Atacantenan Yihadista ta tuma huespednan di un hotel como rehen

0

BAMAKO, Mali- Un hotel turístico popular entre stranheronan den e capital di Mali, a wordo ataca pa un grupo di hombernan arma, segun e vocero di Ministerio di Siguridad di e pais Africano, Baba Cisse, a bisa.
Segun e vocero ministerial, e atake a tuma luga den e compleho di Le Campement Kangaba, oost di Bamako.
“Forsanan di siguridad ta na e luga. Le Campement Kangaba ta blokia y tin un operacion na caminda”, Cisse a confirma. “E situacion ta bou di control”, el a sigura.
Sin embargo, varios testigo a reporta cu e atacantenan a tuma e guest di e hotelnan como rehen. No tin informacion di victimanan.
Ta trata aki di un posibel atake Yihadista, segun e agencia AFP, citando fuentenan di e gobierno Maliense.
Durante e ultimo añanan, Mali a bin ta combati insurgencia yihadista. Den e parti noord y centro di e pais, ainda tin ocupacion door di combatientenan Islamista.
Na November 2015, al menos 20 persona a muri ora cu un grupo arma a tuma huespednan como tambe e personal di Hotel Radisson Blue di Bamako. E responsabilidad di e ataque ey a wordo asumi door di Al Qaeda di Magreb Islamico (AQMI).

Fuente: www.actualidad.rt.com

LEAVE A REPLY

Please enter your comment!
Please enter your name here