VIENNA, Austria – E Gobierno Austriaco a keha e fabrica di avion Airbus y e consorcio tras di e Eurofighter riba un posibel fraude riba un ordo di 2 biyon di Euro na 2003.
E ministerio di Defensa Austriaco a bisa diahuebs cu e paso aki a wordo poni despues di un investigacion. E fabricanan lo a engaña e Gobierno riba e prijs di compra, entrega y armamento di e jetnan aki.
E daño lo por core te cu 1.1 biyon di Euro, segun minister di Defensa, Hans Peter Doskozil a bisa durante un conferencia di prensa.
Airbus no a duna ningun comentario, pero supervisornan si a declara cu nan a wordo sosteni durante e investigacion.
Fuente: Nu.nl