Vocero di Polis Sr Lito Lacle ta confirma cu diaranson den careda di 5:25 mainta central di Polis a keda informa cu den Chuchubistraat na Kas Paloma a tuma luga un atraco na un cas. A despacha unidad di Santa Cruz cu urgencia pa e sitio.
Na yegada di patruya na e cas victimanan a conta Polis cu tres persona desconoci a drenta e cas cu arma di candela den man y mara e dos ciudadanonan y bay cu nan celular y un caha fuerte cu nan tin. E atracadornan tabata papia spaño. Tanto recherche, departamento forensico di Cuerpo Policial y slachtofferhulp tabata presente na e cas.