Ben Maduro ta MC di Manic Monday, cu ta pa esnan cu tin interes y curashi pa asina subi escenario y demostra nan talento. Durante e trayectoria nan lo haya diferente tips y training pa asina nan mehora nan talento. Nan lo cuminsa cu e live shows cu 7 participante.
Tur luna un lo cay afo y lo keda cu ultimo tres participante unda cu nan lo bay competi pa asina nan gana e premio mayor di 2500 florin y tambe dimes e titulo di Aruba’s Next Superstar.
Maduro a sigui splica cu si tin hende interesa pa participa, nan por manda un email na [email protected] of tambe via 5821010. E anochi di audicion lo ta dia 3 pa 5 di Juli. Tin aproximadamente 1 siman pa asina nan por manda nan formulario y mustra nan interes den e show.
Edad ta cuminsa di 14 aña bay ariba. Pesey ta invita tur hende cu tin 14 aña of mas pa asina manda nan formulario y siguramente sigura bo puesto tambe pa un di e live shownan y audicion.
Esaki ta tur cos cu bo tin como talento, bo por bin y presenta esaki. Esaki por ta un actuacion, e por ta un baile, e por ta magia, standup comedy, toca un instrumento, acrobacia, cualkier talento cu bo por tin, bin y mustra y Aruba tambe dimes, kico ta bo talento.