Den pasado a yega di traha un plan pa e tema di economia di Aruba. Presidente di ATIA, Ronald van Trigt a splica cu awendia esaki no tey mas, pero asina mes, ATIA ta trahando papor mantene un miho forma di economia stabil.
E ta conta cu den pasado caba a traha extensamente riba locual ta nan vision pa mehoracion di nos economia y cosnan cu tin cu tuma luga. Cu esaki, den pasado tabata tin dialogonan importante cu Gobierno cu tabata tuma luga specificamente pa trece e puntonan cu ATIA kier trece dilanti continuamente cerca Gobierno.
E dialogo no tey mas, pero tin si nan tin cierto puntonan crucial, sea cu ta trabao pa hubentud cu tin cu tuma luga, problemanan cu tin na nos pais of e retonan cu tin, cosnan cu tin cu haci. Pa comercio ta mas productivo, ATIA tin caba si posicionnan hopi estricto y hopi cla cu a wordo presenta na varios ocasion y ta atrobe bay trata di trece esakinan dilanti. E ta un topico hopi importante. Bienestar di nos comercio mas cu nunca, na e momentonan aki ta importante. Comercio ta esun cu ta draai Aruba. Hopi biaha ta pensa cu ta Gobierno ta esun cu ta draai Aruba, pero Gobierno ta esun cu tin cu supervis’e, pero si wak unda e masa di e pueblo ta traha, ta comercio ta e dunado di trabao. Tin cu bay wak pa comercio haya tambe tur cos cu e mester pa traha na un manera mas eficiente y mas productivo. Specialmente e momentonan aki, ta importante pa realisa cu comercio mester haya atencion pa locual ta realisacion di su productividad, segun Ronald van Trigt..