Aumento den produccion di crystal meth na Hulanda

0
RBC Juli 2018
Funmiles-2018

Criminalnan di droga Hulandes mas y mas ta dirigi nan mes ariba e produccion di crystal meth. Esaki a wordo confirma door di polisnan na na NRC.

Den e ultimo diesdos lunanan polisnan a desmantela mas o menos dies laboratorio caminda cu crystal meth ta wordo produci. “Algun aña atras nos no tabata mira esaki mes”, segun un vocero policial a bisa na e corant. Tambe cu 2018 tabata e punto di inclinacion den e produccion di meth.
Den pasado Hulanda tabata produci mas tanto xtc, speed y cocaina. Crystal meth ta un di e harddrugsnan mas fuerte cu tin actualmente. E ta cuater biaha mas fuerte cu cocaina.

Flat Rotterdam
Siman pasa polis di Rotterdam a haya un den un apartment bashi casi diestres kilo di crystal meth. E luga tabata hala hopi atencion door cu niun hende no tabata biba eynan, pero si tabata tin trafico di personanan cu tabata drenta y sali cu tasnan grandi.
Segun NCR e aña aki autoridadnan a desmantela laboratorionan di crystal meth na Zuidlaren, Lunteren, Oss y Weert. Den algun caso polisnan tabata haya miles di kilo di materia prima den e laboratorionan aki. Tambe e cantidad di desperdicio di e droga aki a aumenta.

Export
Autoridadnan ta di opinion cu e crystal meth no ta wordo produci pa e mercado Hulandes mes, pero pa exportacion, specialmente pa Republica Checa y Alemania oriental.
Na Hulanda e droga aki ta popular bou di cierto gruponan, manera e comunidad gay. Departamento di Salud di Amsterda (GGD Amsterdam) aña pasa a expresa su preocupacion pa e adiccion bou di e comunidad homosexual.

Comments

comments

C: Heineken
new india
dvg