad riba caya cu dos auto nobo

0

Diabierna mainta durante un ceremonia hopi ameno yena cu positivismo na Garage Cordia, un delegacion di Cuerpo Policial Aruba (KPA) dirigi pa Alto Comisario Interino, Vanessa Tjon, hunto cu Minister di Husticia, mr. Drs. Arthur Dowers y CEO di AHATA y Presidente di Aruba Hospitality & Security Foundation (AHSF), Jim Hepple, a haci entrega di dos Toyota RAV 4-hybrid pa reenforsa e visibilidad di Polis den e area di Noord y Palm Beach.

Un Alto Comisario Interino hopi entusiasma a splica cu “Nos tin basta tempo ta cooperando cu AHSF y durante e transcurso di e añanan nan a yuda Cuerpo Policial cu diferente material pa asina por eherce e trabao cu mas efectividad. Cu e dos autonan aki nos por tin miho visibilidad riba caya, principalmente den e area di Noord y e area turistico. Noord ta un di e districtonan cu a bira hopi grandi den e ultimo añanan. Nos ta priminti cu di parti Polis lo nos haci bon uzo di nan, principalmente den prevencion”, asina Alto Comisario Interino, Vanessa Tjon a bisa.

Minister Arthur Dowers a splica cu mirando e cambio den e forma di traha bieu cu AHSF unda tabata paga pa guardia di siguridad, awor a bay na paga pa material pa Cuerpo Policial, e dos autonan aki sigur lo yuda combati criminalidad. “Esaki ta e dos prome nan, pronto tres mas ta na caminda pa asina Polisnan por haci un trabao mas efectivo riba caya. Mas aleu, mi ta hopi orguyoso di e trabao cu nos Polisnan ta haciendo na e momento aki,” e mandatario a agrega.

Jim Hepple a expresa su satisfaccion di por mira cu e cooperacion di e fundacion cu Polis ta percurando pa resultadonan positivo y a priminti cu lo sigui traha cu Cuerpo Policial pa crea mas tanto siguridad den e area turistico. A funda Aruba Hospitality & Security Foundation (AHSF) cu e meta pa crea mas siguridad den e area turistico y desde su comienso ta cooperando cu Cuerpo Policial pa logra esaki.

Gerente di Garage Cordia a entrega e autonan nobo na AHSF, cu a pasa e yabinan pa Minister di Husticia, pa Alto Comisario interino di Cuerpo Policial, pa e Alto Inspector encarga cu patruyahe, pa e Inspector encarga cu e districto di Noord y despues pa e Polisnan cu diariamente lo patruya den e autonan nobo aki na Strand Politie.

Cuerpo Policial Aruba ta existi desde aña 1986 y ta conta awendia cu mas o menos 600 Polis trahando incansablemente pa brinda siguridad na nos pueblo. Ta trata aki di 375 hende homber, 104 hende muhe y 120 empleado administrativo, trahando den 4 districto, cu Warda nan di Polis situa na Oranjestad, San Nicolas, Noord y Santa Cruz. Den Caribe, e cuerpo di Polis di Aruba tin un nivel hopi halto di e porcentahe di casonan criminal soluciona y hiba na Corte. Pa mas informacion por “like” nos Facebook riba https://www.facebook.com/korpspolitiearuba.

Bus di Salud cu servicio pa publico

0

Instituto Biba Saludabel y Activo, IBiSA ta informa na comunidad cu team di Bus di Salud ta sali pa duna servicio na publico den e barionan di Savaneta y Dakota.

Fecha:                     Lugar:                                                                Horario:
15di februari 2017   Parkinglot di Wintergarden Supermarket (cu bus)  9:00 a.m – 3:00 p.m.
16 di februari 2017    Fundacion Iglesia Universal Dakota (sin bus)       8:30 a.m – 3:00 p.m.

E servicionan di Bus di Salud ta consisti di control di peso (BMI), presion di sanger, sucu den sanger y colesterol y tambe ta duna conseho individual con pa hiba un estilo di bida mas saludabel. Tur control ta completamente gratis y no mester ta na yuna pa bin haci e controlnan aki. IBiSA ta corda tur bishitante pa presenta cu e carchi valido di AZV.

IBiSA ta invita comunidad di Aruba, specialmente e barionan di Savaneta y Dakota y vecindario pa probecha di e servicio di Bus di Salud.

Activistanan di Transparencia Venezuela deteni

0

Servicio Bolivariano de Inteligencia Nacional (Sebin) di Venezuela a detene cuater persona, identifica como coordinado y activistanan di e organisacion Transparencia Venezuela, segun e organisacion no gubernamental a informa den un comunicado.
Dos di e detenidonan tabata e periodistanan Jesús Urbina y María José Túa. Dos coresponsal Brasilero, Leandro Stoliar y Gilzon Souza de Oliveira tambe a keda deteni.
Transparencia Venezuela a bisa cu e dos detenidonan tabata “buscando informacion” riba e brug cu ta crusa e lago di Maracaibo, den Estado Zulia, un obra ehecuta door di e empresa Brasilero Odebrecht.
E ONG a bisa cu un comision di Sebin “a detene nan y nan a wordo escolta te na e sede di Sebin, na Maracaibo pa un entrevista. Nan a kita nan celularnan for di nan ora nan a yega e sede di Sebin.
Sindicato Nacional de Trabajadores di Prensa y e Colegio Nacional di Periodistanan na Zulia tambe a informa di e sucedido.
Gobierno Venezolano no a confirma ni nenga e detencionnan.

 

Utimo dos miembronan di “afpakteam” a huramenta dilanti Minister Dowers

0

Diabierna atardi Sra. Shahaira Werleman  y Sr. Julio Quijada a presta huramentacion  dilanti Minister di Husticia Arthur Dowers,  como agentenan extra-ordinario.  Ambos ta empleado publico laborando na Departamento di Impuesto, y ta completa e cuerpo di e “afpakteam” cu a cuminsa opera desde prome di februari 2017.
Presente na e acto di huramentacion aki tabata e mandatario encarga cu finanza publico di pais Aruba bou di cual  departamento di impuesto cu tambe ta parti di e “afpakteam” aki ta resorta.
Tanto Minister di Husticia Arthur Dowers como su colega Minister di Finanza Angel Bermudez a felicita ambos empleado y a desea nan hopi exito den e trabou cu nan ta bay eherce.

Pronostico di tempo valido te diadomingo 12 di februari 2017

0

Pronostico di tempo ta indica cu diasabra anochi, shelo lo ta levemente te parcialmente nubla cu posibilidad di un awasero pasahero den marduga y diadomingo, shelo lo ta levemente te parcialmente nubla cu un awasero breve.

Temperatura maximo 31 grado Celsius y temperatura minimo 26 grado Celsius.

Solo lo baha awe nochi 06:45 pm y lo sali mañan mainta 07:03 am.

Biento lo ta modera te basta fuerte i for di direccion oost; forsa 3 te 5 (12 te 39 km/ora, 7 te 21 nudo).

Den dia fuerte  den rafaga; forsa 6 (40 te 50 km/ora, 22 te 27 nudo).

Situacion general di tempo: Temporalmente mas nubia lo bay pasa riba region local cu posibilidad di algun awasero pasahero den proximo 24 ora.

Condicion di lama: olanan di lama lo ta for di direccion oost cu haltura di 4 te localmente 7 pia.

Temperatura di superficie di lama 26 grado Celsius.

Registracion di temperatura (Celsius) y awasero (mm) den ultimo 24 ora :

Airport  max 31 / min 23 / 5.4

Hadicurari max 28 / min 22 / 5.3

E seleccion defintivo di Hulanda pa World Baseball Classic ta conoci

0

Dies hungado di e Liga Mayor Hulandes di Baseball ta forma parti di e seleccion definitivo di Team di Reino pa e di cuater edicion di World Baseball Classic. Den e seleccion tin no menos cu 5 hungado activo di Baseball Mayor League, di cual e manager Hensley Meulens riba papel tin e seleccion mas fuerte di tur tempo. Pitcher Kensley Jansen tambe ta forma parti di e seleccion Oranje.
Un seleccion di 31 hungado lo bay Arizona e weekend aki, pa un campo di entrenamento cu lo tin un duracion di 2 siman, na e Spring Training complex di San Fransisco Giants. Na ultimo, ta solamente 20 hungado lo biaha pa Sur- Corea  caminda cu e seleccion hulandes dia 7 di maart lo hunga e wega inicial contra di Sur- Corea.
Esaki ta e seleccion mas fuerte di tur tempo, cu na Sur- Corea lo consisti di dies hungado di e Liga Mayor Hulandes. Entrenan ta haya pitchernan Tom de Blok (L&D Amsterdam), Lars Huijer (Pioniers), Jim Ploeger (HCAW) tambe Dwayne Kemp (Curaçao Neptunus) cu lo hunga nan wega di debut den e World Baseball Classic. Pitchernan manera Rob Cordemans, Diegomar Markwell y Tom Stuifbergen lo ta hungando hunto cu Yurendell de Caster, nan di cuater World Baseball Classic.
Designated Pitcher Pool
Banda di e 28 hungadonan cu lo forma parti di e seleccion. manager Meulens lo haya na su dispocion un asina yama Designated Pitcher Pool die 10 pticher. cu lo por wordo yama si Hulanda pasa pa e siguiente buelta. Un di nan ta e hungado di Major League, Kenley Jansen.
Pitchernan Berry van Driel, Kevin Heijstek, Kevin Kelly, Ryan Oduber y Mark Pawelek, cu den e siguiente dos simannan lo ta den entranemento hunto cu e seleccion Oranjo, tambe ta forma parti di e pool aki. E grupo di pitchernan designa ta wordo amplia cu cuater otro hungado cualnan ta e pticher di Neptunes (Curaçao) Sja Harcksen. E ex- Mayor Leaguer a regresa Curacao Neptunus aña pasa. Nunca el a yega di forma parti di e Dream Team Hulandes. Mescos ta conta pa e pitchernan di reserve Nelmerson Angela, Ryan Oduber y Ruderly Manuel.

Lista defintivo di e seleccion pa WBC
Pitcher (13)
Tom de Blok (L&D Amsterdam)
Mike Bolsenbroek (Buchbinder Legionäre, Alemania)
Rob Cordemans (L&D Amsterdam)
Lars Huijer (Pioniers)
Rick van den Hurk (Fukuoka Softbank Hawks, Hapon)
Jair Jurrjens (no tin club)
Diegomar Markwell (Curaçao Neptunus)
Shairon Martis (Lincoln Saltdogs, Merca)
Loek van Mil (Curaçao Neptunus)
Jim Ploeger (HCAW)
Tom Stuifbergen (DSS)
Juan Carlos Sulbaran (Springfield Cardinals, Merca)
Orlando Yntema (Curaçao Neptunus)

Catcher (2)
Dashenko Ricardo (Lincoln Saltdogs, Merca)
Shawn Zarraga (Oklahoma City Dodgers, Merca)

Infielder (7)
Xander Bogaerts (Boston Red Sox, Merca)
Yurendell de Caster (no tin club)
Didi Gregorius (New York Yankees, Merca)
Jonathan Schoop (Baltimore Orioles, Merca)
Sharlon Schoop (Bowie Baysox, Merca)
Andrelton Simmons (Los Angeles Angels, Merca)
Curt Smith (Lincoln Saltdogs, Merca)

Outfielder (6)
Wladimir Balentien (Yakult Swallows, Hapon)
Chris Garia (Lincoln Saltdogs, Merca)
Dwayne Kemp (Curaçao Neptunus)
Jurickson Profar (Texas Rangers, Merca)
Kalian Sams (L&D Amsterdam, Capitales de Québec, Canada)
Randolph Oduber (Lincoln Saltdogs, Merca)
Designated Pitcher Pool (10)
Nelmerson Angela (DSL Mets, Republica Dominicana)
Berry van Driel (Curaçao Neptunus)
Wendell Floranus (Vallejo Admirals, Merca)
Misja Harcksen (Curaçao Neptunus)
Kevin Heijstek (L&D Amsterdam)
Kenley Jansen (Los Angeles Dodgers, Merca)
Kevin Kelly (Curaçao Neptunus)
Ryan Oduber (GCL Red Sox, Merca)
Mark Pawelek (No tin club)
Ruderly Manuel (Wildcats, Curaçao)

Staf tecnico
Hensley Meulens – manager
Andruw Jones – coach
Bert Blijleven – coach
Steve Janssen – coach
Sidney de Jong – coach
Ben Thijssen – coach
Wim Martinus – coach
Greta Schouten –manager
Paul Venner – trainer
Pepijn van Ingen – fysiotherapeut
Kevin Sprengers – fysiotherapeut
Jaap Visser – Encarga di materialnan
Seb Visser – Vocero

Fuente: Honkbalsite

Turistanan ta declra cu desconocinan a kibra e porta di glas di cas cu nan ta huur

0

Diamars 7 di Februari 2017  Central di Polis ta manda un patruya pa un adres na Paraguana. Central a geef door cu e persona cu nan tabata tin problema pa scucha of compronde e persona na telefon. Na nan yegada agentenan ta encontra cu un grupo di turista cu ta declara cu desconocinan a drenta den nan cas cu nan ta huur y cu esakinan a destrui un glas di porta. Agentenan en berdad ta constata cu e porta banda di pabao tabata destrui.
E huurdonan a declara cu dia 7 di Februari, entre 10 or y mei y 11 or di anochi, algun di nan tabata den e cushina y otronan tabata pafo den e cura. Y tur cos tabata na ordo. Un poco despues pa mas o menos 2 or di marduga, ora cu nan ta prepara pa bay drumi, e denunciante ta ripara cu e porta di su camber tabata kibra pa cual el a yama polis.
Polisnan a constata cu e camber no tabata reboltea y paden di e cas tampoco. A haci un control rond di e cas, pero no a topa cu nada inusual. Den e resto di cas tambe tur cos tabata na ordo.
Despues, pa mas o menos 3 or y mei, un melding ta drenta cu e huurdonan a skucha un hende den e cura banda patras. Na nan yegada oficialnan di polis ta papia cu e bisiña, cu a declara cu e la bin na e cura pa motibo cu el a tende un grito y el a bin check si tur cos tabata na ordo.
E huurdonan a declara cu nan ta tende un porta dal den e tv- room y a kere cu tabata tin hende paden den cas. Agentenan a haci un control tanto paden y pafo, pero un biaha mas no ta topa cu nada inusual. Central a wordo poni na altura.

Cedric Herrou un Frances cu a rescata mas di 200 migrante Africano

0

Un granjero na Breil-sur-Roya, un pueblo cerca di frontera na Francia, Herrou a wordo someti na un proceso legal di tres luna pa a transporta migrantenan for di Italia pa su pais. E lo mester paga 3 mil euro, si e wordo haya culpabel.
E prome biaha cu nan a aresta Herrou tabata na Augustus aña pasa, e tabata tin suerte di a pasa solamente 36 hora bou di vigilancia y a sali liber di tur cargo. E tabata transporta ocho Eritereo for di Italia pa Francia, cerca di Breil- Sur Roya na Francia, unda e tin su granja pa algun aña caba. Su consenshi como granjero tabata tambe di un bon samaritano cu a pone cu e hues cu a trata su caso, a sinti compasion, aunke na Francia ta ilegal pa yuda un imigrante crusa e frontera.
Segun Herrou, e agentenan anti-imigracion a kibra tur ley deteniendo e imigrantenan enbes di permitinan drenta e pais pa pidi asilo. Nan ta manda nan e otro bandi di e frontera y esaki ta trece consecuencianan indeseabel, entre otro cu imigrantenan ta tuma e caminda robes of ta sali lastima, enbes di sigui un proceso sano.
Ultimo biaha cu el a crusa e imigrantenan, esaki a oblig’e na un proceso di tres luna y el a pasa di ta un heroe anonimo pa un reinidivacion publico. Herrou y tres compañero di e asociasion a tuma un stacion di tren bandona na Tende, Francia y a haci esaki un hogar temporal pa e imigrantenan. Polis a descubrinan y a deporta e imigrantenan. Herrou a hay’e confronta cu un proceso legal, cu si e wordo descubri un biaha mas, e lo mester paga un boet di 3 mil euro.
Fuente: El Espectador

Inscripcion pa e “32nd Aruba International Half Marathon” di IBiSA ta habri

0

“Aruba International Half Marathon (AIHM)” ta e careda di mas grandi cu Instituto Biba Saludabel y Activo, IBiSA, ta organisa pa pueblo di Aruba. E aña aki ta e di 32 edicion di e careda cu lo tuma luga diadomingo 26 di maart 2017. Tin dos manera cu por participa den e careda aki cual lo ta den forma individual (1 persona) of den relay (4 persona). Na aña 2015 IBiSA a introduci e Student Relay cu ta specialmente pa scolnan di enseñansa avansa. Debi na e exito di esaki, na 2016 a crea e Corporate Relay cual ta pa compania y organisacionnan di Aruba. Aña pasa e Corporate Relay a sold out hopi lihe, pues nos ta conseha tur team pa inscribi trempan.
Student Relay
Pa un team registra pa e categoria di Student Relay, e team mester tin aprobacion di nan scol. Costo di inscripcion pa e categoria aki ta Afl. 20,- pa persona cu ta encera un t-shirt, bib number y medaya conmemorativo. Participantenan di e team mester atende e mesun scol y e team mester consisti di 4 participante, di cual por lo menos 1 mester ta mucha muhe. IBiSA ta invita hobennan interesa pa forma nan team y inscribi trempan, mirando cu inscripcion ta limita na solamente 20 team.

Corporate Relay
Cada team mester consisti di 4 participante di cual minimo 1 mester ta femenino y tur 4 mester ta labora na e mesun compania/organisacion.  Costo di inscripcion pa e categoria aki ta Afl. 25,- pa persona cu ta encera t-shirt, bib number y medaya conmemorativo. IBiSA invita tur compania/organisacion pa forma nan team di inscribi trempan. Inscripcion ta limita na solamente 30 team. Inscripcion di Relay Corporate y Student Relay por wordo haci na solamente na IBiSA situa na Frankrijkstraat 1 of na Sport Centrum San Nicolas situa na Dr. Schaepmanstraat 52 for di 7:30 a.m. pa 12’or di merdia y for di 1:00 p.m. pa 4:00 p.m.

Inscripcion individual pa 21K:
E edad minimo pa participa individualmente ta 16 aña riba e dia di careda. Costo di inscripcion general ta Afl. 35,-  of US$ 20,-  cu ta encera t-shirt, bib number y medaya conmemorativo na final. E premiacion na final ta pa coredonan femenino y masculino den e siguiente categorianan di edad 16-19, 20-29, 30-34, 35-39, 40-44, 45-49, 50-54, 55-59 y 60+ prome, segundo y tercer luga respectivamente.

Inscripcion individual por wordo haci online via  www.arubarun.com
Lo tin e posibilidad di paga online of print e confirmacion y pasa paga na oficina principal di IBiSA situa na Frankrijkstraat 1 y tambe na Sport Centrum San Nicolas situa na Dr. Schaepmanstraat 52 for di 7:30 a.m. pa 12’or di merdia y for di 1:00 p.m. pa 4:00 p.m.

Pa mas informacion por bay riba facebook di IBiSA: IBiSA Aruba of por yama tambe na telefoon 582 4987.

 

Polis di Espirito Santo na Brasil ta keda riba welga ignorando acuerdo cu Gobierno

0

BRASIL – Polisnan militarisa di e estado suroriental Brasileño di Espirito Santo, a ignora diasabra un acuerdo firma e anochi di diabierna cu e Gobierno regional, cu a facilita e fin di un welga cu a completa un siman.
E acuerdo tabata tin premira cu e polisnan, cu ta reclama reivindicacionnan salarial, ta bolbe bek riba caya diasabra, cuminsando pa 7’or di mainta ora local, pero e agentenan no a cumpli cu lo dispuesto, entre representante di e asociacionnan di polis militarisa y e Gobierno di Espirito Santo.
E crisis di siguridad publico, door di falta di efectivonan riba caya, a desata un ola di violencia cu por lo menos 121 morto, principalmente na Vitoria, e capital regional, caminda cu hopi localnan comercial, agencianan bancario y oficinanan publico, ta permanece cera.
E servicio di autobus, cu a wordo suspendi door di miedo pa robo di vehiculo, a normalisa gradualmente diasabra na Vitoria, unda cu un 2000 efectivo di Ehercito y di Forsa Nacional di Siguridad, ta patruya e cayanan pa motibo di falta di polis.

 

Resultado pa sorteonan di number merdia 11 di Februari 2017

0

Lotto cambiando bida ta presenta e resultadonan di Wega di Number. Subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On riba 1100

Catochi
1. 6220
2. 8298
3. 2939

Big 4
1. 9776

Zodiac
1. 8930 Scorpio

Tempo

Oranjestad
clear sky
26.4 ° C
26.4 °
26.4 °
98%
8.8kmh
8%
Mon
27 °
Tue
26 °
Wed
26 °
Thu
26 °
Fri
27 °

Follow Us On Instragram