Aunke ta duna parkeo liber despues di 3’or di atardi, e reglanan pa para auto ta keda mesun cos y manera cu ley ta stipula, segun vocero di Aruparking, Sannin Daou.
Tin dos cos awor aki cu tin cu tene na cuenta. Uno ta a ser bisa cu ta duna free parking despues di 3’or. Awor aki Aruparking ta trahando di 9’or di mainta pa 3’or di atardi. Esey ta un cos.
E di dos cos ta organisacion di parkeo den centro di ciudad, cu organisacion mester compronde cu Aruparking tin e vaknan marca unda mag parkeer. Si no tin vak blanco of geel, no mag di parkeer. Den geel solamente sin tin vergunning mag di parkeer y esey ta keda vigente.
Ta organisando, segun e leynan cu a pasa aña pasa, ta organisando parkeo den centro di ciudad. No mag di para unda cu ta mas. Ora cu papia di free parking despues di 3’or, e ta conta solamente den e vaknan blanco. Geel si tin un vergunning por para den geel. Den un vak blanco ta unicamente despues di 3’or ta free parking of ora cu anuncia cu tin free parking. Kier pa tur hende compronde esaki bon.
A bisa cu lo bay kita klem, cual lo ta algo pa futuro. Na e momentonan aki ainda tin cu uza e klemnan ora cu tin foutief parkeren. Ora cu para sea cu ta riba acera of caminda cu no tin un vak. Si para ora cu tempo pasa, por bay over na pone klem. Esey kier pa tur hende ta duidelijk. Te ainda tin cu uza e klem na momento cu para robes.
Tur esaki ta algo cu Aruparking ta bezig cun’e. Esaki ta algo nobo pa tur hende. Kier pa e ta duidelijk cu ta trahando riba dje. Na momento cu esaki ta cla, lo e wordo anuncia tambe. Te na e momentonan aki ainda tin cu traha segun e leynan cu a haya aña pasa y segun cu ta trahando. Te na e momento aki ainda tin cu uza klem ora cu tin fout parkeren. Pesey ta pidi tur hende un biaha mas pa tene cuenta cu esaki. No parkeer caminda cu no mag for di ora tampoco y solamente para den vak blanco, ora cu ta paga. Tambe si no mester paga mes, si ta despues di 3’or, para solamente den e vaknan blanco y solamente si tin vergunning por para den un geel.
Daou a sigui menciona cu ta keda mantene esaki. Cu tin cu corda cu solamente para den vak blanco. Organisacion di parkeo centro di ciudad ta algo cu a cuminsa for di aña pasa. Ta bay tin dianan di fiesta, ta bay tin shopping nights. Pesey kier bisa tur hende pa corda bon, cu tur esaki ta na vigor, pero corda cu bo por parkeer solamente den vaknan blanco. Ban ta un tiki mas cauteloso. No parkeer unda cu ta. Tene cuenta cu tin reglanan existente, pa evita cu tur hende por bay den un situacion un tiki incomodo. Aruparking kier purba encurasha tur hende pa para den e vaknan blanco.