ANKARA, Turkia- Dialuna mainta un of mas persona a tira contra di e embahada di Merca na Ankara, sin cu ningun persona a resulta herida. E persona (nan) tabata moviendo den un auto, segun un comunicado di gobernacion di Ankara.
“Nos por confirma cu un incidente di siguridad a tuma luga mainta, segun e vocero David Gainer, di e embahada di Merca. Den un hoki di siguridad di e embahada por observa un di e impactonan.
E atentado a bin mei mei di un tension fuerte entre Merca y Turkia, debi na e caso di un pastoor Mericano cera na Ankara, cu lo termina den un bataya di aumento di invoerrechten entre ambos pais. E bataya aki a provoca e caida di e lira Turco desde siman pasa.
Polis Turco a realisa varios operativo di siguridad rond di e ciudad, pa logra captura e atacantenan.