PODGORICA, Montenegro- Un Serbio di 43 aña ta esun cu lo a tira un obheto explosivo riba e embahada Mericano den e capital di Montenegro, Podgorica, pa despues rementa su mes. Esaki a sosode den oranan di marduga di diaranson pa diahuebs.
Medionan di prensa local a informa diahuebs di e identidad di e homber, basa ariba informacion policial. Probablemente ta trata aki di un granada di man cu a wordo tira ariba e puesto diplomatico.
Segun e fotografo di Reuters, a simple bista no tin daño na e embahada. E embahada a avisa su ciudadanonan Americano pa no bin na e embahada te proximo aviso.
Fuente: https://www.anp.nl/