ATIA kier promove pa cana cu menos cash y cuminza realiza trasaccionan on li
Directora Sra. Michelle de Groot , cu actualmente banconan ta promoviendo e iniciativa di no usa hopi placa den cash. Sra. de Groot ta amplia mas ariba e opcion aki.
Tin un gran cantidad di hende cu ainda no ta haci uzo di nan carchi, mientras cu hopi di e banconan ta ofrece transaccionnan online, nan tin nan app tambe. Uzo di caarchi swipe ta mas miho, pero ainda hopi negoshi y usuarionan cu ta cana cu hopi placa riba caya, anto esey lo ta un risico awendia. Tin hopi di e comerciantenan cu tin hopi placa pa bay deposita, e proceso aki lo ta hopi vulnerabel y susceptibel tambe. Pa proteccion di e comerciante, ta mas miho haya e placa den forma electronico y no ta bay tin e problema aki di cana cu hopi placa .
Institucionnan bancario na Aruba kier purba di evita pa cana cu hopi cash, ya cu esaki ta haci e comunidad hopi mas vulnerabel pa criminalidad, ciudadanonan lo mester cuminsa cana cu menos cash riba caya, esaki lo ta pa proteha bo mes.
E medida aki lo duna mayor siguridad na e usuarionan, mas tanto e hendenan grandi, ya cu esakinan lo por cay victima di ladronicia mas facilmente tambe. Den e mesun caso di hende mas grandi, tin algun gremio awor aki cu lo ta hopi interesa pa trece campaña di conscientisacion na e mayornan, y educa nan pa siña con pa traha cu app, haci transaccionnan online, pa deal cu menos cash posibel, anto esey sigur lo bay yuda, segun Sra. Michelle de Groot, directora di ATIA.