Polis no por cuminsa duna multa tanten cu servicio di impuesto no duna ok pa e control nan cuminsa. Sra. mr. Luenne Gomez – Pietersz, Directora di Departamento di impuesto ta amplia mas ariba esaki.
E controlnan lo ta basa ariba acuerdo mutuo, caminda cu SIAD ta duna lus berde pa polisnan por cuminsa controla. Segun Sra. mr. Pietersz, a base di cifranan ricibi, toch lo por duna e cliente chens pa cumpli pa e dos prome cuartalnan, sin cu ta pone nan den situacion cu polis ta controla of SIAD ta duna boet.
SIAD kier stimula clientenan pa cumpli cu nan debernan fiscal, segun Directora di Impuesto, Sra. mr. Luenne Pietersz. Tin comprension pa e situacion, caheronan na SIAD ta trahando non- stop. Ariba un solo mainta, tin como 200 pa 300 cliente pa wordo yuda.
Tambe na e MFA nan tambe a pone un ekipo cla, pa si tin cliente bira malo, tin hasta bedrijfshulpverlenings team cu ta paraat, of si tin pashentnan cu ta diabetis, cu nan mester como nan ora, y si no come nan ta bira malo. Tin tur comprension pa e sitaucion.
Hopi biaha un cliente no ta informa nan mes, caminda ta pone comunicadonan di prensa, ariba website. Ta purba na stimula e clientenan pa paga online, paga via banco y toch clientenann ta bisa cu nan no tabata sa cu por paga online.
Si paga via banco, of online, esey ta yuda alivia e fluho di hende si paga via banco of online, cu no tin nodi para den rij nan Departamento di Impuesto. Tin asina tanto tecnologia na nos disposicion, y ta pidi e banconan pa stimula pagonan online of paga via banco. Pa motorrijtuigbelasting tin 47 mil tin den circulacion, esey ta di A-platen te cu O-platen y TX- platen. Si tur 47 mil cliente, bin riba e ultimo dia esey ta crea un problema hopi grandi na Departamento di Impuesto, segun Directora di Departamento di Impuesto, Sra. mr. Luenne- Gomez- Pietersz.