Willemstad Curacao: Marduga den kareda di 4:45 outoridatnan a bai ku urgensia kaya Florin na Souax despues ku informashon a drenta na sentral di polis ku un ratu promé un hòmber armá a drenta den kas i atraká 2 persona di nashonalidat Haitano. Outoridatnan ku tabata na kaminda a bolbe tende di sentral ku 1 dje víktimanan a risibí impakto di opheto ku a sali for di un arma dje atrakador i e ta herida na su kabes. Pa kolmo e atrakador tambe ta benta abou i herida. Na yegada di outoridatnan a komprondé ku e tipo ladron/atrakador aki a bini desidido na momentu ku el a bula e kura dje kas i despues ku un sker ela kòrta kandal ku tin na e porta di hèkwèrk. Despues di aki el a konfrontá e 2 haitianonan ku ta primu di otro i aki nan el’a saka un arma i tira un dje haitianonan aki den kabes.Na e momentu ei, e otro haitiano ku pa kolmo su man ta den yesu, a bringa ke atrakador i nan 2 a logra but’e abou i mare ku waya i asina a yama polis. Den e kas kantidat di sanger plama aki aya, kantidat di hèrmènt, machete/ kuchú i tambe arma ku e atrakador a bin kuné.
Ambulans a transportá e atrakador i tambe 1 dje hòmber haitianonan (esun ku bala den kabes) pa poli. E otro haitiano por a bai su dòkter di kas paso e tambe a keda leshoná na su pia den area di su rudia.
Cortesia di : Loopabc.com