Diadomingo ultimo, Scherm Amateur Bond Aruba a celebra Dia di Betico cu nan torneo anual cu a tuma luga den e acomodacion deportivo di IBISA San Nicolas. Mester bisa cu atletanan di e diferente clubnan di esgrima manera Universal Fencing Club, Scherm Club Brazil, Centro Deportivo Playa y Don Bosco Knights/Beau-Gest a bataya den e competencia di Wapen: Degen.Despues di un bon bataya cu e atletanan di e diferente scolnan a hiba contra otro esnan cu e sobresali mas cu claro a triunfa e mainta aki.
Den e Categoria #1 nos tin na prome luga Myron Balentin, na di dos luga a keda Gabriela Concalves mientras na di tres luga a termina Carlos Concalves. Den e categoria #2 nos tin e prospecto Nykiana Thompson cu a termina como e number uno, na di dos luga a keda Desmond Tromp y na di tres luga nos a haya Gabriela Concalves. Den e categoria #3, nos tin na prome luga un bes mas e hoben prospecto Nykiana Thompson, na di dos luga Yiyu Chen y na di tres luga Shawndrella Blanco. Por ultimo a bringa den e categoria #4, aki nos tabata tin Alex Wever cu a sali na di prome luga, sigui pa Yiyu Chen cu e keda na di dos lugar y Shawndrella Blanco cu a termina na di tres luga.
Lotto, e loteria di Aruba kier a manda un palabra di pabien na tur e ganadonan,e mayornan y e boluntarionan cu e yuda hasi e Dia di Betico uno exitoso pa e deporte di esgrima.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.