LONDON, Inglatera – E agencia Internacional di Energia (AIE), ta spera cu e crecemento di e oferta di petroleo otro aña lo supera un incremento premira di e demanda cu lo impulsa e consumo mundial riba 100 miyon di bari pa dia (bpd) pa prome biaha, e organismo a bisa diaranson.
AIE, cu sede na Paris, a bisa cu e produccion pafo di e Organisacion di Paisnan Exportador di Petroleo (OPEP), lo crece dos biaha mas lihe na 2018 compara cu loke lo aumenta e aña aki.
“Pa e produccion total pafo di OPEP, nos ta spera cu e produccion aumenta den 700 mil bari pa dia e aña aki, pero nos prome perspectiva pa 2018 ta haci cu e lectura lo ta decepcionante pa e productornan cu ta busca pa restringi e suministro,” AIE a bisa.
“Den 2018, nos ta spera cu e produccion pafo di OPEP crece den 1,5 miyon di bpd, loke ta liheramente superior na e aumento premira di e demanda mundial,” el a agrega.
Fuente: http://lta.reuters.com