TEXAS, Merca- Miedo a tuma e capital di Texas, Austin, over debi na un di cuater explosion e luna aki, e ultimo tabata door di un waya di trampa, cual según autoridadnan, ta mustra un “nivel halto di sofisticacion”, compara cu e paketenan di bom di e atentadonan anterior.
Dos homber a resulta herida door di explosion ora cu diadomingo nan tabata canando den un caya y nan ta hospitalisa dne condicion stabiel. E tres atentadonan explosivo anterior cu a cuminsa dia 2 maart ultimo, a haci uzo di pakketnan laga na porta cual a laga dos persona morto y dos herida.
“Evidentemente nos ta enfrentando loke nos ta kere ta un atacante serial cu ta perpetra atentadoann explosivo, door di e similitudnan den loke awo ta cuater artefacto” y e anteriornan, según e hefe di polis Brian Manley.
E motibo di e atakenan ainda no a wordo estableci pa investigadonan.
Autoridadnan ta ofrece un recompensa di 115 mil dollar pa cualker informacion cu por conduci na e aresto di e autor di e explosionnan.
Fuente: https://es-us.noticias.yahoo.com